Page Text
________________
पृथ्वीसार- कीर्तिदेवकथानकम्
८१
अईवकिसं सरीरं सत्तिवियलं च जाव तिणं पि फुज्जीकाउं ण सक्केइ, गहिओ य महावेयणाए । समात् य रायणा वेज्जा जहा 'लहुं पउणीकरेह कुमारं ' । समाढत्ता य विज्जेहिं किरिया । ण जाओ विसेसो । तओ पउत्ताणि मंत-तंत-जंताईणि, ऊसरवावियबीयं व ताणि वि जायाणि णिप्फलाणि । तओ भणिओ राइणा ‘वच्छ ! विसमो ते वाहिवियारो, न गम्मो पुरिसयारस्स, ता करावेहि जिणाययणेसु महापूयाओ, पडिलाभेहि साहुणो, देहि दीणा - ऽणाहाईणं महादाणाई, पडिवज्जसु सम्मत्तमूलाई अणुव्वयाई, करेहि जहासत्तीए तवं भावेहि भावणाओ' । एवं भणिओ वि जाहे ण पडिवज्जइ ताहे चिंतिउं पयत्तो राया 'अहो ! गुरुकम्मयाए माहप्पं ! जेण आवइकाले वि चोइज्जंता वि एए न पयट्टंति धम्मे ।
एत्थंतरम्मि समागंतूण विण्णत्तं कल्लाणदेवाहिहाणेण उज्जाणपालेर्ण जहा 'देव ! वद्धाविज्जसि पीईए जओ समागओ इत्थ कुसुमाऽऽयरोज्जाणे करयलकलियकुवलयफलं व परिकलियसयलते लोक्क समत्थपयत्थसत्थवित्थारपरमत्थवित्थारो अणेगसमणगणपरिवुडो देवदाणववंदिज्जमार्णपयपंकओ संजमसिंहसूरी णाम केवली' । तव्वयणसवणाणंतरं च कयंबपुप्फं व संजायपयडपुलयकंटएण भणियं राइणा 'अरे ! लहुं पउणीकरेह सामग्गिं, जेण गच्छामो भगवओ वंदणत्थं' । संपाडिओ णरणाहाऽऽएसो महंतएहिं । गओ राया उज्जाणं । तिपयाहिणापुरस्सरं वंदिऊण उवविट्ठो सुद्धमहीवट्ठे । पत्थुया य भगवया धम्मदेसणा । अवि य—
धम्म सुतरुमूलं धम्मो दुहसेलदलणदढकुलिसं । जहचिंतियऽत्थसंपाडणम्मि चिंतामणी धम्मो ॥३॥ सामीण परमसामी बंधूणं परमबंधवो धम्मो । मेत्ताण परममेत्तं संगामजयावहो धम्मो ||४|| तियसाहिवासगेहारोहणसोवाणपंतिया धम्मो । अपवग्गमग्गपट्ठियजियाण वरसंदणो धम्मो ।।५।। किं बहुणा ? पडिवज्जह धम्मं जिणइंददेसियमुयारं । भो भो ! जइ णिव्विण्णा भवभमणपरंपरदुहाओ ।६। ताऊ पुच्छयं राइणा 'भगवं ! किं मम पुत्ता अणेगहा भण्णमाणा वि धम्मं ण पडिवज्जंति?, कित्तिदेवस्स य किं महंतो वाहिवियारो' ? | भगवया भणियं 'अत्थि इत्थ कारणं, किंतु आणेह कुमारे मम सयासे, जेण साहेमि सव्वं सवित्थरं । तओ बीयदिणे मायापीईहिं उवरोहिऊण णीया ते गुरुसमीवं, निसण्णा य भयवओ पायमूले । तओ पुणो विमा भगवया धम्मका । अवि य
१४
इत्थं संसारकंतारे सरंताण सरीरिणं । सया वि सुलहं णेय सम्मत्तं सुहकारणं ।।७।।
१. वा० 'ओ महा" । सं० सु० प्रत्योः पाठभङ्गः ॥ २. ला० १ दाणं ॥ ३. वा० सु० तओ । सं० प्रतौ पाठभ्रंशः ॥ ४. ला० पवत्तो ॥ ५ ला० म्मि यसमा ॥ ६. ला० पालएणं ॥ ७. सं० वा० सु० मत्थो अणे ॥ ८. ला० णपायपं ॥ ९. ला० सूरिनामो ॥ १०. ला० मंतीहिं ॥ ११. ला० 'ओ य राया ॥ १२. ला० 'या भग° ॥ १३. ला० जिणयंद ॥ १४. सं० वा० सु० ०त्ता धम्मकहा भगवया
। अ° ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |