Page Text
________________
नीरंधगरुयतरुवर-पडिरुद्धाइच्चकंतिपसराए । पसरंतसरहसहरिस-रवसवणपलाणसीहाए
॥८४७॥ सीहावलोयणाउलमयउलकीरंतदरिपवेसाए। वेसाए व्व सया वि हु, महाभुयंगेहिं कलियाए
॥ ८४८॥ अडवीए निवडिओ सो, कत्थ वि य अदिस्समाणमग्गाए । तण्हाछुहाकिलंतो य, जंपिउं एवमाढत्तो
॥ ८४९॥ रे पुरिसा ! उच्चतरुम्मि, आरुहित्ताऽवलोयह दिसाओ। किं अत्थि एत्थ कत्थ वि, जलासओ वसिममहवा वि ॥८५० ॥ तव्वयणेणाऽऽरूढा, पुरिसा उच्चम्मि पवरतरुसिहरे। अवलोइउं पवत्ता, दिसिवलयं णिउणदिट्ठीए
॥८५१॥ अह थेवभूमिभागे, मसिकोइलगवलसामलसरीरा । जलणं पज्जालिन्ता, भिल्ला आलोइया तेहिं
॥८५२॥ सिटुंच इमं नरवइ-सुयस्स तेणावि जंपियं भद्दा ! । गच्छह एसिं समीवे, पुच्छह मग्गं वसिमहुत्तं
॥ ८५३॥ इय सोऊणं पुरिसा, गया समीवम्मि तेसिं भिल्लाणं । आपुच्छिउं पवत्ता, मग्गं भिल्लेहि तो भणिया
॥८५४ ॥ कत्तो तुब्भे एत्था-गया तहा कस्स संतिया किं वा । देसंतरं समीहह, गंतुं साहेह ताव इमं
।। ८५५॥ पुरिसेहिं जंपियं सिरि-पुराओ नामेण वंकचूलि त्ति। विमलजसरायपुत्तो, पिउअवमाणाउ नीहरिओ
॥८५६॥ परदेसं वच्चंतो, इहागतो तस्स सेवगा अम्हे । मग्गस्स पुच्छणट्ठा, तुम्ह समीवं समणुपत्ता.....
।। ८५७॥ भिल्लेहिं जंपियं भो!, तं दंसह अम्ह नरवइस्स सुयं । पडिवण्णं पुरिसेहि, वलिऊण य दंसिओ कुमरो ॥८५८॥ अह दुराउ च्चिय मुक्क-कंडकोदण्डपमुहसत्थगणा । भिल्ला नमिउं कुमरं, चितेउमिमं समाढत्ता
॥ ८५९॥ एवंविहसुंदरराय-लक्खणालंकिओ इमो अम्ह। जइ कहवि होइ सामी, ता जायइ सव्वसंपत्ती
।। ८६०॥ इय चिन्तिऊण तेहिं, निडालतडघडियपाणिकोसेहि। सविणयपणयं भणियं कुमार!, विण्णवणियं सुणसु ॥ ८६१॥ चिरसमुवज्जियपुण्णेण, नूणं तुम्हारिसा पवरपुरिसा । दीसंति ता पसीयह, आगच्छह अम्ह पल्लीए
॥८६२॥ कुणह नियपायपंकय-पवित्तियाए य तीइ रज्जं च । सामिवियलाण अम्हं, एत्तो सामी तुमं चेव
॥८६३॥ इय सप्पणयब्भत्थण-पल्हत्थियनियकुलव्ववत्थेण । पडिवण्णं कुमरेणं, विसयासंगीण किमकिच्चं
॥८६४॥ अह परियणेण सहिओ, पहिट्ठचित्तेहिं तेहिं भिल्लेहिं । दंसिज्जमाणमग्गो, पडुच्च पल्लिं पयट्टो सो
॥८६५ ॥ अच्चंतनिबिड्दुमदुग्गमेण, सणियं पहेण गच्छंतो। सीहगुहापल्लीए. तीए अदूरम्मि संपत्तो
॥ ८६६॥ दिट्ठा य कुमारेणं, दंसणमेत्ते वि दिण्णभूरिभया। विसमगिरिदुग्गलग्गा, कयन्तजणणि व्व सा झत्ति
॥८६७॥ अवि यएगत्थनिहियकुंजर-महंतदंतोवरइयपरिवेढा । अण्णत्थ मंसविक्कय-मिलन्तजणजणियहेलबोला
॥८६८॥ एगत्थ 'बंदपग्गहिय-पहियकीरंतकरुणरुण्णरवा । अण्णत्थ विणासियजंतु-रुहिरर्विलप्फिलियमहिवट्ठा ॥ ८६९॥ एगत्थ घोरसरघुरु-हुरन्तकोलेयनिवहदुप्पेच्छा । अण्णत्थुलंबियपिसिय-भक्खणुम्मिलियसउणिकुला ॥ ८७० ॥ एगत्थ परोप्परवइर-भावजुज्झंतभीमभिल्लभडा । अण्णत्थ लक्खविंधण-पयट्टएगग्गधाणुक्का
॥८७१॥ जत्थ य दुहत्तजणमारणम्मि, धम्मं वयन्ति निक्करुणा । गिज्जइ य परममंडण-मऽकित्तिमं परजुवइसंगे ॥ ८७२॥ सलहिज्जइ मइविभवो, विसिट्ठ (विसत्थ) जणवंचणम्मि दढवेरं। वुज्झइ हियभासिम्मि, तब्विवरीए य मित्तत्तं ।। ८७३॥ जह तह भासित्तणमऽवि, वणिज्जइ वयणकोसलत्तेण । सत्तवियलो त्ति भण्णइ, नयाणुवत्ती वि मुढेहि ॥ ८७४॥ इय एवंविहलोएण, संकुलाए य तीए पल्लीए । अच्चन्तपाववसगो, नरयकुडीए व्व स पविट्ठो
॥८७५ ॥ ठविओ य सबहुमाणं, चिरपल्लीवइपयम्मि भिल्लेहिं । निययपरक्कमवसओ, जाओ अचिरेण पल्लिवई
।। ८७६॥ अवगणियकुलायारो, अविचिन्तियजणगधम्मववहारो। अवहत्थियलज्जभरो, विस्सुमरियसाहुधम्मगिरो ॥८७७॥ वणवारणो व्व अणिवा-रणो सया तेण भिल्ललोएण। परियरिओ अणवरयं, पाणिवहाईसु वदतो
॥८७८॥ पच्चासण्णपुरागर-मडंबकब्बडविणासणुज्जुत्तो । थीबालवुड्ढवीसंभ-घायदिण्णावहाणो य
॥८७९ ॥ निच्चं जयपसंगी, निच्चं चिय मज्जमंसउवजीवी। तत्थेव य जायरई, कालं वोलेइ लीलाए
॥८८०॥ १. वसिम - जनाकुलं वासयुक्तं स्थानम्, वसतिम्, २. हलबोलो = कोलाहलः, ३. बंद = कारागृहनिक्षिप्तः, केदी,, ४. विलप्फिलिय = व्याप्त,
૨૬
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |