Page Text
________________
सविवरण मूलशुद्धि प्रकरण द्वितीय स्थानके
वजंततूरनिस्सणं, खिप्पंतसेल्लभीसणं । पढंतभट्टवंदयं, आतअद्धचंदयं ।।३७।। घुस्संतनाम-गोत्तयं, भगंततिक्खकुंतयं । पडतखणघाययं, मुच्चंतणेयसाययं ।।३८।। छिज्जंतरायचिंधयं, तुटुंतवम्मबंधयं । पडतआयवत्तयं, मरंतभूरिसत्तयं ।।३९।। इति ।
तओ एवंविहे समरभरे वट्टमाणे नंदरायजोहेहिं भग्गं चंदगुत्तसेण्णं, भयपराहीणं च महावायावधूय-अकालजलयपडलं व झत्ति विलीणं दिसोदिसिं । तं च तारिसं दळूण तुरंगमारूढा एगदिसिं गहाय पणट्ठा चंदगुत्त-चाणक्का । तेसिं च पिट्ठओ लग्गा आसवारा ।
तओ ‘मा नजीहामो' त्ति तुरंगे मुत्तूण पलायमाणा जाव चडिया सरोवरपालीए ताव पिच्छंति जच्चतुरंगमारूढं पिट्ठओ समागच्छमाणं एगं पुरिसं । तं च दखूण भणिओ चीरपक्खालणवावडो नीरतटट्ठिओरायरयगो चाणक्केण जहा 'अरे रे ! लहुं लहुं पलायसु जओ भग्गं चंदगुत्त-चाणक्केहिं पाडलिउत्तं, गवेसिऊण घेप्पंति य नंदवक्खिया' । तमायण्णिऊण पणट्ठो रयगो। गोविओ चंदगुत्तो पउमिणीसंडमज्झे । अप्पणा य रयगट्ठाणे ठिओ वत्थाणि धोविउमाढत्तो। तओ पुच्छिओ आसवारेण जहा रे ! दिट्ठा कत्थइ चंदगुत्त-चाणक्का ?'। चाणक्केण भणियं ‘ण याणामि चाणक्वं, चंदगुत्तो पुण एस पउमिणीसंडमझे निलुक्को चिट्ठई' । तेण वि णिरूविओ, दिट्ठो य । तओ अप्पिओ तेण चाणक्कस्स अस्सो । तेण भणियं 'बीहामि अहमेयस्स'। तओ झाडे बंधेऊण आसं, मोत्तूण खग्गमेगपासे, जलावयरणणिमित्तं जाव ओगुडिओ मुयइ आउगं ताव खग्गं गहाय चाणक्केण विणिवाइओ । सद्देऊण य, चंदगुत्तं, चडेऊण आसे पलाणा । ‘मा नज्जीहामो'त्ति भएण सो वि तुरंगमो मुक्को । वच्चंतेण य पुच्छिओ चंदगुत्तो चाणक्केण जहा रे ! किं चिंतियं जं वेलं मए सिट्ठो?'। चंदगुत्तेण भणियं ‘एवं चेव मे रज्जं भविस्सइ, अज्जो चेव जाणइ, ण गुरुवयणे वियारणा कायव्वा' । यत उक्तम्
मिणगोणसंगुलीहिं गणेहिँ वा दंतचक्कलाइं से । 'इच्छं' ति भाणिऊणं कजं तु त एव जाणंति ।।१५७ ।। कारणविऊ कयाई सेयं कायं वयंति आयरिया । तं तह सद्दहियव्वं भवियव्वं कारणेण तहिं ।।१५८।। जो गेण्हड गुरुवयणं भण्णंतं भावओ विसुद्धमणो । ओसहमिव पिज्जतं तं तस्स सुहावहं होइ ।।१५९।।
१. ला० 'यबंधयं ॥ २. ला० यं ॥ ति ॥ ३. ला० तुरंगमे ॥ ४. ला० रतीरडिओ ॥ ५. सं० वा. सु० हा कत्थह(इ) अरे दिट्ठा चंद ॥ ६. ला. जंपियं ॥ ७. सं वा० सु० संपुडम ॥ ८. ला० ण चंद ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |