Page Text
________________
॥ १३५९॥ ॥ १३६०॥ ॥१३६१॥ ॥१३६२॥ ॥१३६३॥ ॥ १३६४॥
"पढमं नाणं तओ दया, एवं चिट्ठइ सव्वसंजए। अण्णाणी किं काही, किंवा नाही छेयपावयं" इह जह खाओवसमिग-नाणस्स तहेव खाइगस्साऽवि। संमं विसिट्टफलसाह-गत्तणं होइ विण्णेयं जम्हा अरिहन्तस्स वि, संसारसमुद्दपारपत्तस्स। दिक्खापडिवण्णस्स वि, पगिट्ठतवचरणवंतस्स नो ताव सिद्धिगमणं, केवलनाणं न जाव उप्पण्णं । जीवाऽऽइसमत्थपयत्थ-सत्थवित्थारणसमत्थं तम्हा इहपरलोइय-फलसंपत्तीए कारणमऽवंझं । सण्णाणं चिय तत्तो, तम्मि पयत्तो न मोत्तव्वो नाणं विणा न गोरव-मेइ नरो इंददत्तपुत्तो व्व । नाणाउ तस्सुओ च्चिय, सुरिंददत्तो व्व गउरविओ तथाहिइंदपुरे इव रम्मे, इंदपुरे वरपुरम्मि नरनाहो । नामेण इंददत्तो, इंदो इव विबुहमहणिज्जो सिरिमालिपमुहपुत्ता, बावीसमणंगचंगरूवधरा । बावीसाए देवीण-मऽत्तया तस्स य अहेसि एगम्मि य पत्थावे, अमच्चधूया रइ व्व पच्चक्खा । दिट्ठा तेणं गेहे, कीलंती विविहकीलाहिं तो पुच्छिओ परियणो, कस्सेसा तेण जंपियं देव!। मंतिसुया अह रण्णा, तदुवरि संजायरागेण विविहपयारेहि मग्गिऊण, मंति सयं समुव्बूढा । परिणयणाणंऽतरमववि, खित्ता अंतउरे सा य अण्णण्णपवररामा-पसंगवासंगओ य नरवइणो । विस्सुमरिया चिरेण य, दटुंओलोयणठियं तं जंपियमऽणेण ससहर-सरिच्छपसरंतकंतिपब्भारा । का एसा कमलऽच्छी, लच्छी विव सुंदरा जुवई कंचुइणा संलत्तं, सा एसा देव मंतिणो धूया । जा परिणिऊण मुक्का, तुब्भेही पुव्वकालम्मि एवं भणिए राया, तीए समं तं निसीहिणि वुत्थो । उउण्हाय त्ति तय च्चिय, पाउब्भूओ य से गब्भो अह सा पुव्वमऽमच्चेण, आसि भणिया जहा तुहं पुत्ति ! । पाउब्भवेज्ज गब्भो, जं च नरिंदो समुल्लवइ तं साहेज्जसु तइया, महं ति तीए वि सव्ववुत्तंतो। सिट्ठो पिउणो तेणाऽवि, भुज्जखंडम्मि लिहिऊण पच्चयकएण मुक्को, पइदियहं सारवेइ अपमत्तो । जाओ य तीए पुत्तो, सुरिंददत्तो कयं नामं तम्मि य दिणे पसूयाणि, तत्थ चत्तारि चेडरूवाणि । अग्गियओ पव्वयओ, बहुली तह सागरयनामो उवणीओ पढणत्थं, लेहाऽऽयरियस्स सो अमच्चेण । तेहिं चेडेहि समं, कलाकलावं अहिज्जेइ ते वि सिरिमालिपमुहा, रण्णो पुत्ता न किंचि वि पढंति । थेवं पि कलाऽऽयरिएण, ताडिया निययजणणीए साहेति रोयमाणा, एवं एवं च तेण हणियम्ह । अह कवियाहि भणिज्जइ. उज्झाओ रायमहिलाहिं हे कूडपंडिय ! सुए, अम्हाणं कीस हणसि णिस्सटुं। पुत्तरयणाइं जह तह, न होंति एयं पि नो मुणसि हो ! होउ तुज्झ पाढणविहीए, अच्चंतमूढ ! विहलाए । जो न सुए थेवं पि हु, ताडितो वहसि अणुकंपं इय ताहिं फरुसवयणेहिं, तज्जिएणं उवेहिया गुरुणा । अच्चन्तमहामुक्खा, जाया ताहे नरिंदसुया राया वि वइयरमिमं, अयाणमाणो मणम्मि चिन्तेइ । अच्चंतकलाकुसला, मम चेव सुया परं एत्थ सो पुण सुरिंददत्तो, कलाकलावं अहिन्जिओ सयलं । अगणेतो समवयचेड-रूवविहियं पि पच्चूहं अह महुराए नयरीए पव्वयगनराहिवो निययधूयं । पुच्छइ पुत्ति ! तुह वरो, जो रोयइ तं पणामेमि तीए पयंपियं ताय !, इंददत्तस्स संतिया पुत्ता । सुव्वंति कलाकुसला, सूरा धीरा सुरूवा य तेसि एकं सुपरिक्खिऊण, राहापवेहविहिणाऽहं । जइ भणसि ता सयं चिय, गंतूण तहिं वरेमि त्ति पडिवण्णं नरवइणा, ताहे पउराए रायरिद्धीए । सा परिगया पयट्टा, गंतुं नयरम्मि इंदपुरे तं इंति सोऊणं, तुट्टेणं इंददत्तनरवइणा। कारविया नियनयरी, उब्मवियविचित्तधयनिवहा अह आगयाए तीए, दवाविओ सोहणो य आवासो। भोयणदाणप्पमुहा, विहिया उचिया पवित्ती वि विण्णत्तो तीए निवो, राहं जो विधिही सुओ तुज्झ । सो च्चिय मं परिणेही, एत्तो च्चिय आगयाऽहमिहं रण्णा भणियं मा सुयणु!, एत्तिएणाऽवि तं किलिस्सिहसि । एक्केक्कपहाणगुणा, सव्वे वि सुया जओ मज्झ
॥ १३६५॥ ॥ १३६६॥ ॥ १३६७॥ ॥१३६८॥ ॥ १३६९ ॥ ॥ १३७०॥ ॥१३७१ ॥ ॥ १३७२ ॥ ॥ १३७३ ॥ ॥ १३७४॥ ॥ १३७५ ॥ ॥ १३७६॥ ॥ १३७७॥ ॥ १३७८ ॥ ॥ १३७९ ॥ ॥ १३८०॥ ॥ १३८१॥ ॥ १३८२ ॥ ॥ १३८३ ।। ॥ १३८४ ॥ ॥ १३८५॥ ॥ १३८६ ॥ ॥ १३८७॥ ॥ १३८८॥ ॥ १३८९ ॥ ॥ १३९०॥ ॥ १३९१ ॥ ॥ १३९२॥ ॥१३९३ ॥
४१
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |