Page Text
________________
११०
सविवरण मूलशुद्धि प्रकरण प्रथम स्थानके जाव समागच्छइ ताव पेच्छइ एयं वरोज्जाणं । तओ तीए चिंतियं 'अहो ! अम्हेहिं मंदभग्गेहिं गच्छंतेहिं अंधयारत्ताओ, आगच्छंतेहिं भारकंतेहिं ण कयाइ वि एवं उज्जाणं सच्चवियं, दिट्ठव्वदरिसणफलाणि य लोयणाणि ता संपयं पि सहलीकरेमि लोयणाणि'त्ति । चिंतंती पइट्ठा एयमुजाणं। तओ विम्हय-कोउग-विप्फारियलोयणा इओ तओ वलियकंधरं णाणाविहतरुगहणं पेच्छमाणा समागया एवं उद्देसं । तओ सच्चवियं एवं जिणभवणं । अहो ! अच्छरियभूयं किं पि एयं देवहरयं दीसइ, ता पविसित्ता णिरूवेमि । पविसंती य पेच्छइरयणविणिम्मियसोवाणपंतियं मणिणिबद्धभूमितलं । कंचणमयखंभुग्गयबहुविहभंगेल्लपुत्तलियं ॥५॥ ईसरवरगेहं पिव रमणीयमणेगरूवयाइण्णं । भोयणमंडवसरिसं वसिप्पकरोडयाईहिं ।।६।। आगासं व सुतारं सचंदयं वित्थडं सचित्तं च । वरणयरं व सुसालं सग्गं व विमाणदेवजुयं ।।७। एवंविहं णियंती जा पविसइ ताव पेच्छई सहसा । रागग्गिपसमजलहरचंदप्पहणाहवरबिंबं ।।८॥ तं पेच्छिऊण सहसा भत्तिवसोल्लसियपयडरोमंचा । भूलुलियभालवट्ठा पडिया पाएसु देवस्स ।९ विण्णवइ ‘गुणे वंदणविहिं च जाणामि तुज्झणोणाह!।जंपुण तुह भत्तीए होइ फलं होउ तं मज्झ'।१०।
तयणंतरं च चिंतियं तीए ‘जइ कह वि ण्हवणपुव्वयं पूजिऊण वंदिज्जइ ता सोहणं हवइ, कत्तो पुण अम्हाणं पुण्णवियलाणं पुप्फाइसामग्गीअभावाओ एवं संभवइ ?' त्ति । चितंतीए पडिया चित्ते अडविकेयारे दिट्ठा कल्हारपत्तिया । 'कल्लं विहीए पूयं करिस्सामि'त्ति मणोरहापूरिजमाणहियया गया भत्तुणो समीवे । तेण पुच्छिया 'किं चिरावियं ?' । तीए भणियं ‘णाह ! मए कस्सइ देवस्स एवंविहमच्चब्भुयं बिंब दिटुं, तमवलोयंती य ठिया इत्तियं वेलं, ता तुमं पि गंतूणावलोइडं वंदेत्ता य करेहि णियणयण-जम्म-जीवियाइं सहलाई । तेण वि ‘आ पावे ! अम्हाणं ऊसूरं वेट्टइ, तुमं पुण खजसि लग्गा देवेणं' ति भणमाणेणं उप्पाडिओ क् हारओ । पविठ्ठाणि य णयरं । बीयदिणे पच्चग्गवारयं घेतूण नईपुलिणे नूमेत्ता गया अडविं । आगमणसमए य वत्थंचले घेतूण कल्हारपत्तियं समागया वीसमणट्ठाणं । तओ तीए भणियं ‘णाह ! वच्चामो तस्स देवस्स वंदणत्थं, एसा य मए आणीया कल्हारपत्तिया, एयं च णेईपाणीयं, ता ण्हवेत्ता पूइत्ता य वदामो; जओ एवंविहदेवस्स पूयाइयं इहलोए परलोए य कल्लाणकारयं भवई' । तेण भणियं 'णिल्लक्खणे ! किं मज्झ वि जहा तुझगहो तहा विलग्गो ?' । तीए भणियं 'जं किंचि तुह पडिहासइ तं भणसु कुणसु य, अहं पुण जाव तस्स
१. ला० दट्ठ व्व' ॥ २. सं० वा० सु० "णि त्ति, संप ॥ ३. ला० 'माणी ॥ ४. सं० वा० सु० :वियं जिण ॥ ५. सं० वा. सु० खंभग्गय ॥ ६. ला० "सिप्पिक' || ७. सं० वा० सु० सुसारं ॥ ८. ला० 'हजिणबिंबं ।। ९. ला. 'ण तो सा भत्ति ॥ १०. ला० 'यपाडरो ॥ ११. सं० वा० सु० करेह ॥ १२. ला० वि पावे ॥ १३. ला० वट्टए ॥ १४. 'भारओ ॥ १५. ला० "लिणम्मि नूमित्ता ॥ १६. ला० गहिऊण ॥ १७. ला० नईए पा ॥ १८. ला. वंदेमो ॥ १९. ला. ज्झ तहा गहो विल' ||
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |