Page Text
________________
1
पंसयइ अवगुंडइ, जीवं जं तेण भण्णइ पावं । ठाणाणि पयाणि भवंति, तस्स अट्ठारस इमाणि पाणिवहाऽलियमद्दत्त - गहण मेहुण परिग्गहो कोहो । माणो माया लोभो, पेज्जं दोसो तहा कलहो अब्भक्खाणं अरईरई य, पेसुण्ण परपरीवाओ। मायामोसं मिच्छा - दंसणसल्लं ति पढममिह पाणा उसासाऽऽई, संति इमेसि ति पाणिणो जीवा । तेसिं वहो विद्धंसो, पाणिवहो सो य नरयपहो धम्मज्झाणसरोरुह-संडाणमऽकंडचंडहिमवुट्ठी । निस्सूगयाऽगणीए, महल्लचुल्लीपरिक्खेवो तह रोद्दऽट्टज्झाणतणंऽकु-रेक्कपारोहपाउसाऽऽरंभो । जलकुल्ला य महल्ला, अकित्तिवल्लीवियाणस्स परचक्काऽऽगमसवणं, पसण्णजणवयणमणजणवयाणं । तह असहणयाअविरई - रइपीईणं कुसुमबाणो पज्जलियदीवपत्तं, महंतपाणिपयंगवग्गस्स । तलमुदहिणो अगाहं, अच्चुक्कडपावपंकस्स अच्वं तदुग्गदुग्गइ-सेलगुहाए महं मुहपवेसं । भवदहणतवियबहुदेहि-लोहघणघाय अहिगरणी खंताऽऽइगुणकणुक्कर- पीसणकरघणघरट्टजंतं व । तह नरयभूमिहरयस्स, पउणअवयरणनिस्सेणी वहबंधरोहधणहरण-जायणामारणाणि इह चेव । पाणिवहम्मि पसत्तो, सत्तो पावेइ पुणरुत्तं दिक्खादेवऽच्चणदाण - झाणतवविणयपमुहकिरियाओ। जीवदयाए विहीणा, सव्वाउ निरत्थिया होंति जइ नाम परमधम्मो, गोबंभणमहिलवहनिवित्तीए । तत्तो वि कहं न परमो, सो सव्वजियाण रक्खा सव्वे चिय संबंधा, पत्ता जीवेण सव्वजीवेहिं । तो मारेंतो जीवे, मारइ संबंधिणो सव्वे
मारेइ एगमऽवि जो, जीवं सो बहूसु जम्मकोडीसु । बहुसो मारिज्जतो, मरइ विहाणेहिं बहु हिं जावइयाइं दुक्खाई, होंति चउगइगयस्स जीवस्स । सव्वाइं ताइं हिंसा-फलाई निउणं निरूवेसु जीववहो अप्पवहो, जीवदया अप्पणो दया होइ। इय सव्वजीवहिंसा, परिचत्ता अत्तकामेहिं नच्चा मच्चुदुहत्ते, नाणाजोणीसमस्सिए जीवे । न हणेज्ज बुहो केवल - मऽप्पोवम्मेण पासेज्जा विद्धस्स कंटगेण वि, जायइ जीवस्स वेयणा तिव्वा । किं पुण पहम्ममाणस्स, सेल्लकुंताऽऽइसि दट्टुमुवट्ठियहत्थत्थसत्थ-वहगे विसायभयविहुरो । कंपइ जीवो ही ! णत्थि, मच्चुतुल्लं भयं लो 'मरसु' इमम्मि वि भणिए, जायइ जीवस्स दारुणं दुक्खं । किं पुण मारिज्जंतस्स, तिक्खसत्थाऽभिघाएहिं जो जत्थेव य जायइ, जीवो सो तत्थ चेव कुणइ रई । दयमेव तेण संतो, निच्वं कुव्वंति जीवेसुं अभयप्पयाणसरिसं, अण्णं दाणं न विज्जइ जए वि । ता तद्दाया जो किर, सच्चं सो चेव दाणवई दिज्जइ धणकोडी जीवियं च, इह जंतुणो मरंतस्स । न य धणकोर्डि गेण्हइ, इच्छंतो जीवियं जीवो या विदेज्ज वसुहं, मरणे समुवट्ठिए इय महग्घं । जो देइ जीवियं अखय- दाणदाई सजिलोए सो धम्मओ विणीओ, सुविऊ दक्खो सुई विवेगी य। जीवेसु सुहदुहं जो, अप्पोवम्मेण परिमिणइ दट्टु समुवट्ठियमरण-मप्पणो जायए महादुक्खं । दट्ठव्वा सव्वे वि हु, जीवा तेणाऽणुमाणेणं
॥ ५६०० ॥ ॥ ५६०१ ॥
॥ ५६०२ ॥
।। ५६०३ ॥
॥ ५६०४ ॥
जँ अप्पणो अणिट्टं, परेसिमऽवि तं न सव्वहा कुज्जा । जारिसयं इह किज्जइ, पेच्चा वि फलं पि तारिसयं ॥ ५६०५ ॥
॥ ५६०६ ॥
पाणेर्हितो वि पियं, न किंचि जीवाण विज्जइ जए वि । ता अप्पोवम्मेणं, तेसु दया चैव कायव्वा जो जह करेइ पावं, जेर्हि निमित्तेर्हि जेण विहिणा य । सो तप्फलं पि पावइ, बहुसो तेहि चिय कमेि जइ दाया छेत्ता वा, एत्थ फलं लहइ तव्विहं चेव । सुहदुहदाई वि तहा, पुण्णं पावं च पाउणइ दुट्ठमणवयणकायाऽऽउहेहिं, जीवे उ जे विहिंसंति । दसगुणियाऽऽइअनंतं, तेहिं चिय ते विहम्मंति भीमभवक्खयदक्खं, दयं न बुज्झंति जे उ हिंसिल्ला । निवडइ तेसु सगज्जा, अवज्जवज्जाऽसणी घोरा ता भो ! भणामि सच्चं, विवज्जियव्वेव सव्वहा हिंसा । हिंसा विवज्जिया जइ, कुगती वि विवज्जिया चेव।। ५६११ ॥ पाणाऽइवायसंजणिय-पावपब्भारभारिया संता । जीवा पडंति नरए, जले जहा लोहमयपिंडो
॥ ५६०७ ॥ ।। ५६०८ ।। ।। ५६०९ ॥
॥ ५६१० ॥
।। ५६१२ ॥
॥ ५६१३ ॥ ॥ ५६१४ ॥
जे पुण इह जीवेसुं, कुणंति सम्मं विसुद्धजीवदयं । ते सग्गे मंगलगीय-तूररवसवणसुहएसु अच्छरगणाऽऽउलेसु य, रयणपयासेसु वरविमाणेसु । जहचितियसंपज्जंत-सयलविसया सुरा होंति
१. दाणवई - दानव्रती,
૧૫૯
।। ५५७८ ।। ।। ५५७९ ।।
।। ५५८० ।। ।। ५५८१ ।। ।। ५५८२ ।।
।। ५५८३ ।। ।। ५५८४ ।।
।। ५५८५ ॥
॥ ५५८६ ॥
।। ५५८७ ।।
।। ५५८८ ।। ।। ५५८९ ।। ।। ५५९० ॥
।। ५५९१ ॥
।। ५५९२ ।। ।। ५५९३ ॥
।। ५५९४ ॥
।। ५५९५ ।। ।। ५५९६ ॥
।। ५५९७ ।।
• १५५९८ ।। ।। ५५९९ ।।
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |