Page Text
________________
किञ्च
गुरुकोवजलणजाला - कलावसविसेसकवलियविवेगो । न वियाणइ अप्पाणं, परं च परमत्थओ पुरिसो उप्पज्जमाणओ च्चिय, कोहो पुरिसं डहेइ ता पढमं । जत्थुप्पण्णो तं चेव, इंधणं धूमकेउव्व नियकत्तारं कोवो, डहइ अवस्सं परे अणेगंतो । नियपयडहणे सिहिणो वि, अहव नियमो न अण्णत्थ अस्स, पेसिओ खीणसत्तिसंजोगो । जो निययमाऽऽसयं नि-द्दहेइ कोवो महापावो जस्स किर कोवकलिणा, कलुसीकयमाणसस्स जंति दिणा । इह परलोगे वि नरस्स, तस्स कह सोक्खसंपत्ती अवयारी किर वेरीवि, होइ एक्कम्मि चेव जम्मम्मि । कोहो पुण होइ दढं, दोसु वि जम्मेसु अवयारी जं कज्जमुवसमपरो, साहइ न हु तं कया वि कोवपरो । जं कज्जकरणदक्खा, बुद्धी कुद्धस्स सा कत्तो अण्णं च
सो
कोहो उव्वेवणओ, पियबंधुविणासओ महापावो । कोहो संतावयरो, सोग्गइपहबंधणो कोहो बुहयणसहस्सपरिनिंदियस्स, पयईए पावसीलस्स । कोहस्स न जंति वसं, विवेइणो तेण कइया वि कोहा हण पाणे, कोहाओ भासइ मुसावायं । कोहा अदत्तगहणं, कोहाओ बंभवयभंगो कोहाउ महाऽऽरंभो, परिग्गहो वि हु पयट्टए कोहा । किं बहुणा सव्वाणि वि, पावाणाणि ता तिक्खखंतिखग्गेण, खंडिउं दक्खयाए निरवेक्खो । कोहमहापडिमल्लं, पडिवज्जसु पसमजयलच्छिं कोहो दुक्खणिमित्तं, तप्पसमो पुण सुहेक्कहेउ त्ति । उभए वि हु अप्पवसे, तप्पसमो च्चिय वरं जुत्तो को मसावि कओ, नरगाय भवे सिवाय तदुवसमो। उभयत्थ वि रायरिसी, पसण्णचंदो इहं नायं तहाहि
उग्गविसविसहराऽऽउल-घरं व पोयणपुराऽहिवो रज्जं । मोत्तुं वीरजिणंऽते, पसण्णचंदो विणिक्खंतो विहरंतो जयगुरुणा, समं च रायग्गिहम्मि संपत्तो । ओलंबियभुयपरिहो, उस्सग्गेण य ठिओ सम्म जिणवंदणऽट्ठपट्ठिय-सेणियनिव अग्गसेण्णगामीहिं । दिट्ठो दुम्मुहसुमुहाऽ-भिहाणपुरिसेहिं दोहिं तओ सुमुहेण जंपियं जयइ, एसो सहलं च जीवियमिमस्स । जो रज्जं तह वज्जिय, पव्वज्जं इय पवण्णोति तो म्हेण भणियं भद्द ! अलं संकहाए एयस्स । जो असमत्थं पुत्तं, रज्जे ठविउं सयं कीबो पासंडं पडिवण्णो, वेरिभया एवमेत्थ संवसइ । रज्जं सुओ पया वि य, तह पीडिज्जंति सत्तूर्हि एवं सोचा तक्खण-विस्सुमरियधम्मझाणपडिबंधो। साहू पसण्णचंदो, कुवियो चितेउमाऽऽढत्तो को मइ जीवंतम्मि वि, मज्झ सुयं रज्जमऽवि य विद्दवइ । मण्णे सीमालमही-वईण दुव्विलसियं एयं ता ते विद्धंसित्ता, करेमि सुत्थं ति पुव्वनाएण। उस्सग्गठियो वि रणेण, तेहि सद्धि समाssवडिओ धम्मज्झाणठियं पिव, अह तं दट्ठण सेणिओ राया । अहह ! महप्पा कह वट्टइ त्ति, विम्हयरसाऽऽउलिओ भत्तिभरमुव्वहन्तो, सव्वाऽऽयरविहियतप्पयपणामो । चितइ एरिससुहझाण-संगओ जइ जियं चयइ एसो महाणुभावो, उप्पज्जइ ता कहिं ति जिणनाहं । पुच्छिस्सं ति विभाविय, जयगुरुपासं समल्लीणो पुट्ठो य जएक्कपहू, पसण्णचंदो तहाविहे भावे । वट्टंतो मरिऊणं, उप्पज्जइ कत्थ मे कहसु
पहुणा सत्-नए उप्पज्जइ त्ति तो राया । नूणं मए न सम्मं, सुयं ति चिंताऽऽउरो जाओ एत्थंतरम्मि मणसा, जुज्झतेणं पसण्णचंदेणं । निट्ठियपहरणनिवहेण, सीसताणेण वि रिउस्स घायं काउमणेणं, सीसे हत्थो निवेसिओ सहसा । लुंचियचिहुरचयम्मि य, तम्मि छिक्कम्मि उवत्तो सोहं ति विसायं कुणमाणो किं पि तं सुहं झाणं । पडिवण्णो स महप्पा, जेण लहुं केवली जाओ केवलमहिमा कया, संनिहियसुरेहिं दुंदुही पहया । पुटुं च सेणिएणं, किं तूररवो इमो भयवं ! भणियं जक्कपहुणा, केवलिमहिमं पसण्णचंदस्स । देवा कुणंति एए, विम्हइओ सेणिओ ताहे पुव्वाऽवरवयणाणं, विरोहमुब्भाविऊण पुच्छेइ । को नाह! इहं हेऊ, कहियं च जहट्ठियं पहुणा इय मुणिय खवग ! तं कोह-विगमसंपत्तपसमरससिद्धी । सुपसण्णमाणसो तं, विसुद्धमाऽऽराहणं लहसु
૧૬૮
॥ ५९१० ॥
॥ ५९११ ॥
॥ ५९१२ ॥
।। ५९१३ ॥ ।। ५९१४ ।।
॥ ५९१५ ॥
॥ ५९१६ ॥
॥ ५९१७ ॥ ।। ५९१८ ।। ॥ ५९१९ ॥
।। ५९२० ।।
॥ ५९२१ ॥ ।। ५९२२ ॥
॥ ५९२३ ॥
।। ५९२४ ॥ ।। ५९२५ ।। ।। ५९२६ ॥
॥ ५९२७ ॥
।। ५९२८ ।।
।। ५९२९ ॥
।। ५९३० ।।
॥ ५९३१ ॥ ।। ५९३२ ॥
॥ ५९३३ ॥ ।। ५९३४ ॥
।। ५९३५ ।। ।। ५९३६ ॥ ।। ५९३७ ॥ ॥। ५९३८ ॥
।। ५९३९ ॥
॥ ५९४० ॥
॥ ५९४१ ॥
॥ ५९४२ ॥
॥ ५९४३ ॥ ।। ५९४४ ।।
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |