Page Text
________________
संजोगा सविओगा, विसं व विसया वि परिणईविरसा। काओ य बहुअवाओ, रूवं खणभंगुरसरूवं
॥ १८९८॥ एवं परोवएस, देन्तस्स जहा महं फुरइ वयणं । तह जइ ! चित्त तुमम्मि वि, एवं ता किं न पज्जत्तं
॥ १८९९ ॥ जं पुण्णपावरूवं, वट्टइ तुह हियय ! निबिडनिगडदुगं । सज्झाणकुंचियाए, विहाडिउं लहसु तं मुत्ति ॥ १९००॥ मायण्हियाउ तण्हा-विगमकए पिबसि चित्त ! चुलुएहिं । सारगवेसणहेउं, तयमुव्वेढेसि कयलीए
॥ १९०१॥ नवणीयकए सलिलं, विरोलसे वालुयं च तेल्लकए। पीलसि तुमं जमीहसि, संसारे वि हु सुहाऽणुभवं ॥ १९०२॥ किं पि हु निष्फज्जन्तं, किं पि हु निप्पण्णमिह परं मुक्कं । अंकम्मि कीरमाणं, परं च विहडइ जहा भंडं ॥ १९०३॥ तह गब्भाइअवत्थं, विविहं पावित्तु पाणिणोऽणेगे। विहडंते मुणिउं चित्त !, चिन्तसु कि पि सुहचिन्तं
॥ १९०४॥ एक्कं पि तुमं बहुवत्थु चिन्तणा चित्त ! पावसि बहुत्तं । तहभूयं पुण एत्तिय, कस्स न दुक्खस्स होसि पयं । १९०५॥ सयलऽण्णवत्थुचिन्तं, चइत्तु ता चित्त ! चिन्तसु परं तं । एक पिकि पि वत्थं, जेण परं निव्वई लहसि ॥ १९०६ ॥ सज्झाणबलेणं कम्म-मूलभवकाणणम्मि भग्गम्मि । मत्तमहाकरिणा इव, तुमए हे चित्त ! लहु मज्झ ॥१९०७॥ रागाऽऽइएहि पमिलाण-मेव पच्चग्गपल्लवेहिं व । कम्मेहिं पक्खीहि व, उड्डेऊणं कहिं पि गयं
॥१९०८॥ जम्मजरामरणेहि, पुप्फेहि व सव्वहा पणटुं व । दुक्खेहिं तु फलेहिं व, खीणं जह होइ तह कुणसु
॥ १९०९ ॥ कम्मजलसंगवढंत-गुविलभववल्लरिं दुहफलिल्लं । झाणऽग्गिणा मण! तुमं, जइ डहसिन रोहइ तओ सा ॥१९१० ॥ लच्छीए जइ न मज्जसि, नयाऽवि रागाइयाण वसमेसि । रमणीहिं न हीरिज्जसि, तरलिज्जसि जइ न विसएहि ॥१९११ ॥ संतोसेण न मुच्चसि, आलिंगिज्जसि य जइ न इच्छाए। पावं च जइ न चिन्तसि, तुह चेव नमोऽत्थु ता चित्त! ॥ १९१२ ।। तहाजइ ताव तुमं माणस!, रागं अभिसंगचागओ जिणसि । दोसं अपीइपरिहा-रओ य मोहं तु सण्णाणा
॥ १९१३॥ कोहं खमाए सम्मं, मिउभावाऽऽनयणओ य पुण माणं । सरलत्तणेण मायं, संतोसगुणेण लोहं तु
॥ १९१४॥ संतोसवसं नयसि य, इंदियगामंबला वि जइ निच्चं । जइ जीवाणं कप्पसि य, अप्पियं पियकए चेव ॥१९१५ ॥ अस्संजमम्मि अरई, रइं च पुण संजमम्मि जइ कुणसि । जइ भयसि भवभयं चिय, पावं चिय जइ दुगुंछिहसि ॥१९१६ ॥ जइ वत्थुसरूऽऽवालोयणाउ, न करेसि हरिससोगाइ । तह वयणनिसिरणे जइ, सच्चं चिय चिन्तसे निच्चं ॥१९१७॥ जइ जिणवरेसु भत्ति, निच्चं तप्पवयणे पुण पसत्तिं । सम्मं जहसत्तीए, धम्मगुणेसुं च आसत्तिं
॥१९१८॥ कालाऽणुरूवसुंदर-किरियापरपरमसाहुबहुमाणं । दीणदुहिएसु करुणं, पावपरेसु पुण उवेहं
॥ १९१९॥ जइ कुणसि ता परेणं, कि किरियावित्थरेण विहलेणं । तुज्झ पसाएण ममं, मुत्ती करपल्लवऽल्लीणा
॥ १९२०॥ मइलिज्जइ निस्सासेहिं, दप्पणो लहु जहा सुविमलो वि। धूमेणं जलणसिहा, कलुसिज्जइ जह सुबहुलेण ॥१९२१ ॥ विच्छाइज्जइ जह ससहरो वि, पसरंतरेणुपडलेण । तह मण! कुवासणाए, मलिणिज्जसि धवलमऽवि तं पि
॥१९२२॥ जं नियमिय अप्पाणं, न रागदोसाऽऽइनिग्गहो विहिओ। न य सुहझाणग्गीए, दड्ढो कम्मेंधणपबन्धो ॥ १९२३॥ विसएहितो खंचिय, धरिओ सारे न इंदियग्गामो। तं किं न तुज्झ हे चित्त !, मुत्तिसोक्खम्मि वंछा वि ॥ १९२४ ॥ सज्जिज्जन्ति न करिणो, न पक्खरिज्जन्ति तुरयघट्टाई । नाऽऽयासिज्जइ अप्पा, वावारिज्जइ न खग्गं पि ॥ १९२५॥ किन्तु सुहज्झाणेणं, अरिणो रागाऽऽइणो हणिज्जन्ति। तह वि तुमं माणस! कीस, परिभवं सहसि तेहितो ॥ १९२६॥ गुरुकहिओवाएणं, पढमं सालंबणं पयत्तेण । अब्भसिऊणं जोगं, वियलियनिसेसपच्चूहं
॥१९२७॥ जइ बज्झविसयचिन्ता-वावारविवज्जणा निरालंबे । तत्ते परे निलीयसि, ता चित्त ! न चेव चरसि भवे
॥ १९२८॥ पयईए चलसहावं, दुईतिदियतुरंगथट्टमिणं । विसयाभिलासवेगं, विवेगरज्जूए संजमिउं
॥१९२९॥ जइ मण! धरेसि सवसं, फुरन्ति रागाइसत्तुणो न तओ। इहरा उ परिभविज्जसि, लद्धप्पसरेहिं तेहिं सया ॥ १९३०॥ जह न वरिसन्तमेहेहिं, नेय पविसंतसरिसहस्सेहि। उक्करिसो जलनिहिणो, न याऽवकरिसो वि तदऽभावे ॥ १९३१ ॥ तह सयमुर्वितभोगोव-भोगजोगे वि हियय ! जइ तुह वि। नोक्करिसो तदऽभावे, नयाऽवकरिसो वि होइ तया ॥१९३२ ।।
५७
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |