Page Text
________________
॥ २०७४॥
॥ २०७५ ॥ ॥ २०७६ ॥
॥ २०७७॥ ॥ २०७८॥ ॥ २०७९ ॥ ॥ २०८०॥ ॥ २०८१॥ ॥ २०८२ ॥ ॥२०८३॥ ॥ २०८४॥ ॥ २०८५॥ ॥ २०८६॥ । २०८७॥ ॥ २०८८॥ ॥ २०८९॥
इय भणियविहीए गिही, हिण्डंतो तेसु तेसु देसेसु । अप्पाणए परम्मि य, सविसेसे कुणइ धम्मगुणे तहाहिदळूण सावयजणं, सविसेसं दव्वभावथयनिरयं । सयमऽवि सविसेसं चिय, तक्करणपरायणो होइ तं च तहाविहिनिरयं, पए पए पासिउं पयस॒तं । पवियंभन्ति सुहगुणा, धम्मपराणं पराणं पि किंचतइंसणाउ सद्धा, पायमऽसद्धालुणो वि सद्धम्मे । सद्धालणो सयं पण, संजायइ तप्पवित्ती वि अथिरा जायन्ति थिरा, थिराउ गिण्हन्ति तह विसेसगुणे । अगुणा वि होंति सगुणा, सगुणा दढबहुतरगुणा य इय जिणदिक्खानिव्वाण-नाणतित्थेसु सुप्पसत्थेसु । वंदंतो सव्वण्णू, सुट्ठियगुरुणो य पेहन्तो ता भमति गिही जा कह वि, पाविओ सुट्ठिओ गुरू परमो । पत्ते य तम्मि हरिसु-ल्लसंतरोमंचकंचुइओ संपत्तपावणिज्जं, समत्थतित्थोहपूयपावं च । अप्पाणं मण्णंतो, विहिणा आलोयणं देज्जा तो गुरुजणोवइटुं, पडिवज्जेज्जा य सम्म पच्छित्तं । एवं च विचिन्तेज्जा, अहो कहं पावकलुसो वि पच्छित्तदाणजलखालणेण, नीओ परं विसोहिमऽहं । निक्कारणकरुणा सायरेण एएण मुणिवइणा नूणमिमो जणणि पि हु, जणगं पि हु बन्धवं पि मित्तं पि । अभिभविऊणं वच्छल्ल-भावतो विहरति जयम्मि कहमऽण्णहा अदिटुं, असुयं देसंतराऽऽगयं च ममं । पियपुत्तं पिव एवं, बहुमण्णेज्जा महाभागो अह परमविम्हिउप्फुल्ल-लोयणो पज्जुवासिऊण चिरं । तस्सुवएसे गिव्हिय, निमन्तइ गुरुं विहारेण इय ताव पुण्णपब्भार-पुण्णवंछस्स सावयवरस्स । कस्सवि निव्विग्घं चिय, वंछियसिद्धी हवेज्ज फुडं कस्स वि य तहा संपट्ठियस्स, अवि नाम अंतरा चेव । होज्जा पाणविवत्ती, उवक्कमाऽऽउविहिवसेण सुहपणिहाणगुणेणं, तित्थाईणं अपूयणेणाऽवि । दुग्गयनारीए इव, तस्सज्झफलं तहवि होज्जा तहाहिकायंदीए पुरीए सुरसिर-मणिकिरणविच्छुरियचरणो। चरणपयट्टियलोगो, लोगाऽलोगप्पयासकरो करुणामयखीरनिही, निहीणउत्तमजणेसु समदिट्ठी । सिद्धत्थपत्थिवसुओ, समोसढो सिरिमहावीरो पवरमणिरयणरुइरं, नाणाविहधुव्वमाणधवलधयं । सिंहासणाऽभिरामं, सुरेहिं रइयं च ओसरणं । तत्थ य पुव्वाऽभिमुहो, ससुराऽसुरतिजयपूयणिज्जकमो। आसीणो जयनाहो, भव्वजणविबोहओ वीरो असुरसुरखयरकिनर-नरनरवइणो य पुलइयसरीरा । जिणवन्दणऽट्ठमऽचिरा, ओसरणमहिं समल्लीणा नयरीजणो वि हरिकरि-जाणविमाऽऽणाइएसु आरूढो । उब्भडकयसिंगारो, तियससमूहो व्व सोहंतो धूवसमुग्गयवरगन्ध-कुसुमपडलाइऽऽवावडकरेण । किंकरनियरेण सम, झत्ति जिणं वंदिउंचलिओ अह तत्थेव पुरीए, वत्थव्वाए दरिद्दथेरीए । घेत्तूण दारुयाई, इंतीए नयरीबाहिम्मि अच्चन्तविम्हियाए, पुट्ठो एगो नरो अहो भद्द ! । एगाभिमुहो लोगो, कत्थ इमो गन्तुमाऽऽरद्धो तेणं पयंपियं तिजय-बन्धुणो धुयकिलेसकलुसस्स । जम्मजरमरणवल्ली-वियाणविच्छेयपरसुस्स सिरिवीरजिणस्स पयाऽरविंद-पूयणनिमित्तमेस जणो। वच्चइ सिवसुहकारण-धम्मनिसामणनिमित्तं च एवं सोच्चा सुहकम्म-जोगओ जायभत्तिपब्भारा । सा चिन्तिउं पवत्ता, किमऽहमऽपुण्णा दरिद्दा-य पकरेमि जेण सुविसिट्ठ-ऽणग्घपूयंऽगवग्गसामग्गी। नेवऽत्थि जीए जिणवर-चरणुप्पलजुयलमऽच्चेमि अहवा किमऽणेणं सिंदु-वारकुसुमाइं पुव्वदिट्ठाई। मुहियालब्भाई लहुं, घेत्तूण करेमि जिणपूयं ताहे ताई घेत्तुं, वड्ढंतजिणिदपूयपरिणामा। ओसरणस्साऽभिमुहं, तुरियं गन्तुं समारद्धा नवरं अद्धपहे च्चिय, अच्चन्तं थेरभावविहुरंगी। पंचत्तमुवगया सा, वड्ढंतविसुद्धपरिणामा अह जिणपूयापणिहाण-मेत्तसुविढत्तकुसलकम्मेण । सोहम्मदेवलोए, अतुच्छसुरलच्छिमऽणुपत्ता
॥ २०९०॥ । २०९१॥ ॥ २०९२॥ ॥ २०९३॥ ॥ २०९४ ॥ ॥ २०९५ ॥ ॥ २०९६ ॥ ॥ २०९७॥ || २०९८॥ ॥ २०९९ ॥ ॥ २१००॥ ॥ २१०१॥ ॥ २१०२॥ ॥ २१०३॥ ॥ २१०४॥ ॥ २१०५ ॥ ॥ २१०६॥
૨
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |