Page Text
________________
सम्प्रतिनृपाख्यानकम्
१४१ एवं च तेसिं भावं णाऊण मग्गिया जहोचियं दव्वइत्ता । गोहणइत्तों एगदिवसणवणीयं, आसवई एगदिवसजायतुरंगे, धण्णइत्तो सालिरयणाणि मग्गिओ । एवं भंडागार-कोट्ठागाराणि पडिपुण्णाणि कयाणि । तओ सत्थचित्तो रज्जधुरमणुपालेमाणो चिट्ठइ ।
अह अण्णया कयाई संजायं महारोरवं दुवालससंवच्छरियं दुब्भिक्खं । अवि यछुहसुसियमयकलेवरसुनिरंतरसंकुलाइ धरणीए । जीवंतयलोगाणं संजाया दुग्गमा मग्गा ॥५७॥ जत्थ य पुरिसाएहिं खजंतं जाणिऊण जणणिवहं । गामाओ गामं पि विन जाइ भयवेविरो लोगो ॥५८॥ जत्थ उ कोइ पुरंधी नियपुत्तं भोयणं विमगंतं । मुत्तूण जाइ अण्णं देसं णियजीयकंखाए ॥५९॥ का वि पुणो णियजीवियलुद्धा अइघोरपावपरिणामा । मोत्तूण कुलं सीलं भक्खइ वावाइउं पुत्तं ॥६०। अन्ना वि सत्तवंता गयजीयस्सावि णिययतणयस्स । अइणेहमोहियमणा वयणे पक्खिवइ आहारं ।६१। अन्ना वि रोवमाणं मगंतं भोयणं तओ कुद्धा । उव्वेइया छुहाए घायं दाऊण णिहणेइ ॥६२॥ जत्थ य भत्ता भजं मुंचइ, भजा वि णिययभत्तारं । जत्थ य भिक्खयरेहिं य लब्भइ किंचि काउं जे ॥६३। साहूण गिहत्थाण य गिहाओ गेहम्मि वच्चमाणाणं । हेजंति गोवियाइँ वि जत्थ डइल्लेहिं भत्ताइं ॥६४। किं बहुणाभणिएणं?, सव्वं असमंजसं तहिं जायं । अइघोरे दुब्भिक्खे पाडलिपुत्तम्मि णयरम्मि।६५।
इओ य अणागयमेव णाऊण तत्थ विहारक्कमागएहिं जंघाबलपरिक्खीणेहिं सिरिविजयसूरीहिं तत्थेव वुट्ठावासं काउकामेहिं ठाविओ निययपए अण्णो सूरी । दिन्ना य एगंतठियस्स बहू सायिसओवएसा । पेसिओ सबाल-वुड्डाउलगच्छेण सह अन्नत्थ सुभिक्खदेसे ।
___ तत्थ य दुवे खुड्डगा आयरियपडिबंधेण अइदूरं गयाण साहूण कहिंचि दिढिं वंचेत्ता समागया गुरुसमीवं। वंदिया गुरुणो । णिवेइओ णिययाभिप्पायवुत्तंतो । गुरूहि भणियं 'दुङकयं जमागया, जओ इत्थ अमाया-पुत्तं दुब्भिक्खं भविस्सइ, तो वच्चह पुणो वि साहुमज्झे । तेहिं भणियं 'तुम्ह चरणाराहणं कुणंताणं जं होइ तं होउ, जओ न चएमो तुम्ह पायमूलं मोत्तुं' । तओ धरिया सूरीहिं। जाए य पुव्ववण्णिए दुब्भिक्खे जं किंचि सूरिणो मणोजं लहंति तं तेसिं बालगाणं पयच्छंति । तओ चिंतियं खुड्डएहिं ‘ण एवं सुंदरं, जओ गुरुम्मि सीयमाणे का अम्हाणं गई भविस्सइ ?, जओजेण कुलं आयत्तं तं पुरिसं आयरेण रक्खेह। ण हु तुंबम्मि विणढे अरया साहारया हुंति ।६६।
१. सं० वा० सु० 'साईहिं, मनुष्यभक्षकैरित्यर्थः ॥ २. ला० का वि पु ॥ ३. ला० ‘वाइयं पु ॥ ४. सं० वा० सु० काउं जं ॥ ५. ला० पाटलि' || ६. ला० वुट्ठवा ॥ ७. सं० वा० सु० य कयएगं ॥ ८. ला० 'साइस ॥ ९. ला० ओ य स ॥ १०. ला० 'भिप्पेय ॥ ११. ला० तो॥ १२. ला० चलणा' || १३. ला० गुरूहिं सीयमाणेहिं का ॥ १४. ला० रक्खाहि ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |