________________
सम्प्रतिनृपाख्यानकम्
१४३
जस्स ण जइणो गेण्हंति कह वि जत्तेण जोइयं दाणं ।
सो किं गिही ? मुहा होइ तस्स घरवासवासंगो ।।१६७।। तथा
प(व)ल्लरि पाणिइ नवइं तणि, अण्णु वि अण्णह उप्परि नाडइ ।
भल्लउ तावहिं जाणियइ, जावहि जलहरु बिंदु न पाडई' ।।१६८।। एयमायण्णिऊण लजिओ चाणक्को । 'इच्छामो अणुसडिं, जं उद्धरिओ अहं निवडमाणो । चोयणवरवहणेणं संसारमहासमुद्दाओ ।७३। फासुयएसणिएणं अहापवत्तेण भत्तपाणेणं । कारेजह अणुदिवसं अणुग्गहं मज्झ गेहम्मि ॥७४॥ खमियव्वं च असेसं जमुवालंभेणखेड्यासामि!' । इय भणिउं चाणक्को गओय निययम्मि गेहम्मि।७५
तत्थ य चिंतिउमाढत्तो 'हंत खुडओ व्व अदिस्समाणो जइ को वि वइरिओ विसं संकामेइ ता न सोहणं होइ, किंच पुव्वं पि विसकण्णगापओगाओ कहिंचि छुट्टो एस राया, तो संपयं तहा करेमि जहा विसप्पओ
गाओ न चेव भयं हवई' । त्ति संपहारेऊण सहमाणं सहमाणं भुंजाविओ विसमिस्समाहारं। रण्णो य धारिणी णाम महादेवी । तीसे य पहाणगब्भाणुभावेण समुप्पण्णो दोहलओ, अवि यधण्णाओ कयत्थाओ ताओ जणणीऑ जाओ नरवइणा । भुंजंति एगथाले सहेगसीहासणगयाओ।७६।
किं ताण जीविएणं ? विहलं चिय ताण गब्भउव्वहणं ।
जाओ न रण्णा समयं भुजंती एगथालम्मि ॥७७॥ तओ तम्मि दोहले अपुजमाणे परिदुब्बलंगी संजाया । तारिसिं च दद्दूण पुच्छियं चंदगुत्तरण्णा जहा 'पिए !
किं तुज्झ नेय पुजइ साहीणम्मि वि मए?, किमहवा वि भणिया केणइ किंचि वि दुव्वयणमणज्जकज्जेणं ॥७८।। किं वा वि केणइ तुहं आणाए खंडणं कयं देवि ! ? ।
कस्स अयंडे कुविओ जमराया अज्ज भो ! सहसा?' ।७९। पडिभणइ धारिणी तो 'नेयाणं होइ देव! एणं पि। गम्भाणुभावजणिओ किंतु महं डोहलो एसो।८०।
१. ला० पत्तरि ॥ २. ला० तृणि ॥ ३. ला० मुद्दम्मि ॥ ४. ला० दियहं ॥ ५. ला० खुड्डय व्व॥ ६. ला० वेरिओ।। ७. ला० तारिसियं च ॥ ८. सं० वा० सु० केण य ॥ ९. ला० डे सहसा, जमराया अज परिकविओ ॥ १०. ला० णं देव ! होइ एवं पि ॥
