Page Text
________________
उचियपएसे य तओ, सव्वेयरभमिरचक्कपंतिल्लो। सिरिरइयपुत्तिगो लहु, महं पइट्ठाविओ थंभो
॥ १३९४॥ अक्खाडओ य रइओ, बद्धा मंचा कया य उल्लोया । हरिसुल्लसन्तगत्तो, आसीणो तत्थ नरनाहो
॥ १३९५॥ उवविट्ठो नयरिजणो, आहूया राइणा निययपुत्ता । वरमालं घेत्तूणं, समागया सा वि रायसुया
॥१३९६॥ अह सव्वपुत्तजेट्टो, सिरिमाली राइणा इमं वुत्तो। हे वच्छ! मणोवंछिय-मऽवंझमेत्तो कुणसु मज्झ
॥१३९७॥ धवलेसु नियकुलं पर-मुण्णइं नेसु रज्जमऽणवज्जं । गिण्हाहि जयपडायं, सत्तूणं विप्पियं कुणसु
॥१३९८॥ एवं रायसिरिं पिव, पच्चक्खं निव्वुइं नरिंदसुयं । परिणेसु कुसलयाए, राहावेहं लहुं काउं
॥१३९९ ॥ एवं च वुत्तु सो रायपुत्तु, संजायखोहु निण्णट्ठसोहु । पस्सेयकिण्णु अइचित्तसुण्णु, दीणाऽऽणणत्थु पगलंतकच्छु ॥१४०० ।। विच्छायगत्तु नं लच्छिचत्तु, लज्जायमाणु विहलाऽभिमाणु । हेटुं नियंतु पोरिसु मुयंतु, ठिउ थंभिउ व्व दढजंतिउ व्व।। १४०१॥ पुणरवि भणिओ रण्णा, संखोहं उज्झिऊण हे पुत्त ! । कुणसु समीहियमऽत्थं, केत्तियमेत्तं इमं तुज्झ
॥ १४०२॥ संखोहं पुत्त ! कुणंति, ते परंजे कलासु न वियड्ढा । तुम्हारिसाण स कहं, अकलंककलाकुलगिहाणं ॥१४०३ ॥ इय संलत्तो घिट्ठिम-मऽवलंबिय सो मणागमऽवियड्ढो । कह कहवि धणुंगेण्हइ, पकंपिरेणं करग्गेण ॥ १४०४॥ सव्वसरीराऽऽयासेण, कहवि आरोविऊण कोदंडं। जत्थ व तत्थ व वच्चउ, मुक्को सिरिमालिणा बाणो ॥ १४०५ ॥ थंभे अब्भिट्टित्ता, झडत्ति, सो भंगमुवगतो तयणु । लोगो कयतुमुलरवो, निहुयं हसिउं समारद्धो
॥१४०६॥ एवं सेसेहि वि नर-वइस्स पुत्तेहिं कलाविउत्तेहिं । जह तह मुक्का बाणा, न कज्जसिद्धी परं जाया
॥ १४०७॥ लज्जामिलंतनयणो, वज्जाऽसणिताडिओ व्व नरनाहो । विच्छायमुहो विमणो, सोगं काउं समाढत्तो
॥१४०८॥ भणिओ य अमच्चेणं, देव ! विमुंचह विसायमऽण्णो वि। अस्थि सुओ तुम्हाणं, ता तंपि परिक्खह इयाणि ॥१४०९॥ रण्णा भणियं को पुण, समप्पियं मंतिणा तओ भुज्जं । तं वाइऊण रण्णा, पयंपियं होउ तेणाऽवि
॥ १४१०॥ अच्चंतपाढिएहिं पि, इमेहिं पावेहिं जं समायरियं । सो विहु तमाऽऽयरिस्सइ, धी धी एवंविहसुएहिं
॥ १४११॥ जइ पुण तह निब्बंधो, विण्णासिज्जउ तदा सुओ सो वि। तो मंतिणोवणीओ, सरिंददत्तो सउज्झाओ
॥ १४१२॥ अह तं भूमीवइणा, विचित्तपहरणपरिस्समकिणंकं । उच्छंगे विणिवेसिय, पयंपियं जायतोसेणं
॥ १४१३॥ पूरेसु तुम मम वच्छ!, वंछियं विधिऊण राहं च । परिणेसु निव्वुइं राय-कण्णगं अज्जिणसु रज्जं
॥१४१४ ॥ ताहे सुरेंददत्तो, नरनाहं नियगुरुं च नमिऊण । आलीढट्ठाणठिओ, धीरो धणुदंडमाऽऽदाय
॥१४१५॥ निम्मलतेल्लाऊरिय-कुंडयसंकंतचक्कगणछिडे । पेहिन्तो अवरेहि, हीलिज्जन्तो वि कुमरेहि
॥ १४१६ ॥ अग्गीययप्पमुहेहिं, रोडिज्जन्तो वि तेहिं चेडेहि । गुरुणा निरूविएहिं, पासट्ठिएहिं च पुरिसेहि
॥ १४१७॥ आयड्ढियखग्गेहि, जइ चुक्कसि ता वयं हणिस्सामो । इइ जंपिरेहिं दोहि, तज्जिज्जंतो वि पुणरुत्तं
॥ १४१८॥ लक्खुम्मुहकयचक्खू, एगग्गमणो महामुर्णिदो व्व । उवलद्धचक्कविवरो, राहं विधइ सरेण लहुं
॥ १४१९ ॥ विद्धाए तीए खित्ता, वरमाला निव्वुईए से कण्ठे। आणंदिओ नरेंदो, जयजयसद्दो समुच्छलिओ
॥ १४२०॥ विहिओ वीवाहमहो, दिण्णं रज्जं पि से महीवइणा । एवं सुरेंददत्तो, नाणाउ गउरवं पत्तो
॥ १४२१॥ इय नाणनयमएणं, जत्तो निच्चं पि गहणसिक्खाए । कायव्वो इहपरभव-सुहदाणअवंझहेऊए
॥१४२२॥ एयरहिया न जम्हा, किरियाजुत्ता वि होंति जणपुज्जा । अच्चंतकलावियला, निवसुयसिरिमालिपमुह व्व ॥ १४२३॥ इय ताव गहणसिक्खा, निदंसिया इन्हेिं पुव्वउद्दिट्ठा । किरियाकलावरूवा, वुच्चइ आसेवणासिक्खा
॥ १४२४॥ एयाए विणा वणमालईए, कुसुमोग्गमो व्व विहवाए। रूवाऽऽइगुणगणो इव, होइ विहला गहणसिक्खा ॥ १४२५ ॥ किंचजोगतिगेणासेवण-सिक्खं चिय सम्ममायरन्तस्स । गहणस्सिक्खा जायइ, न अण्णहा जेण पयडमिणं ॥१४२६॥ गुरुचरणपसायणओ, असेसवक्खेववज्जणुज्जमओ। सुस्सूसणपडिपुच्छण-पमुहगुणपउंजणेणंच
॥१४२७॥ बहुबहुतरबहुतमबोह-संभवा परमपगरिसमुवेइ । गहणस्सिक्खा न उ अण्ण-हा वि सिरिमालिणो व्व धुवं ॥१४२८॥
૪૨
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |