Page Text
________________
॥६४८५॥ ॥६४८६॥ ॥६४८७॥ ॥६४८८॥ ॥६४८९॥ ॥६४९०॥
॥६४९१॥ ॥६४९२॥ ॥ ६४९३ ॥
एयं सो दिसिमोहो, एयं सो अच्छिपट्टबंधो उ। तमिमं जच्चंऽधत्तं, नेत्तुद्धारो स एवं ति आसुपरिभमणभममाण-भुवणपडिहासमाणमऽहव इमं । हिमवंतगमणमिमम हव-सायरं गंतुकामस्स केसंडगनाणमिमं, अहवा मइविब्भमो स एसो त्ति। सुत्तीए रययविसयं, विण्णाणं वा तमेयं ति। उज्जलजलविसओ वा. एस स मायण्हियासु पडिहासो। तं च इमं जं सुव्वइ, जणम्मि विवरीयधाउत्तं तमऽकंडविड्डरमिमं, तह तमिमं पंसुवुट्ठिउव्वहणं । घोरंऽधकूवकुहरम्मि, निवडणं नणु तमेयं ति जमिम मिच्छादसण-सल्लं सम्मत्तखलणपडिमल्लं। (वासा) सम्मग्गम्मि महलं, पयट्टमाणस्स चिक्खल्लं अण्णं चजमऽदेवो वि हु देवो, अगुरू वि गुरू अतत्तमऽवि तत्तं । जमऽधम्मो वि हु धम्म-त्तणेण मण्णिज्जइ जिएहि जं पि जहुत्तगुणम्मि वि, देवम्मि गुरुम्मि तत्तवग्गे य। धम्मे य परमपयसा-हगम्मि अरई पओसो वा जमुदासीणत्तं पिहु, परमपयत्थेसु देवपमुहेसु । मिच्छादंसणसल्लस्स, तमिह दुव्विलसियं सव्वं तहाअविवेयमूलबीयं, अणुवहयं सव्वहा इमं जम्हा । मिच्छत्ता होइ नरो, मढमणो जइ वि बद्धिधणो मयतण्हियाउ उदयं, मग्गंति मिगा जहा गरुयतिण्हा । सब्भूयमऽसब्भूयं, तहेव मिच्छत्तमूढमणा -- पेच्छइ असंतमऽत्थं, भक्खियधत्तूरओ जहा पुरिसो। मिच्छत्तमोहियमणो, तह धम्माऽहम्मविसयं पि मिच्छत्तभावणाए, अणाऽऽइकालेण मोहिओ जीवो। लद्धे वि खओवसमा, सम्मत्ते दुक्करं रमइ न वितं करेइ अग्गी, नेव विसं नेय किण्हसप्पो य । जं कुणइ महादोसं, तिव्वं जीवस्स मिच्छत्तं कडुयम्मि अनिव्वलियम्मि, दोद्धीए जह विणस्सए खीरं । तह मिच्छत्तकलुसिए, जीवे तवनाणचरणाणि संसारमहातरुणो, मिच्छत्तमऽतुच्छबीयमेयं ति । तम्हा तं मोत्तव्वं, सिवसोक्खं कंखमाणेहिं मिच्छत्तमोहियमणा, मुणंति जीवा न अतत्ततत्तं पि। कुसमयसवणसमुब्भव-कुवासणावासिया संता न हु मिच्छत्तंऽधत्तण-संछण्णविवेयचक्खुणो जीवा । सद्धम्मदेसगरविं, पेच्छंति वि तामसखग व्व जइ एयं चिय एकं, नरेस मिच्छत्तसल्लमऽल्लीणं । ता सयलदुहाण कए, तं चिय होही किमऽण्णेण मिच्छत्तसल्लविद्धा, तिव्वाउ वेयणाउ पावेंति । विसलित्तकंडविद्धा,जह पुरिसा निप्पडीयारा ता पयडिय दच्छत्तं, हत्थं उच्छादिऊण मिच्छत्तं । सुंदर ! कुणसु ममत्तं, पडुच्च निच्चं पि सम्मत्तं मिच्छादसणसलं, वत्थुविवज्जासबोहजणगमिणं । सद्धम्मदूसगं कारगं च भवगहणभमणस्स ताव च्चिय मणभवणे, सम्मत्तपईवओ पहं देइ । जाव न मिच्छादंसण-पयंडपवणो पणोल्लेइ पत्तं पि पुण्णपब्भार-लब्भसम्मत्तरयणमुत्तरइ । मिच्छाऽभिमाणमइरा-मत्तस्स जहा जमालिस्स तथाहिजयगुरुणो वीरजिणेसरस्स, पासम्मि गहियपव्वज्जो। पंचसयरायपुत्तेहिं, परिगओ चत्तरज्जसुहो भयवंतभइणिपुत्तो, जमालिनामा सुधम्मसद्धाए । संवेगसारमऽणगा-रियाए किरियाए वÉतो एगम्मि अवसरे पबल-पित्तजरविहुरयाए पडिभग्गो। सयणत्थं णियथेरे, संथारं संथरावेइ अह वयणाऽणंतरतूर-माणमुणिदीयमाणसंथारे। कालविलम्बं थेवं पि, असहमाणेण तेण पुणो संथरिओ किं व न व त्ति, पुच्छिया साहुणो तओ तेहिं । थेवमऽसंथरिए वि हु, "संथरिओ" इइ पवुत्तम्मि तं देसमाऽऽगओ संथरिज्जमाणं पलोइउं तं च । सहस त्ति जमाली जाय-विब्भमो भणिउमाऽऽढत्तो मुणिणो! कीस असच्चं, जंपह जं संथरिज्जमाणम्मि। संथरियं संथारं ति, वयह थेरेहिं तो भणियं जह कज्जमाणयं कड-माऽऽह पहू भुवणदिणयरो वीरो। तह संथरिज्जमाणो, संथरिओ एस किमऽजुत्तं एवं पि तेहिं भणिओ, मिच्छाऽभिनिवेसनिहयसम्मत्तो। कडमेव कडं ति कुपक्ख-तरलिओ सो चिरं कालं विप्पडिवण्णो तइलोक्क-बंधुणो विहियदुक्करतवो वि। विहरित्था वसुहाए, वुग्गाहिंतो जणं मुद्धं किंच
॥६४९४॥ ॥६४९५ ॥ ॥ ६४९६ ॥ ॥ ६४९७॥ ॥६४९८॥ ॥ ६४९९॥ ॥६५००॥ ॥ ६५०१॥ ।। ६५०२॥ । ६५०३॥ ॥ ६५०४॥ । ६५०५॥ ॥ ६५०६॥ ॥६५०७॥ ॥६५०८॥
॥६५०९॥ ॥ ६५१०॥ ॥ ६५११॥ ॥६५१२॥ ॥६५१३॥ ॥६५१४॥ ॥ ६५१५॥ ॥६५१६॥ ॥६५१७॥ ॥ ६५१८॥
૧૮૪
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |