Page Text
________________
ताहे समग्गवणिय-प्पहाणसेट्ठिस्स मंदिरे खत्तं । पाडित्ता सणियगई, झत्ति पविट्ठो भवणमज्झे पेच्छइ य तहि सेट्टि, करसंपुडधरियखडियसंपुडयं । पुत्तेण समं लेक्खग-मऽणुक्खणं चिय करेमाणं एत्थ य एगम्मि विसोवगम्मि, कहमवि अपुज्जमाणम्मि। रुट्ठो जंपइ सेट्ठी, रे! रे! कुलकवलणकयन्त ! अवसर दिट्ठिपहाओ, मा गेहे मज्झ वसिहिसि खणं पि। एत्तियमेत्तऽत्थखयं, नाऽहं पिउणो वि हु सहिस्सं एवं पयंपमाणं, उब्भडकोवारुणच्छिविच्छोहं । तं पेच्छिऊण चिंतइ, पल्लिवई विम्हिओ संतो जो एगविसोवगविप्प-णासमऽवलोइऊण पुत्तमऽवि। निस्सारिउं समीहइ, सो जइ मुसियं गिहं मुणइ ता नूण मरइ धणविप्पणास-वसजायहिययसंघट्टो। एवं च किविणपिउणो, न मारणं जुज्जइ इमस्स वच्चामि मंदिरे नरवइस्स, गिण्हामि वंछियं तत्तो। न हु विरमइ तण्हा वार-णस्स, तणुविरयनीरेण एवं परिभातस्स, तस्स रयणी विराममणुपत्ता । अरुणो विष्फुरिओ पुव्व-दिसिमुहे घुसिणतिलउ व्व अह सणियं चिय तत्तो, नियत्तिउं सो गओ अरण्णम्मि। पुटुसरीरं गोहं, घेत्तुं च समागओ नयरिं मुक्का य तेण तप्पुच्छ-बद्धदढदोरगेण अप्पाणं । संजमिऊणं गोहा, निवभवणारोहणनिमित्तं निठुरचरणावटुंभओ य, सो लंघिऊण गिहभित्तिं । पासायं आरूढो पल्लिवई तयणु तुट्ठमणो तं उज्झिऊण सणियं, आढत्तो पविसिउं भवणमज्झे। तव्वेलं पुण तत्थ य, रण्णो उवर विहियकोवा मणिभूसणकंतिकडप्प-निहयतिमिरा नरेंदवरभज्जा। सेज्जागया पलोइय, तं जंपिउमेवमाऽऽरद्धा को भद्द ! तुमं? चोरो म्हि, वंकचूलि त्ति भुवणजणपयडो । मणिकणगचोरणऽट्ठा, इहागओ तेण इय भणिए परिवुत्तं देवीए, न तुमं चोरो हिरण्णमाईणं । चोरिउमिच्छसि निग्घिण!, जेणं मम संपयं हिययं तेणं पयंपियं सुयणु!, मा तुमं एवमुल्लवसु जेण । को सुचिरजीवियऽत्थी, फणिपहुमणिमभिलसइ घेत्तुं अह तस्स मयणसच्छह-सरीरसुंदेरहरियहिययाए । इत्थीसहावओ च्चिय, अच्चन्तं तुच्छबुद्धीए कुलगंजणावलोयण-परंमुहाए अणंगविहुराए । तीए भणियं भद्दय !, दूरुज्झियपडिसयविगप्पो अभिगमसु ममं संपइ, सेसा तुह चिन्तियत्थसंपत्ती । एत्तो च्चिय नीसेसा, सविसेसा होहिइ अचिरा कि नो पेच्छसि अच्चंत-निम्मलुम्मिल्लरयणपहपसरं। आभरणमालियं एत्थ सहय!, एयाए तं सामी इय तीए गिरं सोऊण, जंपियं वंकचूलिणा सुयणु ! । का सि तुमं किमिहेच्छसि, को वा तुह पाणनाहो त्ति तीए भणियं भद्दय !, महानरिंदस्स अग्गमहिसी हं। कयकोवा नरनाहे, एवं एत्थावसामि त्ति पुव्वग्गहियाभिग्गह-मणुसरिऊणं पयंपियं तेण । जइ नरवइणो भज्जा, ता मह जणणि व्व होसु तुम ता मा महाणुभावे!, पुणरवि एवं समुल्लविज्जासि । मइलिज्जइ जेण कुलं, कुलप्पसूयाण तमऽकिच्चं अहह महामुद्ध! किमेव-मऽणुचियं वाउलो व्व वाहरसि । इय निब्भच्छंतीए तीए, सकोवाए भणिओ सो जं सुमिणे वि न पेच्छसि, भूवइभज्जं पि तमहुणा पत्तं । किं मूढ ! नोव/जसि, पडिभणियं तेण एत्ताहे अम्ब ! विमुंच ग्गाहं, मणसावि हु चिंतियं न जुत्तमिमं । वरमुग्गविसं खइयं, मा कयमेवंविहमकज्जं वयणपडिकूलणावस-सविसेसविसप्पमाणकोवाए। पयडक्खरेहि भणियं, देवीए तं पडुच्च इमं होसि वसे मज्झ तुमं, हयास ! नृणं विडम्बिओ संतो। जाइस्सइ सग्गं नग्ग-खेवणओ नवरि विग्गत्तो अह तेणं सा भणिया, अम्बा अम्ब त्ति पुव्वमुल्लविउं । तुममेव संपयं कह, जायं भणिऊण सेवेमि एयं च तदुल्लावं, कडगंऽतरिओ समग्गमवि सोच्चा। देवीपसायणट्ठा, चिरागओ चिंतए राया अच्छरियमहो ! सम्माण-दाणनंदिज्जमाणहियया वि । नावत्थाणं बंधइ, इत्थी एगत्थ पुरिसम्मि जेण सुकुलुग्गया वि हु, अणुरत्तमणं ममं पि मोत्तूण । अमुणिज्जंतं पि जणं, कामिउमिच्छइ इमा एवं धी! धी! पडिबंधो सव्व-हेव रामासु सुहविरामासु । अहह ! कहं सुकुला वि हु, विहुरे खिप्पंति एयाहिं
॥ १०२०॥ . ॥१०२१॥
॥ १०२२॥ ।।१०२३॥ ॥ १०२४ ॥ ।। १०२५ ॥ ॥ १०२६ ॥ ॥ १०२७॥ ॥ १०२८॥ ॥ १०२९ ॥ ॥ १०३०॥ ॥ १०३१ ॥ ॥ १०३२॥ ॥ १०३३॥ ॥१०३४ ॥ ॥ १०३५ ॥ ॥ १०३६ ॥ ॥ १०३७॥ ॥ १०३८॥ ॥१०३९ ॥ ॥१०४०॥ ॥१०४१॥ ॥१०४२॥ ॥१०४३॥ ॥१०४४॥ ॥ १०४५ ॥ ॥ १०४६॥ ॥ १०४७॥ ॥ १०४८॥ ॥ १०४९॥ ॥ १०५०॥ ॥१०५१॥ ॥१०५२ ॥ ॥ १०५३॥ ॥१०५४॥
१. खवणओ = क्षपणक:-साधुः,
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |