Page Text
________________
ताराचंदो नामेण, अत्तओ रायलक्खणाऽणुगतो। नियजीयनिव्विसेसो, कुरुचंदो नाम से मित्तो
॥ २३१४ ॥ अह सो ताराचंदो, जुवरायपयप्पयाणकामेण । इयरकुमारेहितो, सविसेसं पेहिओ रण्णा
॥ २३१५ ॥ अह निवसिणिद्धसवियास-चक्खुविक्खेवगोयरीभूयं । दटुंसवत्तिजणणीए, रायसण्णिहिनिसण्णाए ॥ २३१६ ॥ निययसुयरज्जविग्घं, विभावयंतीए निहुयमेगंते । भक्खविमिस्सं कम्मण-मुवणीयं तस्स हणणट्ठा
॥ २३१७॥ अविगप्पिऊण तेण य, उवभुत्तं अह तदुत्थदोसेण । रूवबलंऽगविणासी, पाउब्भूओ महावाही
॥ २३१८॥ तेण य विहुरमऽसारं, दुगुंछणिज्जं च पेच्छिय सरीरं। अच्चंतसोगघत्थो, ताराचंदो विचितेइ
।। २३१९ ॥ अधणाण गस्यरोगाऽऽउराण, नियसयणपरिहवहयाण । मरणमहवऽण्णदेसे, गमणं जज्जड़ सपरिसाण॥ २३२० ।। ता एत्थ निवसिउं मे, खणं पि न खमं विणट्ठदेहस्स । खलसविलासऽद्धच्छीहिं, निच्चं पेच्छिज्जमाणस्स ॥२३२१ ॥ तो रयणीए अनिवेइऊण, नियपरियणस्स वि सवत्तं । गंतुं जवा पयट्टो, पुष्वदिसाहुत्तमेगागी
॥ २३२२॥ अच्चंतं विमणमणो, सणियं सणियं कमेण गच्छंतो। अण्णऽण्णनगाऽऽगरनगर-गामनियरं च पेच्छंतो ॥ २३२३ ॥ सम्मेयमहागिरिपरि-सरम्मि पत्तो पुरम्मि एगम्मि। लोगो य पुच्छिओ तत्थ, को गिरि भण्णइ इमो त्ति ॥ २३२४॥ लोगेण जंपियं मुद्ध!, दूरदेसाऽऽगयत्तणेण इमं । रविमिव सुविस्सुयं पि हु, जइ पुच्छसि ता निसामेसु। ॥ २३२५॥ सम्मेयमहागिरिराउ एह !, जहिं जिणसमूह परिचत्तदेह । निव्वाणह पत्तु सुरासुरेहि, थुव्वंतु भत्तिब्भरनिब्भरेहिं पवणुल्लसंततरुपल्लवेहि, सव्वायरेण नोवइ करेहिं। आराहणत्थु पहि इन्त भव्व, जो विहगरवेहिं निमंतइ व्व ॥२३२७ ॥ नासग्गनिवेसियचक्खुलक्खु, थेवं पि देहसोक्खाणऽवेक्खु । एगग्गचित्तु निविग्घु जित्थु, परमक्खरु झायइ जोगिसत्थु
॥ २३२८ ॥ भूमिगुणेण जहिं मुक्कवेर, कोलंति दुट्ठसत्ता वि पउर । मुद्धा विजेत्थु कयपाणचाय, देवत्तणु पावहिं गयविसाय ॥ २३२९ ।। अइरम्मयगुणरंजिय, पडिभयवज्जिय, विलसहि जहिं किण्णरमिहुण। सव्वोउयकुसुमसमुद्धर, फलभरमणहर, चाउद्दिसि छज्जति वण
॥२३३०॥ एवं निसामिऊणं, अच्वंतं जायचित्तपरितोसो। सो देहं चइउमणो, चलितो तित्थं ति काऊण
॥ २३३१॥ गयणग्गलग्गदीहर-करालसिहरोवरुद्धदिसिपसरं । अह उवउत्तो सम्मं, सणियं सणियं तमाऽऽरूढो
॥ २३३२॥ कयकरचरणविसुद्धी, सरसिरुहाई गहाय सरसीओ। अंसुयसंजमियमुहो, अजियाऽऽईणं जिणिंदाणं
॥ २३३३॥ मणिरयणभासुराणं, पडिमाणं कंतिसलिलधोयाणं । फालियसिद्धसिलाण य, पूयापब्भारमुवरयइ
॥ २३३४॥ जिणपायपूयसुहसिद्ध-खेत्तगुणवड्ढमाणसुहभावो । आणन्दसंदिरच्छो, थुइं च इय काउमाऽऽढत्तो ॥ २३३५॥ इह निहणियमोहा-ऽणंतकालप्परूढं, पबलजणणमच्चू-वेल्लिमुल्लूरिऊणं। दरिसियसिवमग्गा, जे गया सिद्धिवासं, सिवमऽयलमऽणंतं, ते जिणिंदा जयंति
॥२३३६॥ पयपणइपभावे-णंपिजेसि असेस-प्पवरसुहसणाहा हुँति लीलाए भव्वा । निययकरयलं वा-ऽऽलोइयाऽलोयलोया, तिहुयणजणपुज्जा ते जिणिन्दा जयंति
॥२३३७॥ इय थोऊण जिणिदे-समुच्चगिरिसिहरमऽवरमारुहइ । रोगघुणजज्जरं देह-मुज्झिउं जाव परितुट्ठो
॥ २३३८॥ ताव सरइंदुसुंदर-पसरंतुद्दामकंतिपब्भारं। सीलंऽगभरकंतं व, दूरमोणवियकायलयं
|| २३३९ ॥ हेट्ठामुहलंबियदीह-बाहुकरनहमऊहरज्जूहिं । नरयावडनिवडियपाणि-लोयमाऽऽगरिसयंतं व
॥ २३४०॥ अमराचलनिच्चलचलण-अंगुलीविमलकंतिनहमिसओ। खंतिपमोक्खं दसविह-मुणिधम्मं पिव पयासंतं ॥ २३४१॥ फालिहमणिरुइरप्पह-गिरिकंदरसंठियं सुदित्ततणुं । साहुं उस्सग्गगयं, पेच्छइ सुहनिवहभूमि व
॥ २३४२॥ सवसं चिय मरणं मह, ताव मुर्णिदं इमं नमसामि । इति चिंतिऊण संभम-भरियऽच्छो नमइ सो साहुं ॥ २३४३ ॥ नमिऊण भत्तिसारं, रूवं जा नियइ विम्हइयचित्तो। ता विज्जाहरमिहणं, गयणयलाओ समोयरियं
॥ २३४४॥
१. नावइ = इव,
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |