Page Text
________________
इच्चाइ भूरिवयणेहिं णेगवाराउ वारिओ वि बहुं । अवगण्णिऊण अंधो, दढकंकडनूमियसरी करडतडपगलियमयं, निबिडगुडाऽऽडोवकप्पणाभीमं । आरुहिऊण गयवरं, निहरिओ झत्ति नयराओ सद्दाऽणुसारपम्मुक्क-मग्गणुप्पीलछाइयदियंतो । परचक्केणं सद्धि, जुज्झेणं संपलग्गो य अह सव्वत्तो सद्दाऽणु-सारनिवडंतघायसंघायं । दट्ठूण मुणियत्तत्ता, रिउणो मोणं समल्लीणा सिद्द असुतो, तत्तो अंधो पहारमऽकुणंतो । पारद्धो हणिउमऽरीहिं, सव्वओ विहियमोणेहिं मोयाविओ य कहकहवि, भाउणा सो सचक्खुणा झत्ति । दिट्टंतोवणओ इह, पढमं चिय दंसिओ चेव पत्थुयमेत्तो भण्णइ, जाजीवं दंसणं गिही घेत्तुं । पच्छा य निरइयारं, दंसणपडिमं पवज्जेइ
अह तं सम्मं परिपालि-ऊण तग्गुणजुओ पुणो बीयं । वयपडिमं पडिवज्जइ, तीए पुण गिण्हइ वयाई पाणिवहाऽलियअद्दत्त - बंभपरिग्गहनिवित्तिरूवाइं । बंधाऽऽई अइयारे, वज्जइ य इमे सुजत्तेण सविसेसधम्मसवणाऽऽइएसु, किच्चेसु वट्टई सम्मं । अणुकंपारसरसियंऽत करणवित्ती य हवइ सया अह तइयं सामाइय-पडिमं पुव्वोवइट्ठगुणकलिओ । पडिवज्जेइ महप्पा, सम्ममुदासीणयाऽऽइजुओ उदासीणय १ मज्झत्थ २ - संकिलेसविसुद्धीओ ३ । अणाउलत्त ४ असंगत्तं, एए पंच गुणा इहं जेहिं तेहिं जह तह, भोयणसयणाऽऽइएहिं चित्तस्स । जो संतोसो जायइ, सा हु उदासीणया वृत्ता सामाइयपढमंगं, एसा य विसुद्धिकारणत्तेण । भणिया जिणेहिं संपइ, भण्णइ मज्झत्थवित्ती उ एस सयणो परो वा, इय बुद्धी पयइत्तुच्छचित्ताण । पयईए विउलचित्ताण, पुण इमं जयमवि कुटुंबं जम्हा अणाइनिहणे, संसारमहासरे सरंताणं । बहुभवसय अज्जियकम्म- रासिवसगाण सत्ताणं अणोऽगविहो, कस्सेह न केण को व संबंधो। संजाओ इय चिंता, जा सा मज्झत्थवित्ती उ अह संकिलेसविसुद्धी, भण्णइ संवसइ जेहिं सह ताणं । अण्णाण य दुण्णयदंसणे वि जमऽणक्खपरिहरणं ठाणगमसुयणजागर-लाभालाभाइएसु सव्वत्थ । जो हरिसवेमणस्सा - ऽभावो सो पुण अणालया अह कणयकयवरेसुं, मित्ताऽमित्तेसु सोक्खदुक्खेसु । बीभच्छपेच्छणिज्जेसु, तह य थुइवायनिंदा अण्णत्थय विविहमणो- वियारकारणसमागमे वि सया। समचित्तत्तं जं तं, असंगयं बिंति जयपहुणो या समुदाओ पंचह गुणाण परमसामइयं । अहव उदासत्तं चिय, एक्कं तक्कारणं परमं कि बहुणा
।
सावज्जजोगवज्जण-निरवज्जज्जोगसेवणारूवं । सामाइयमित्तरियं गिहिणो परमं गुणा इय तइयाए सम्मं, करेइ सामाइयं स पडिमाए । मणदुप्पणिहाऽऽणाई, तहाऽईयारे य परिहरइ पुवप्पडमाजुत्तो, अट्ठमीमाईसु पव्वदियहेसु । पडिवज्जई चउत्थीए, पोसहं चउविहंपि गिही अप्पडिदुप्पडिलेहिय-सेज्जासंथारगाऽऽई वज्जेइ । सम्मं च अणणुपालण - माऽऽहाराईसु एयाए अह पंचमपडिमाए, पोसहदिवसेसु एगराईयं । सो पडिमं पडिवज्जइ, पुव्वोइयसव्वगुणजुत्तो असिणाणो दिणभोई, अबद्धकच्छो दिणम्मि कयबंभो । रतिं परिमाणकडो, पडिमावज्जेसु दियहेसु झायइ पडिमाए ठिओ, तिलोयपुज्जे जिणे जियकसाए। नियदोसपच्चणीयं, अण्णं वा पंच जा मासा छट्टीए बंभचारी, रति पि स होइ नवरि सविसेसं । जियमोहो अविभूसो, ठाइ रहे सह न इत्थीहिं चयइ य अइप्पसंगं, सिंगारकहं च जाव छम्मासा । पुव्वोइयपडिमासु, पडिबद्धमणो य अपमाई सत्तमपडिमाए पुणो, सचित्तमाऽऽहारमेस परिहरइ । पुव्वोइयगुणजुत्तो, अपमत्तो सत्त जा मासा आरंभमऽट्ठमीए, सावज्जं कारवेइ पेसेहिं । पुव्वपवत्तं न सयं वित्तिकए अट्ठ जा मासा नवमी पेसेहि वि, सावज्जं कारवेइ नाऽऽरंभं । धणवं संतुट्ठो पुत्त-भिच्चनिक्खित्तभारोत्त लोगववहारविरओ, थेवममत्तो य परमसंविग्गो । एसो पुव्वपवंचिय-गुणजुत्तो जाव नव मासा
૮૧
।। २७२९ ॥ ॥। २७३० ॥
॥। २७३१ ॥
॥ २७३२ ॥
॥। २७३३ ॥
॥। २७३४ ॥
॥। २७३५ ॥
।। २७३६ ।। ॥। २७३७ ।। ।। २७३८ ।।
।। २७३९ ॥
॥। २७४० ॥ ॥। २७४१ ॥
।। २७४२ ।।
।। २७४३ ॥
॥। २७४४ ॥ ।। २७४५ ।। ॥। २७४६ ॥
।। २७४७ ।।
।। २७४८ ।।
।। २७४९ ॥ ।। २७५० ।।
।। २७५१ ।। ।। २७५२ ।।
।। २७५३ ।।
।। २७५४ ।।
।। २७५५ ।।
।। २७५६ ॥
।। २७५७ ।। ।। २७५८ ।।
।। २७५९ ।। ।। २७६० ।। ।। २७६१ ॥
।। २७६२ ॥ ॥। २७६३ ॥
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |