Page Text
________________
॥ २१०७॥ ॥ २१०८॥ ॥ २१०९॥ ॥ २११०॥ ॥ २१११॥ ।। २११२ ॥ ॥ २११३॥ ॥ २११४॥ ॥ २११५॥
थेरत्तणेण मुच्छं, गय त्ति सुढिय त्ति वा विचिन्तन्तो । अणुकंपाए लोगो, जलेण सिंचइ य से अंगं अपरिप्फंदं च तयं, पलोइउं पुच्छइ जिणं भन्ते ! । किं सा जियइ मया वा, वुत्तं नाहेण य मय त्ति अह सो थेरीजीवो, देवत्तं पाविऊण तव्वेलं। ओहीए मुणियनियपुव्व-वइयरो परमभत्तीए जयगुरुचरणसरोरुह-मऽभिवन्दिय संनिहिम्मि वर्सेतो । लोगस्स दंसिओ भगवया य जह तीए थेरीए जीवो देवो एसो त्ति, विम्हिओ तो पयंपई लोगो। सुकयविरहे वि कह तीए, सुरसिरी एरिसी पत्ता नाणं दाणं च तवो, सीलं सव्वण्णुपूयणं वा वि। सोग्गइनिबन्धणं नाह!, कित्तियं किर कयं तीए एयं च कहमिमीए, सयाऽवि दारिद्दरुंदकंदाए। आजम्मदुक्खियाए, परपेसत्तोवतत्ताए तो जयगुरुणा कहिओ, पूयापणिहाणगोयरो सव्वो। तव्वुत्तन्तो पुणरवि, लोगेणं पुच्छिओ सामी अण्णायजिणवरगुणा, पूयापणिहाणमेत्तओ चेव । कह भयवं! उप्पण्णा, सुरलोयम्मि इमा थेरी भणियं जिणेण अमुणिय-गुणा वि मणिणो जहा पणासिति । जररोगाऽऽइसमृदयं, तह जयगसणो जिणिंदा वि अच्चन्तगुणपहाण-तणेण सामण्णमेत्तमुणिया व । बहुमाणपराण पराण-मऽसुहकम्मं पणासिंति एत्तो च्चियऽणुण्णाओ, एत्थं दव्वत्थओ गिहत्थाणं । एयविरहम्मि जम्हा, दंसणसुद्धी वि नेव भवे ता मोक्खसोक्खमूलं, पुव्वऽज्जियपावसेलवज्जसमं । जिणपूयापणिहाणं, निहाणमभिवंछियऽत्थाण जिणपूयापरिणामो, न होइ सुहकम्मुणो अभावम्मि । अच्चंतकंतचिन्ता-मणिगहणिच्छेव मुद्धाण ता भो देवाणुपिया!, एत्तियमेत्ते वि चोज्जमुव्वहह । अज्जऽवि एस महप्पा, सिवपयमऽवि पाविही जम्हा एसो इओ चइत्ता, कुले पहाणम्मि पाविउं जम्मं । सुस्साहुसंगईए, पवज्जिही पवरपव्वज्जं तत्तो देवो होही, पुणो वि पुण्णाऽणुबन्धिपुण्णेण । मणुओ एवं अट्ठम-भवम्मि नयरम्मि कणगपुरे होही पुहवीनाहो, कणगज्झयनामगो जयपसिद्धो । सो अण्णया य धण्णो, काले सरयम्मि संपत्ते इंदमहपेच्छणऽट्ठा, महाविभूईए निग्गओ संतो। अवलोइऊण दगुरम-ऽहिणा महया गसिज्जंतं अहिमवि कुररेणं चण्ड-चंचुणा कुररमऽवि य करुणरवं । घोरेणमऽयगरेणं, गसिज्जमाणं जमेणं व परिचिन्तिही महप्पा, मंडुक्को इव इमो जणो हीणो । अहिगारिणा गसिज्जइ, भीमेण भुयंगमेणेव अहिगारी वि गसिज्जइ, कुररेण व मण्डलस्स अहिवइणा । सो वि य सव्वग्गासेण, अयगरेणं पिव जमेण इय अणवरयं निवडत-आवयाऽवायपूरिए लोगे। भोगप्पसंगवंछा, जणस्स ही ही महामोहो जम्मणमरणविमुक्को, तइलोक्कम्मि न विज्जए कोई । वेरग्गं तह वि न अस्थि, अहह मणुयाण मूढत्तं इय चिन्तिऊण रज्जं, टुं अंतेउरं पुरं चिच्चा । समणो होही सिद्धि च, पाविही खवियकम्मंऽसो एवमऽरिहंतपूया-पणिहाणं पि हु हवेज्ज मोक्खकरं । एत्तो य भण्णइ इहं, पूयापणिहाणओ चेव तित्थाण पूयणफलं, सड्ढो पावेज्ज अद्धमग्गे वि। पंचत्तं संपत्तो वि, कह वि तिव्वाऽऽवयवसेण एवं आलोयणपरि-णओ वि संपट्ठिओ गुरुसयासं। जइ अंतरा वि असुहो, हवेज्ज आराहओ तहऽवि आलोयणापरिणओ, सम्मं संपट्ठिओ गुरुसयासे । जइ अंतरा स कालं, करेज्ज आराहओ तह वि एवं आलोयणपरिणयस्स, संपट्ठियस्स वि गुरुसयासे । असुहो भवेज्ज अहवा, मरेज्ज आराहओ तह वि सल्लं उद्धरिउमणो, संवेगुव्वेयतिव्वसद्धाए । जं जाइ सुद्धिहेउं, सो तेणाऽऽराहओ होइ एवं तवस्सिणो वि हु, आलोयणपरिणयस्स इन्तस्स । गुरुणो व अप्पणो वा, वियलत्ते होज्ज संसोही अहवा साहुगिहीणं, दोण्ह वि साहारणे गुणे पायं । अणिययविहारजणिए, सव्वण्णुमए इमे सुणह दसणसोही १ थिरकरण, २ भावणा ३ अइसयऽत्थ ४ कुसलत्तं। ५ जणवयपरिक्खणा वि य६अणिययवासे गुणा होंति
॥ २११६॥ ॥ २११७॥ ॥ २११८॥ ॥ २११९ ॥ ॥ २१२० ॥ ॥ २१२१ ॥ ॥ २१२२॥ ॥ २१२३ ॥ ॥ २१२४॥ ।। २१२५ ॥ ॥ २१२६॥ ।। २१२७॥ ॥ २१२८॥ ॥ २१२९ ॥ ॥ २१३०॥ ॥ २१३१ ॥ ॥ २१३२॥ ।। २१३३॥ ।। २१३४॥ ॥ २१३५॥ ॥ २१३६॥ ॥ २१३७॥ ॥ २१३८ ॥ ॥ २१३९॥
॥२१४०॥
53
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |