Page Text
________________
गंगामहानईए, नंदो नावाऽहिवो बहुं लोग । मोल्लेणं उत्तारइ, एगम्मि य अवसरे साहू
॥६१२१॥ बहुलद्धिसंपउत्तो, धम्मरुई नाम गंगमुत्तिण्णो । नावाए मोल्लकए, धरिओ नंदेण नइपुलिणे
॥ ६१२२॥ फिडिया भिक्खावेला, रविकरसंतत्तवेलुयाए दढं। गिम्हेण य अभिभूओ, तह वि हु तेणं अमुच्चंतो ॥६१२३॥ रुट्ठो दिट्ठियासेणं, भासरासिं तयं करित्ता सो। अण्णत्थ गओ इयरो, सभाए घरकोइलो जाओ
॥६१२४ ॥ साहू वि विहरमाणो, भत्तं पाणं गहाय गामाओ। भोयणकरणनिमित्तं, तं चेव सभं अणुपविट्ठो
॥६१२५॥ दट्टण तं च दढपुव्व-वेरओ जायतिव्वकोवो सो। भोत्तुं आरद्धस्स उ, मुणिणो उवरि ठिओ संतो
॥६१२६ ॥ पाडिउमाऽऽरद्धो कयवरं ति, तो उज्झिऊण तं ठाणं । साहू अण्णत्थ ठिओ, तत्थ वि सो खिविउमाऽऽढत्तो ॥६१२७॥ अण्णत्थ वि एवं चिय, कयवरकरणम्मि जायकोवेण । को एस नंदकप्पो त्ति, जंपिओ धम्मरुइणा वि ॥६१२८॥ निद्दड्रो सो ताहे. उप्पण्णो मयंगगंगतीरम्मि। हंसो मुणी वि तत्तो, विहरियगामाऽणुगामेण
॥६१२९॥ तेणेव पएसेणं, वच्चंतो कहवि दिव्वजोएणं । दिट्ठो तेणं कुविएण, तयऽणु जलभरियपक्खाहिं
॥६१३०॥ सिंचिउमाऽऽरद्धो अह, पयंडकोवेण साहुणा दड्डो । मरिऊणं उववण्णो सीहो अंजणगिरिंदम्मि
॥६१३१॥ साहू वि सत्थसहिओ, तेण पएसेण कहऽवि वच्चंतो। दिवो सीहेण तओ, उज्झियसत्थो मुणि हंतुं
॥ ६१३२॥ सो इंतो निद्दड्डो, मुणिणा वाणारसीए णयरीए । ताहे बडुगो जाओ, साहू वि य कहऽवि तुडिजोगा
॥६१३३॥ तं चेव पुरि पत्तो, तो से भिक्खऽट्ठया पविट्ठस्स। बडुगेणं आरद्धा, धूलिक्खेवाऽऽइउवसग्गा
॥ ६१३४॥ तत्थ वि पुव्वठिईए, दड्डो जाओ य तीए नयरीए । राया मुणी वि सुचिरं, विहरिउमऽण्णत्थ आरद्धो
॥६१३५ ॥ इयरो पुण रज्जसिरिं, अणुभुंजंतो सरित्तु नियजाई । भयभीओ संचिंतइ, जइ सो मारेइ एत्ताहे
॥६१३६॥ ता होइ महाऽणत्थो, यलिज्जामि य विसिट्ठसोक्खाओ । जाणामि जइ तमऽहं, कहं पि ता लहु खमावेमि ॥६१३७॥ तो तण्णाणनिमित्तं, तेण नरेंदेण पुव्वभववित्तं । रइउं सङ्कसिलोगेण, गेहबाहिम्मि उब्भवियं
॥६१३८॥ जहा"गंगाए नाविओ नंदो, सभाए घरकोइलो । हंसो मयंगतीराए, सीहो अंजणपव्वए
॥६१३९ ॥ वाणारसीए बडुओ, राया तत्थेव आगओ त्ति" जो किर एवं पूरइ, राया रज्जस्स देइ से अद्धं । आघोसियं च एवं, पुरीए तो सव्वपुरिलोगो
॥६१४०॥ निअमइविहवऽणुरूवेण, विरइऊणुत्तरद्धमऽणुसरइ । रायाणं नवरं नेव, तेण से पच्चओ होइ
॥६१४१॥ अह धम्मरुई सुचिरं, हिंडिय अण्णत्थ आगओ तत्थ । वुत्थो आरामम्मि, सुओ य आरामिओ तम्मि ॥ ६१४२॥ पुणरुत्तमुच्चरंतो, "गंगाए नाविगाऽऽइयपयाई" । भणिओ कीस इमाई, पुणो पुणो वाहरसि भद्द !
॥६१४३॥ कहिओ सव्वो वि हु तेण वइयरो जाणिऊण परमऽत्थं । ताहे मुणिणा तस्संऽति-मऽद्धमाऽऽपूरियं एवं ॥६१४४॥ "एएसिं घायगो जो उ, सो एत्थेव समागतो त्ति' । अह पडिपुण्णसमस्सं, घेत्तूणाऽऽरामिओ गओ रण्णो । पासम्मि तयऽणु सिटुं, तओ नरेंदो भयवसट्टो ॥६१४५॥ मुच्छानिमीलियऽच्छो, झडत्ति वियलत्तणं समऽणुपत्तो । पहुणो अणि?कारि त्ति, जायकोवेण लोगेण ॥ ६१४६ ॥ सो भणइ हम्ममाणो, कव्वं काउं अहं न याणामि । लोयस्स कलिकरंडो, एसो समणेण मह कहिओ ॥६१४७॥ खणलद्धचेयणेणं, पडिसिद्धो राइणा स हम्मंतो। पुट्ठो य केण रइयं ति, तेण सिटुं च मुणिण त्ति
॥ ६१४८॥ ताहे पहाणपुरिसे, पेसिय पुच्छाविओ नरिंदेण । साहू जइ अणुजाणह, ता वंदिउमऽहमुवेमि त्ति
॥६१४९॥ पडिवण्णम्मि मुणिणा, समागओ सावगो य संवुत्तो । धम्मरुई वि महप्पा, सरिऊणं पुव्वदुच्चरियं
॥६१५०॥ आलोइयपडिकंतो, दूरं निम्महिअसव्वकम्मंऽसो। उम्मूलियदोसतरू, सिवमऽयलमऽणुत्तरं पत्तो
॥६१५१॥ एयं नाउंतप्पसम-वारिवरिसेण पडिहयप्पसरं। पसरंतदोसदावाऽ-नलं तुमं कुणसु सप्पुरिस!
॥६१५२॥ एवं कए य सुंदर!, तुमं पि तिव्वयरजायसंवेगो। अंगीकयकज्जसमुद्द-पारगामी लहुं होसु
॥६१५३॥ एक्कारसमं एवं, निदंसियं पावठाणगं एत्तो। कलहाऽभिहाणपाव-ट्ठाणगमऽक्खेमि बारसगं
॥६१५४॥ कोहाऽहिट्ठियजणवयण-जुज्झसरूवो भणिज्जए कलहो । सो य तणुमाणसुब्भव-असंखसोक्खाण पडिवक्खो ॥६१५५ ॥
१७४
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |