Page Text
________________
॥ २३७९॥ ॥ २३८० ॥ ॥ २३८१ ॥ ॥ २३८२ ॥ ॥ २३८३ ॥ ॥ २३८४॥ ॥ २३८५ ॥ ॥ २३८६ ॥ ॥ २३८७॥ ॥ २३८८॥ ॥२३८९ ।। ॥२३९० ।। ॥२३९१ ।।
ता जीवियव्वमुज्झामि, निच्छियं मा करेज्जसु विगप्पं । इय भणिए अत्ताए, रायसुओ आणीओ सगिहे ण्हाणविलेवणभोयण-पमुहपडिवत्तिपुव्वमऽह तत्थ । वुत्थो तीए सद्धि, सुचिरं सो निययगेहि व्व नवरं अत्ता जंपइ, आ पावे मुद्धि मयणमंजूसे ! । समणं व निद्धणं धरसि, कीस एयं तुमं पहियं पणरमणीणं वच्छे, कुलक्कमो एस जं न धणहीणो । कामिज्जइ वज्जहरो वि, अहव मीणज्झओ वि सयं धूयाए जंपियं अम्म !, तुज्झ पायप्पसायओ होही। आसत्तवेणियं धण-मिमं पि किं काहिसि परेण अह निठुरेहि वयणेहि, तज्जिया वारिया य सा बहुसो। जा नेव तं विमुंचति, अत्ताए चिन्तियं ताव एयम्मि जीवंते, पडिवज्जइ मज्झ नेव वयणमिमा। ता उग्गविसं दाउं, हणामि निहुयं ठियाऽहमिमं तो एगम्मि अवसरे, उग्गविसुम्मिस्सचुण्णयसणाहो । तंबोलबीडगो से, उवणीओ तीए पणएण गहिओ ताराचन्देण, भक्खिओ वि य वियप्परहिएण । जाओ य विसवियारो, न पुव्वगुलियाऽणुभावेण हा! कह विसप्पओगे वि, नो मओ एस संपयं पावो । इइ तीए जीयहरणं, पुणो वि से कम्मणं दिण्णं तेणाऽवि तस्स गलियाऽण-भावओ नो अहेसि जियनासो। अवि अहिययरी आरोग्ग-रूवलच्छी पवित्थरिया वज्जाऽऽहय व्व मुसिय व्व, सयणदूरुज्झिय व्व सा तत्तो। करपल्हत्थियवयणा, सोगं काउं समाढत्ता भणिया ताराचन्देण, अम्म ! तं कीस अज्ज कसिणमुही। पेच्छिज्जसि पढमसमुब्भवंतघणपाउससिरि व्व तीए भणियं हे वच्छ!, तेण कहिएण को गुणो होही । हियमऽवि सुजुत्तियं पिहु, जं काउं नेव सक्किहसि तेणं पयंपियं अम्म!, कहसु काहामऽहं तुहं वयणं । तीए वुत्तं पुत्तय!, जइ एवं ता निसामेहि सुविसिट्ठलक्खणधरो, रूवी सुगुणो मणोरमसरीरो । तं वच्छ! विसयगिद्धीए, निहणमऽचिरेण पाविहिसि जं वायाम न करेसि, नेव उवविससि सिट्ठगोट्ठीसु । देवभवणाऽऽसमेसु य, न कयाइ वि जं च परिभमसि अच्छिण्णविसयवंछाए, वच्छ! गच्छति हरी वि मच्चुमुहं । किं पुण तुमं सरोरुह-मुणालदलकोमलसरीरो दुल्लहलंभं पि हु वत्थु-मऽवरमिह संघडेज्ज विहिजोगा। पुरिसरयणाण तुम्हारिसाण कत्तो पुणो घडणा ता वच्छ! अहं एयाए, चेव चिंताए सोगसंतत्ता । पइदियहहीयमाणं, दटुं तुममेव वट्टामि सच्छसहावत्तणओ, ताराचंदेण पडिसुयमिमं च । नवरं रहम्मि इयरीए, कवडमेयं ति सिटुं से अह पुवट्ठिईए पइ-दिणं पि वटुंतयम्मि सा तम्मि। चितेइ विसाईण वि, अगोयरो एस पाविट्ठो जइ सत्थेण हणिज्जइ, एसो ता मरइ नूण धूया वि। अहह पडियाररहियं केरिसगं वसणमाऽऽवडियं इय सोगाऽऽउलहियया, गिहम्मि ठाउं अपारयंती सा। चेडीहिं परिवुडा नयर-परिसरं निग्गया दटुं पेच्छंती य जहिच्छं, इओ तओ जलहितीरमऽणुपत्ता । दिटुं च तत्थ देसं-तराऽऽगयं तीए बोहित्थं पुट्ठो तव्वासिजणो, कत्तो इममाऽऽगयं कया जाही । तेणं वुत्तं दूराओ, आगयं अज्ज निसि जाही एवं भणिए तीए वि, चिन्तियं होउ सेसचिंताहिं । इह सो आरोविज्जउ, निसाए अइनिब्भरपसुत्तो वच्चइ य दूरदेसंतरम्मि जह तह पुणो विन वलेज्ज । एवं च कए धूया वि, मज्झ नो जीवियं चइही अह जाणवत्तनाहो, एगंते तीए भासिओ एवं । पुत्तसमेया अहयं, तुमए सह आगमिस्सामि तेणं पयंपियं अम्ब !, जइ तुम इच्छसे समागन्तुं । ता मज्झरत्तसमए, अज्जं नावं सरेज्जासि पडिवण्णं तीए गया य, मंदिरे आगए य निसिमझे। निब्भरनिद्दासुत्तो, ताराचंदो ससयणिज्जे धूयाए पसुत्ताए, सणियं चेडीहिं उक्खिविय नीओ। नावाए एगदेसे, सेज्जाऽऽरूढो च्चिय विमुक्को भणिओ य तीए नावाए, नायगो एस मज्झ पुत्तो त्ति । एसा अहं पि एत्तो, तुममेक्को अम्ह सत्थाहो आमं ति जाणनाहेण, जंपिए भूरिकवडभरिया सा। तज्जणदिढेि वंचिय, जहाऽऽगयं लहु पडिनियत्ता मुक्कं च जाणवत्तं, वज्जताऽऽउज्जघोररसिएण । बुद्धो ताराचंदो य, संभमुब्भंतनयणपुडो कि एयं को देसो, कत्थाऽहं को व मम इह सहाओ। इय चिंतन्तो जा नियइ, ताव पेच्छइ महाजलहिं
॥ २३९३॥ ॥ २३९४॥ ॥ २३९५ ॥ ॥ २३९६ ॥ ॥ २३९७॥ ॥ २३९८॥ ॥ २३९९॥ ॥ २४००॥ ॥ २४०१॥ ॥ २४०२॥ ॥ २४०३ ॥ ॥ २४०४॥ ॥२४०५ ॥ ॥ २४०६॥ ॥ २४०७॥ ॥ २४०८॥ ॥ २४०९॥ ।। २४१० ॥ ॥ २४११॥ ।। २४१२॥ ॥ २४१३॥ ॥ २४१४॥
૧
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |