Page Text
________________
अच्वंतचंडकोदंड-मुक्ककंडं व सिग्घवेगेण । आपूरियसियवडयं, गच्छंतं जाणवत्तं पि विम्हियमणो य चिन्तइ, छायाखेड्डुं व इंदजालं व । अविभावणिज्जरूवं किमिव ममाऽऽवडियमिममऽहवा चिंताऽइक्कंतमऽवयण-गोयरं विहलपुरिसवावारं । अघडंतघडणरइणो, हयविहिणो विलसि
ता होमिहि एयं पि किं पि किं एत्थ विहलचिन्ताए । इति भाविऊण पुणरवि, सुत्तो सेज्जाए निच्चिन्तो अह उग्गमंतरविमंडलम्मि, अत्ताए विलसियं नाउं । सुपसण्णवयणकमलो, सेज्जाए समुट्ठिओ संतो नावाऽहिवेण चिररूढ-गाढपणएण बालमित्तेण । कुरुचंदेणं दिट्ठो, झडत्ति तह पच्चभिण्णाओ आलिंगिऊण गाढं, ससंभमं पुच्छिओ य सो तेण । अच्छरियमिमं कत्तो, वयंस! तुह एत्थ आग कत्थ व एत्तियकालं, सावत्थीओ विणिक्खमित्ताणं । भमिओ सि कह व संपइ, पुणण्णवंगो तुमं जातो ताराचन्देण ततो, ता नयरीनिग्गमाओ आरब्भ । कहिओ से वृत्तंतो, जाव निसंते पबुद्धो ति कुरुचन्देण वि सिट्ठो, अत्ताए वइयरो समग्गो वि । तो नायतप्पवंचो, ताराचन्दो विचिन्तेइ अण्णं जंपति कुणंति, अण्णमऽण्णं नियन्ति ससिणेहं । नेहरहिया वि कार्मिति, अण्णमित्थीण धी ! चरियं मायंगाण वि गंडं, जाओ चुंबंति दाणलोभेण । भमरीओ विव जुवईण, ताण किं एत्थ वणिज्जं अहवा गिरिसिरनिवडंत-सरियकल्लोलचंचलमणाण । कवडकुडीणं रामाण, नूण एसो च्चिय सहाव इ चिन्तिऊण भणियं, हो कुरुचन्द ! कहसु नियवत्तं । किं एत्थ तुहाऽऽगमणं, गमणं च पुणो कहिं होही कह वा ताओ निवसति, अवि कुसलं सयलरायचक्कस्स । सुत्था सावत्थी वि य, सगामपुरजणवया धणियं कुरुचणं भणियं, रायाऽऽएसेण एत्थ रयणपुरे । आओम्हि संपयं पुण, सावत्थीए गमिस्सामि कुसलं च रायचक्कस्स, तह य नयरीए जणवयजुयाए। तुह गाढविरहदुहियं, एक्कं मोत्तुं महीनाहं जद्दि हाओ तं निग्गओ सि, तत्तो वि पेसिया पुरिसा । सव्वदिसासुं रण्णा, तुज्झ पउत्तीए लहणऽत्थं ता रयणपुराऽऽगमणं, जायं मे बहुफलं महाभाग ! । जं लद्धो तुममिहिं, पुण्णेणाऽतक्कियाऽऽगमणो इओ य
ताराचन्दं सयणे, पडिबुज्झिय झत्ति मयणमंजूसा । अनियंती हा पिययम !, कहिं सि इति जंपिरी जाव विमाऽऽरद्धा! ताव, तीए अत्ताए रयणऽलंकारं । अवहरिऊणं भणिया, अच्छिण्णं रुयसि किं वच्छे ! ती कहियं पेच्छामि, एत्थ नो हिययवल्लभं अम्मो !। तो कवडेण पलोइय, सबाहिरऽब्धंतरं गेहं अत्ताए आउला, वृत्तं सो वि हु न रयणऽलंकारो। दीसइ मण्णे तं गिण्हि ऊण सो अज्ज नट्ठोत्ति आ पाविट्ठि ! सुमुट्ठाऽसि, तेण जोग्गाऽसि एत्तियस्स तुमं । जा वारिया वि बहुसो, अणुरत्ता निद्धणे पहिए एमाइ पवंचपहाण-वयणनिवहेण तज्जिया तीए । तह सा जह जायभया, सहसा मोणं समल्लीणा एत्तो य जलहिपारे, पत्ता नावा समुज्झिउं तं च । कुरुचंदेण समेओ, ताराचन्दो रहारूढो वच्चंतो कालेणं, पत्तो सावत्थीनयरीबाहिम्मि। जाणियतदागमेणं, पिउणा य पवेसिओ गेहे पुट्ठो नियवुत्तंतं, कहिओ सयलो वि से कुमारेण । तुट्टेण तओ रण्णा, कओ अमच्चो उ कुरुचन्दो सुपसत्थवासरम्मि, ताराचन्दो निवेसिओ रज्जे । सयमऽवि कयपव्वज्जो, मरिऊण सुरालयं पत्तो पउररहजोहवारण-तुरंगवंतकोसकोट्ठारो । राया ताराचन्दो, निरवज्जं रज्जमऽणुहवइ चारणमुणिपुंगवकहिय-धम्ममेगग्गमाणसो कुणइ । अच्चन्तभावसारं, पूयइ य जिणिदबिंबाई अह एगम्मि अवसरे, बहुस्सुया सूरिणो विजयसेणा । अणिययविहारवित्तीए, आगया तत्थ विहरता महईए विभूईए, ताराचन्देण वंदिया ते य। दिण्णा वसही सगिहे, सविसेसं धम्मसवणट्ठा तो अणवरयं नयभंग-संगयं बहुवियारभारसहं । जुत्तीहिं अविरुद्धं, सिद्धंतमऽविस्समं सुणइ इ अणवरयं समयं सुणमाणेणं सया वि नरवइणा । संलेहणाऽवसाणो, मुणिओ गिहिधम्मपरमत्थो
७२
।। २४१५ ।। ।। २४१६ ॥
।। २४१७ ॥ ।। २४१८ ।। ॥ २४१९ ॥ ।। २४२० ।।
।। २४२१ ॥ ।। २४२२ ॥ ।। २४२३ ॥
॥ २४२४ ॥ ।। २४२५ ।।
॥ २४२६ ॥ ।। २३२७ ॥ ।। २४२८ ।। ।। २४२९ ।। ॥ २४३० ॥ ॥ २४३१ ॥
॥ २४३२ ॥
॥ २४३३ ॥
।। २४३४ ॥ ।। २४३५ ॥ ॥ २४३६ ॥ ।। २४३७ ।। ।। २४३८ ॥ ।। २४३९ ।। ।। २४४० ।।
।। २४४१ ॥
।। २४४२ ॥
॥। २४४३ ॥ ।। २४४४ ।। ।। २४४५ ।। ।। २४४६ ॥ ।। २४४७ ।। ।। २४४८ ।। ।। २४४९ ॥
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |