Page Text
________________
तह अग्गिहुणणकिरिया, घडिवाहडिगाऽऽइजुत्तहलदाणं । संकतिगहणदाणं, कण्णाहलविसयदाणं च
॥ २६९४॥ संडपरिणयणकरणं, तिलगुलकणगकयधेणुदाणं च । कप्पासपवागोलोह-पमुहदाणं तहऽण्णं पि
॥ २६९५ ॥ धम्ममईए नाऽहं, दाहं जम्हा अधम्मविसए वि। धम्ममईए निवेसो, नासइ पत्तं पि सम्मत्तं
॥ २६९६ ॥ जं सम्मत्तं सुत्ते, अविवज्जासो मईए निद्दिट्ठो । सो पुण पुव्वुत्तेसुं, पवत्तमाणस्स कह होइ
॥ २६९७॥ नो मे संपइ कप्पइ, कुतित्थपडिबद्धदेवलिंगीसु । देवगुरुणो त्ति काउं, पडिवत्ती धम्मबुद्धीए
॥ २६९८॥ नो मह तेसु पओसो, मणयं पि न भत्तिमेत्तमऽवि किंतु । देवगुरुगुणविओगा, तेसु उदासत्तणं चेव
॥ २६९९॥ को नाम किर सकण्णो, कणगगुणविवज्जिए विवत्थुम्मि। कणगं ति मई कुज्जा, कणगऽत्थी जइ वि सो गाढं ॥ २७०० ।। नहि अकणगं पि संतं, जणेण गहियं पिकणगबुद्धीए। कणगप्पओयणाई, साहेउमऽलं परं वत्थु
॥ २७०१॥ गयरागदोसमोहत्तणेण, देवस्स होइ देवत्तं । तच्चरियाऽऽगमपडिमाण, दंसणा तं च विण्णेयं
॥ २७०२॥ सिवसाहगगुणगणगउरवेण, सत्थऽत्थसम्मगिरणेण । इह गुरुणो वि गुरुत्तं, होइ जहत्थं पसत्थं च
॥ २७०३॥ एवं नियनियलक्खण-लक्खियफुडदेवगुरुसरूवस्स। तत्थुत्ततत्तपडिवत्ति-रूवसम्मत्तपडिमा मे
।। २७०४॥ भवउ दव्वविसुद्धा, दुल्लंभगुणप्पहाणदव्वेहिं । सत्तीए दंसणंऽगाणं, गउरवेणं पगिट्टेणं
।। २७०५ ॥ खेत्तविसुद्धा सव्वत्थ, देवगुरुगोयरा हु पडिवत्ती । तुल्ल च्चिय मज्झ परं, सीयंतेयरविभासाओ
।। २७०६॥ कालविसुद्धा सा निर-इयारपरिपालणेण जाजीवं। भावविसुद्धा वि दढं, हट्ठप्पहठ्ठत्तणं जाव
॥ २७०७॥ अहवा भावेणेवं, साइणिगहपमुहदोसगयसण्णो । उम्मत्तुक्खयचित्तो य, जाव न भवामि कि बहुणा ॥ २७०८ ॥ जाव य दसणपडिमा-परिणामो कह वि नोवघायवसा। परिवडइ ताव मज्झं, दसणपडिमा इमा होउ
॥ २७०९॥ एत्तो संकं संखं, वितिगिच्छं तह कुतित्थिसत्थस्स । संथवपसंसणाइ य, वज्जइस्सामि जाजीवं .
।। २७१०॥ नरवइगणबलदेवय-अभियोगा एत्थ मोक्कला मज्झ । वित्तिअभावो पिइमाइ-पमुहगुरुनिग्गहो य तहा ॥ २७११॥ इय कयपडिमापडिवत्ति-सुंदरं सावगं गुरुजणो वि । उव्ववूहइ कयपुण्णो, धण्णो य तुमं ति जेण इहं ॥ २७१२ ॥ ते धण्णा ताण नमो, ते च्चिय चिरजीविणो बुहा ते य । जे निरइयारमेयं, धरंति सम्मत्तवररयणं
॥ २७१३ ॥ एयं हि परं मूलं, कल्लाणाणं तहा गुणगणस्स । एएण विणाऽणुट्ठाण-मऽफलमुच्छूण पुष्पं व
॥ २७१४ ॥ अवियकुणमाणो विहु किरियं, परिच्चयंतो वि सयणधणभोए। दितो वि दुहस्स उरं, जिणइ न अंधो जह विपक्खं ॥२७१५ ॥ तह लिंतो वि निवित्ति, परिच्चयंतो वि सयणधणभोए। दितो वि दुहस्स उरं, मिच्छदिट्ठी लहइ न सिवं ॥ २७१६ ।। एत्थ य अंधक्खाणय-मेवं अक्खंति किर वसंतपुरे। नयरे राया नामेण, आसि रिउमद्दणो तस्स
॥ २७१७॥ अंधो अहेसि पुत्तो, पढमो बीओ य दिव्वचक्खु त्ति । अज्झावगस्स पढणऽत्थ-मप्पिया ते य नरवइणा ॥ २७१८॥ गंधव्वप्पमुहाओ कलाओ, अंधो त्ति तेण जेट्ठसुओ। जाणाविओ तदियरो, धणुवेयाऽऽईओ सव्वाओ ॥ २७१९॥ अह परिभूयं मुणिऊण अप्पयं, विगयचक्खुणा वुत्तो। उज्झाओ कीस न मइ, सत्थं तुं सिक्खवेसि त्ति ॥ २७२०॥ उज्झाएणं जंपिय-मऽहो महाभाग ! चक्खुरहियस्स । कह तुज्झ तमऽहमुज्जोगिणो वि पारेमि परिकहिउं ॥ २७२१ ॥ अंधेणं पडिभणियं, जइ वि हु एवं तहा वि मं अहुणा। सिक्खवसु धणुव्वेयं, अह तग्गाढोवरोहण
॥ २७२२ ॥ उवइट्ठो गुरुणा से, तेण वि नाओ सुबुद्धिविभवेण । जाओ य सद्दवेही, चुक्कड़ न कहं पि लक्खस्स ॥ २७२३॥ एवं ते दोवि सुया, कलासु कुसलत्तणं परं पत्ता । अण्णम्मि य पत्थावे, समागयं तत्थ परचक्कं
॥ २७२४॥ अह सो कणिट्टपुत्तो, पिउणो आणाए पवरबलकलितो। आहवविहिपरिहत्थो, चलिओ रिउचक्कमऽक्कमिउं ॥२७२५ ॥ कह जेट्टे विज्जंते, काउमिमं जुज्जए कणिट्ठस्स । इति जंपिऊण सामरिस-मऽसमकोवं परिवहंतो
॥ २७२६ ॥ रिउसेण्णं पइ अंधो, वच्चंतो सासिओ इमं पिउणा । वच्छ! नियभूमिगाए उचियं चिय जुज्जए काउं ॥ २७२७॥ न य सुलु कलाकुसलो वि, पबलभुयजुयलबलसणाहो वि। दिट्ठिविरहेण काउं, तुममऽरिहसि समरवावारं ॥२७२८ ॥
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |