Page Text
________________
॥ ११२१ ॥ ॥ ११२२॥ ॥ ११२३ ॥ ॥ ११२४॥ ॥ ११२५ ॥ ॥११२६॥ ॥ ११२७॥ ॥ ११२८॥
॥ ११२९॥
एत्तो पारत्तहियं, ता कीरउ देव वंकचूलिस्स । निच्छियभाविरमरणे, किमकिच्चेणं कएणिमिणा एवं वुत्ते रण्णा सुय-निहिणो साहुणो समाहूय । पज्जंतविहिसणाहो, कहाविओ धम्मपरमत्थो अह सो साहुसमीवे, आलोइयसयलपुव्वदुच्चरिओ। खामियसमग्गजीवो, विसेसपडिवण्णवयनिवहो पंचपरमेट्ठिमंतं, परिवत्तंतो समुझियाहारो। मरिऊण अच्चुयम्मि, देवो जाओ महिड्ढीओ जिणदाससावगो वि य, सगामहुत्तं पुणो णियत्तंतो । तं तह देविजुयलं, रोयंतं पेच्छिउं भणइ मंसम्मि अभुत्ते च्चिय, किं तुब्भे रुयह ताहि तो कहियं । सविसेसविहियधम्मो, देवो अण्णत्थ सो जाओ अम्हे निप्पुण्णा उ, संयमऽवि पाणनाहरहियाओ। जम्हा तहट्ठियाओ, सोणं तेणं करेमो त्ति अह जिणदासो दिव्वं, देविड्ढिं वंकचूलिया लद्धं । जिणधम्मपहावेणं, नाउं एवं विचितेइ नमिरपरमपेमुब्भन्तदेविंदविंदु-ब्भडकणयकिरीडुग्घट्ठपायाऽरविंदो। जयइ जिणसमूहो देसिओ जेण धम्मो, सिवसुरपुरलच्छि-हत्थदाणेक्कदच्छो खणमऽवि परिसुद्धं पालिऊणंऽतकाले, कलिकलिलमऽसेसं खालिउंजप्पभावा। पवरगइमुवेंती वंकचूलि व्व जीवा, स जयउ जयपुज्जो वीयरागाण धम्मो इय वंकचूलिचरियं, निवेइयं संपयं परिकहेमि। पुव्वं चिय उक्खित्तं, चिलाइपुत्तस्स वित्तंतं भूमिपइट्ठियनयरे, नामेणं आसि जण्णदेवो त्ति । विप्पो पंडियमाणी, जिणसासणखिसणाऽऽसत्तो जो जेण जिप्पइ इहं, सो सिस्सो तस्स इइ पइण्णाए । वायम्मि निज्जिओ पवर-बुद्धिणा साहुणा सो य पव्वाविओ य णवरं, पव्वज्जं देवयाए उज्झन्तो। पडिसिद्धो अह जाओ, निच्चलो साहुधम्ममि तहावि हु जाइमएणं, दुगुंछभावं मणागमुव्वहइ । पडिबोहिओ य तेणं, नीसेसो निययसयणजणो भज्जा पुण तस्स परूढ-गाढपेम्माऽणुबंधदोसेण । काराविउं समीहइ, तं पव्वज्जापरिच्चायं सो पुण निच्चलचित्तो, सद्धम्मपरो गमेइ दियहाई। अह अण्णवासरम्मि, दिण्णं से कम्मणं तीए तद्दोसेणं मरिऊण, स देवलोए सुरो समुप्पण्णो। इयरी वि य पव्वइया, तण्णिवेएण संतत्ता आलोयणं अकाउं, मया समाणी सुरेसु उप्पण्णा । अह जण्णदेवजीवो, चइऊणं रायगिहनयरे धणसत्थवाहगेहे, चिलाइनामाए दासचेडीए । तेण दुगुंछादोसेण, पुत्तभावं समणुपत्तो विहियं च जणेणं से, चिलाइपुत्तो त्ति गुत्तमभिहाणं । इयरी वि तओ चइउं, तस्सेव धणस्स भज्जाए पंचण्ह सुयाणुवरिं, नामेणं सुसुमा सुया जाया । सो य चिलाईपुत्तो, बालग्गाहो कओ तीसे अच्चन्तकलहकारि त्ति, दुव्विणीओ त्ति सत्थवाहेण । निच्छूढो गेहाओ परियडमाणो गओ पल्लिं आराहिओ य बाढं, पल्लिवई गाढविणयओ तेण । अह पल्लिवइम्मि मए, मिलिऊणं चोरनिवहेण जोगो त्ति कलिय विहिओ, पल्लीनाहो महाबलो सो य । अच्चन्तनिग्घिणो हणइ, गामपुरनयरसत्थाई एगम्मि य पत्थावे, तेणं चोराण एयमुवइटुं । रायग्गिहम्मि नयरे, सत्थाहो अत्थि धणनामो तस्स य धूया नामेण, सुंसुमा सा य मज्झ तुम्ह धणं । ता एह तत्थ जामो, अवहरिलं तं च एमो त्ति पडिवण्णं चोरेहि, रयणीए ततो गया य रायगिहे। ओसोयणीं च दाउं, झत्ति पविट्ठा धणस्स गिहे मुटुं चोरेहिं गिहं, गहिया सा सुंसुमा वि इयरेण । सत्थाहो सुयसहिओ, अण्णत्थ लहुं अवक्कंतो . पावियसमीहियत्थो, सट्ठाणं पट्ठिओ य पल्लीवई । अह उग्गयम्मि सूरे, पंचहि वि सुएहि परिकिण्णो दढदेहबद्धकवओ, नरवइबहुसुहडपरिवुडो सिग्धं । तम्मग्गेणं लग्गो, धूयानेहेण सत्थाहो भणिया य रायसुहडा, धणेण धूयं ममं नियत्तेह । दव्वं तुम्हं दिण्णं, इय भणिए धाविया सुहडा इंते य ते पलोइय, नट्ठा चोरा धणं विमोत्तूण । घेत्तूण य तं सुहडा, जहागयं पडिगया सव्वे १. ओसायणीं - अवस्वापिनीम्,
॥ ११३०॥ ॥११३१ ॥ ॥ ११३२॥ ॥ ११३३॥ ॥११३४॥ ॥११३५॥ ॥ ११३६ ॥ ॥११३७॥ ॥ ११३८॥ ॥ ११३९ ॥ ॥ ११४०॥ ॥११४१॥ ॥११४२॥ ॥ ११४३ ॥ ॥११४४॥ ॥ ११४५ ॥ ॥ ११४६॥ ॥११४७॥ ॥ ११४८॥ ॥११४९॥ ॥ ११५०॥ ॥११५१॥ ॥११५२॥ ॥ ११५३॥
३४
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |