________________
८४
सविवरणे मूलशुद्धि प्रकरणे पगरिसं उव्वहतो पत्तो जोव्वणं । परिणाविओ य समाणकुल-सील-रूव-जोव्वण-लावण्णसंपण्णं रूविणीणाम कण्णयं । तीए य सह विसेसेण सयलिंदियाणंदमणहरं दोगुंदुगदेव व्व विसयसुहमणुहवंतो गमेइ कालं । अन्नया य सो पाउससिरिसोहासमुंदयावलोयणत्थं समारूढो पासायसिहरं । सा वि य रूविणी तयणुमग्गेण चेव समारुहंती अंतराले चेव चड त्ति विजूए णिवडिऊण पंचत्तं उवणीया । जाओ य हाहारवो । तओ सो सीहो तं तारिसं दळूण विलविउमाढत्तो । अवि य
हा हा पिये ! सुरूवे ! मह हिययाणंददायगे ! सुहगे!। सारयपव्वणिससिसमवयणे ! कंदोट्टदलणयणे ! ।।१७।। मिउ-सहिण-कसिण-कुंचिय-दीहर-सुसिणिद्धकुंतलकलावे ! ।
कत्थ गया मं मोत्तुं दुहियमणाहं गुणणिहाणे !?॥१८॥ एत्थंतरम्मि णिव्वत्तियं सयणेहिं सयलं मयगकिच्चं । तयवसाणे य जाव सो सो गाइण्णो चिट्ठइ ताव ओयरिओ णहयलाओ एगो चारणरिसी । तं च दद्दूण अब्भुट्टिओ णेण । दिण्णमासणं। उवविठ्ठो य भगवं। पत्थुया धम्मदेसणाछलेण तस्साणुसट्ठी जहा-असारो एस संसारो जओ वियरइ सच्छंदप्पयारं इत्थ मच्चू । भणियं च
हंदि ! जराधणुहत्थो वाहिसयविइण्णसायगो एइ । .. माणुसमिगजूहवहं विहाणवाहो करेमाणो ।।४।। ण गणेइ पच्चवायं ण य पडियारं चिराणुवत्तिं वा । सच्छंदं हणइ जिए मच्चू सीहो व्व हरिणउले ।।४३।। बहुरोगफडाभासुरवसणविसाणुगयदीहदाढस्स । कत्थ गओ वा चुक्कड़ कयंतकण्हाऽहिपोयस्स ? ।।४४।। न वि जुद्धं न पलायं कयंतहत्थिम्मि अग्घइ भयं वा । ण य से दीसइ हत्थो गेण्हइ य घणं अमोक्खाए ।।५।। जह वा लुणाई, सस्साइँ कासगो परिणयाइँ कालेण । इय भूयाइँ कयंतो लुणाइ जायाइँ जायाइं ।।४६।।
१. ला० एणवण(ण्ण)-संप' ॥ २. ला० ०देवो व ॥ ३. सं० वा० सु० 'मुदाया' ॥ ४. सं० वा० सु० णी चेव तयणुमग्गेण समा' ॥ ५. ला० रा चेव ॥ ६. सं० वा० सु० तयावः ॥ ७. ला० 'गाउण्णो॥ ८. ला. व य ओ || ९. सं० वा० सु० 'दाणस्स ॥ १०. ला० 'इ सासा. कासवो ॥
