Page Text
________________
आलोएइ य निच्चं, मच्चुं पच्चूहमीहियत्थाणं । तस्स य निरोहसाहण-माराहणमेव भावेइ अरिहन्तेसु य पूया-सक्कारं कुणइ निच्चमुज्जुत्तो। भावेइ य गुणगुरुयं, तेसिं गुणमणिकरंडाणं पवयणपसंसणाए, रमेइ विरमेइ धम्मनिन्दाओ । गुणगुरुगुरुभत्तीए, सत्तीए सज्जइ निच्चं । सुमणे सुमणे वन्दइ, सुठु निन्देइ णिययदुच्चरयं । गुणसुट्ठिएसु रज्जइ, सज्जइ सइ सीलसच्चेसु वज्जेइ कुसंसग्गिं, संसग्नि कुणइ सीलवन्तेहिं । निच्चं पि गुणे गिण्हइ, परस्स सन्ते वि नो दोसे दुट्ठपमायपिसाए, निहणेइ हणेइ इंदियमइंदे । ताडेइ य दुच्चरियं, मणमक्कडमुक्कदुपयारं नाणं सुणेइ नाणं गुणेइ, नाणेण कुणइ किच्चाई । नाणाहिएसु रज्जई, अणुसज्जइ नाणदाणम्मि अकुसलखओवसमओ, निययं कुसलाणुबन्धओ चेव । इइ गुणसत्तो सत्तो, सो च्चिय आराहणा-अरिहो तह कुगईपहसहाए, जिणइत्तु परेसि कहमवि कसाए । पसमेइ पसंतमणो, जो सो आराहणा-अरिहो अणुवसमपरे वि परे, कुणमाणो सम्ममुवसमोवायं । आराहणारिहत्तं, लहई च्चिय सुद्धभावाओ आराहणाठिएण वि, कसायसल्लं समुद्धरेयव्वं । जो पढमं पि तमुद्धरई, तदरिहो सो वि नायव्वो जो य न तहारिहेणं, मेण्णो अण्णस्स तदरिहो सो वि । ईयरो वि तदरिहो, जइ कहमवि ववहरणऽणुण्णाओ इहरा आराहणसंठियस्स, संधाणुगम्ममाणस्स । धणवइपओसकरणा, मालिण्णं पवयणस्स भवे संमाणदाणसिक्खावणाहिं, ठिइधरियपरिअणच्चाई । जो सो वि तदरिहो खलु, इहरा लोगम्मि परिवाओ तदसामत्थे पुण सव्व-हा वि धम्मियविसिट्ठलोयमओ। जह तह तप्परिचाई वि, तदरिहो होइ विण्णेओ तह पयईए विणीओ, पयईए चेव साहसेक्कधणो। पयईए सुकयण्णू, निच्चियनिग्गुणभवठिई य तत्तो य तव्विरत्तो, पयईए चेव अप्पहासो य। पयईए अद्दीणो, पयई पडिवण्णसूरो य आराहणाए जो वि य, ठियं जणं जणियपावपरिहारं । सोउं दळुच भवे, तब्भत्तिरसिज्जमाणमणो होहं अहं कहंपि पि हु, कयावि कमचिण्णपुण्णसामण्णो। किं मण्णे पुण्णेहिं, सव्वण्णुविहीए इयरूवो इय वासणापहाणो, धीबलिओ थिरपसन्तपयई य। सिट्ठजणस्स बहुमओ, नेओ आरहणा-अरिहो अहवा अच्वंतचंडमणवयण-कायकिरिया वि कूरकम्मा वि। अणवरयं महुमेरय-पिसियाऽसणलालसमणा वि थीबालवुड्ढमारण-चोरिक्कपरिस्थिसेवणपरा व। अलिउल्लावाभिरती वि, धम्मविहिओवहासा वि होऊण पुव्वकाले, कि पि हु वेरग्गकारणं पप्प । पच्छा पच्छायावा, परमोवसमं पवज्जंति जे ते वि हुंति आरा-हणाए अरिहा सुहासया धीरा । रायसुयवंकचूली, चिलाइपुत्ताइणो व्व धुवं तहाहिसुविभत्ततियचउप्पह-चच्चरदेवउलभवणरमणिज्जे। सिरिपुरनगरे राया, अहेसि नामेण विमलजसो वइरिकरिकुंभनिब्भेय-लग्गरूहिरारुणुब्भडच्छायो । परिकुवियजमकडक्खो व्व, जस्स खग्गो रणे सहइ जस्स य जिणमुणिचलणु-प्पलेसु भसलत्तणं समुव्वहइ । भत्तिवसेण य मणिमउड-किरणटिविडिक्कियं सीसं तस्स य भज्जा निरुवम-रूवाइगुणोवहसियसुरदयिया। सयलंतेउरपवरा, नामेण सुमंगला देवी जमलगजायत्तणओ, पुत्तो नामेण पुष्फचूलो से। धूया य पुष्फचूला, दोण्णि वि अण्णोण्णणिद्धाणि नवरं अणत्थसत्थं, उप्पायंतो पुरम्मि सव्वत्थ । भण्णइ स पुष्फचूलो, जणेण किर वंकचूलि त्ति नामेण इमेणं चिय, संपत्तो सो पसिद्धिमण्णदिणे । तदुवालंभायण्णण-रुडेणं सो नरिंदेणं निव्विसओ आणत्तो, ताहे नियपरिजणेण परियरिओ। तीए विय भइणीए, सहिओ नयराउ नीहरिओ लंघित्ता नियदेसं, वच्चंतो पउरगिरिसणाहाए। हरिनहराऽऽहयकुंजर-विमुक्कसिक्कारभीमाए १. मण्णो = मान्यः २. टिविडिक्कियं - मण्डितम्,
॥८१४॥ ॥८१५ ॥ ॥८१६ ॥ ॥८१७॥ ॥ ८१८ ॥ ।। ८१९ ॥ ॥ ८२० ॥ ॥ ८२१॥ ।। ८२२ ॥ ॥ ८२३॥ ॥८२४ ॥ ॥८२५॥ ॥ ८२६ ॥ ।। ८२७॥ ॥ ८२८॥ ॥ ८२९ ॥ ॥८३०॥ ॥ ८३१॥ ।। ८३२॥ ॥ ८३३॥
॥८३४॥ ॥ ८३५॥ ॥ ८३६॥ ॥ ८३७॥
॥८३८॥ ॥८३९ ॥ ॥८४०॥ ।। ८४१॥ ॥८४२॥ ॥८४३ ॥ ॥ ८४४॥ ।। ८४५ ॥ ॥८४६॥
૨૫
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |