Page Text
________________
सयलाऽसमंजसकरो, रागो च्चिय अस्थि जइ जियाणेक्को । ता पज्जत्तं संसार-हेउजालेण अवरेण
॥ ६०८६ ॥ रागाऽऽईहि य वत्थु, इओ तओ साहिऊण य किलेसा । जह जह तमऽणुभवेइ, तह तह परिवड्डइ रागो ॥६०८७॥ जइ बिंदुहि भरिज्जइ, उदही तिप्पेज्ज विधणेहिं सिही। तो रागतिसापरिगय-पुरिसो वि लभेज्ज इह तित्ति ॥६०८८॥ न य पुण केणाऽवि इमं, दिटुं व सुयं व एत्थ लोगम्मि। ता तव्वजए जत्तो, जुत्तो काउंसइ विवेगे
॥६०८९ ॥ जं जं जीवाण जयम्मि, जायए सुहमुयारमऽणुबंधि । तं तं दुज्जयरागाऽरि-विजयविफुरियमक्खंडं
॥६०९०॥ एयस्स पुरो रेहइ, न य दिव्वं माणुसं व वरसोक्खं । लेसेण वि उत्तमरयण-रासिणो कायमणिउ व्व
॥६०९१॥ इह पेज्जपावठाणग-दोसे अरिहण्णयस्स किर भज्जा। नायं तप्पडिवक्खे, तद्दियरो चिय अरिहमित्तो
॥६०९२॥ तहाहिसिरिखिइपइट्ठियपुरे, अरहण्णयअरिहमित्तनामाणो । अवरोप्परदढपणया, निवसंति भाउणो दोण्णि
॥६०९३ ॥ जेट्ठस्स गेहिणीए, तिव्वऽणुरागाए एगसमयम्मि। अब्भत्थिओ कणिट्ठो, पडिसिद्धा तेण सा बहुसो
॥६०९४ ॥ तह वि हु उवसग्गंती, भणिया कि नियसि भाउगं न हु मे । तो तीए भत्तारो, विणासिओ अणत्थसीलाए ॥६०९५॥ पच्छा भणिओ एवं पि, कीस नो इच्छसि त्ति तो तेणं । तत्तो भाइविणासं, विणिच्छिउं गिहविरत्तेण
॥६०९६॥ गहिया जिणपव्वज्जा, साहूहिं समं च विहरिओ बहिया । इयरी अट्टवसट्टा, सुणिगा मरिऊण उप्पण्णा ॥६०९७॥ गामम्मि जत्थ सुणिगा, सा वट्टइ तत्थ चेव विहरंतो । समणगणेण समेओ, समागओ अरिहमित्तो वि ॥६०९८॥ तो पुव्वपेमवसगा, सा सुणिगा तस्स न मुयइ समीवं । उवसग्गो त्ति निसाए, ताहे नट्ठो अरिहमित्तो
॥६०९९ ॥ इयरी वितविओगेण, मरिय अडवीए मक्कडी जाया। सो वि महप्पा कहमऽवि, तमेव अडवि समऽणुपत्तो ॥६१०० ॥ दिट्ठो य मक्कडीए, लग्गा कंठम्मि पुव्वपेमेण । मोयाविओ य हुमऽवि, सेसमुणीहिं पलाणो सो
॥६१०१॥ सा पुण तविरहम्मि, मरिऊणं जक्खिणी समुप्पण्णा । तच्छिड्डाई विमग्गइ, विहरंतं तं च नीरागं
॥६१०२॥ हसिऊण तरुणसमणा, भणंति धण्णोऽसि अरिहमित्त ! तुमं । जंच पिओ सुणियाणं, वयंस ! गिरिमक्कडीणं च ॥६१०३ ।। एवं कयपरिहासो वि, निक्कसाओ स अवरसमयम्मि। जलपवहमऽइक्कमिडं, पसारिउंदीहरं जंघ
॥६१०४ ॥ जा गंतुं आरद्धो, ता गतिभेएण लद्धछिडाए । पुव्वपरुट्ठाए जक्खिणीए से ऊरुओ छिण्णो
॥ ६१०५ ॥ हा दुट्ठ दुटु मा आउ-कायजीवा विराहिया होज्जा। एवं परिभातो, अधिई जा कुणइ सो झत्ति
॥६१०६॥ ता सम्मदिट्ठिगाए उ, देवयाए पराजिणित्ता तं । सपएसो से ऊरू, संघडिय पुणण्णवो विहिओ
॥ ६१०७॥ एवं पेज्जविवक्खे, वर्सेतो सो हु सुगतिमऽणुपत्तो । इयरी य पेज्जनडिया, विडंबणाभायणं जाया
॥६१०८॥ इय भो देवाणुप्पिय ! तुमं पि जिणवयणविमलसलिलेण। निव्वावसु पेज्जऽग्गिं, समीहियऽत्थस्स सिद्धिकए ॥६१०९ ।। दसमं पावट्ठाणग-मेवं संखेवओ पवक्खायं । दोसाऽभिहाणमेत्तो, एक्कारसमं परिकहेमि
॥६११०॥ अच्चंतकोहमाणु-ब्भवो इहं असुहआयपरिणामो। दोसो भण्णइ जम्हा, दूसिज्जइ तेण सपरजणो
॥६१११ ॥ दोसो अणत्थभवणं, दोसो भयकलहदुक्खभंडारो। दोसो कज्जविणासी, दोसो असमंजसाण निही
॥६११२॥ दोसो अनिव्वइकरो, दोसो पियमित्तदोहकारी य। सपरोभयतावकरो, दोसो दोसो गुणविणासो
॥ ६११३॥ दोसेण चेव कलिओ परगुणदोसे विकत्थइ पुरिसो। दोसकलुसियमणो च्चिय, आवहइ ऊणहिययत्तं
॥६११४ ॥ ऊणहिययस्स उ परो, जं जं चे?इ उ अप्पगयमेव । अप्पविसयं खुतं तं, मण्णइ मूढो किलिस्सइ य
॥ ६११५ ॥ धम्मोवएसरूवं, रइठाणं पि हु परेण सीसंतं । महु संभियपायसमिव, दूसइ पित्तऽद्दिओ व जडो
॥ ६११६॥ ता जइ रइठाणं पि हु, अरइपयं होइ जस्स दोसेण । ता दोसस्स न जुत्तो, दाउमऽणज्जस्स अवयासो
॥६११७॥ जे जेत्तिया य पुदि, भणिया दोसा हयाऽऽसदोसस्स । ते तेत्तिय च्चिय गुणा, भवंति सुविसुद्धपसमस्स ॥ ६११८॥ दोसदवाऽनलजोगा, दहूं दड़े समंऽबुवरिसेण । चित्तसमाहाणवणं, नियमेण पुणण्णवीहोइ
॥६११९॥ इह दोसपावठाणा, चरणमऽसुद्धं अकासि धम्मरुई । पच्छाऽऽगयसंवेगो, सोच्चिय सुद्धं तयमऽकासि ॥६१२०॥ तथाहि१.विधणेहि = वा इंधणेहि, २. संभिव - समभृत - मिश्रित,
१७३
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |