Page Text
________________
ला
आराहणपच्चइयं, खवगस्स य निरुवसग्गपच्चइयं । काउस्सग्गमऽणुविग्ग-माणसो कुणइ तो संघो पच्चक्खावेइ तओ, सूरी खवगं चउव्विहाऽऽहारं । संघसमवायमज्झे, चिइवंदणपुव्वयं विहिणा अहवा समाहिहेउं, साऽऽगारं चयइ तिविहमाऽऽहारं । तो पाणगं पि पच्छा, वोसिरियव्वं सयाकालं जं पाणगपरिकम्मम्मि, छव्विहं पाणगं समक्खायं । तं से ताहे कप्पइ, तिविहाऽऽहारस्स वोसिरणे आरुहियचरित्तभरेण, गुरुसयासे अणूसुगेण सया। दव्वे खेत्ते काले, भावम्मि य अपडिबद्धेण पच्चक्खाणम्मि कए, आसवदाराई होंति पिहियाइं । आसववोच्छेयम्मि उ, तण्हावोच्छेयणं होइ तण्हावोच्छेयम्मि, जीवस्स उ पावपसमणं होइ । पावस्स पसमणेण उ, विसुद्धमाऽऽवासयं लहइ आवासयसोहीए, सणसोहिं तु पावए जीवो। दंसणसोहीए पुणो, चरित्तसोहिं धुवं लहइ लहइ चरित्तविसुद्धो, झाणऽज्झयणस्स सोहणं जीवो। झाणऽज्झयणविसुद्धो, परिणामविसुद्धयं लहइ परिणामविसुद्धीए, कम्मविसुद्धत्तणं लहइ जीवो। कम्मविसोहिविसुद्धो, वच्चइ सिद्धि धुयकिलेसो इय दुग्गइपुरपरिहोवमाए, संवेगरंगसालाए। संविग्गमणोमहुयर-कुसुमियवणराइतुल्लाए आराहणाए पडिदार-नवगमइए ममत्तवुच्छेए । तइए दारे पच्च-क्खाणं सत्तमपडिदारं कयपच्चक्खाणस्स वि, न सोग्गई खामणाए विरहेण । खवगस्स तेण एत्तो, खामणदारं निदंसेमि अह निज्जामगसूरी, खवगं महुरक्खरेहिं वागरइ । हहो देवाणुप्पिय!, पिया व बंधू व मित्तो व्व एसो बहुगुणसंघो, संघो तइलोक्कवंदणिज्जेहिं । तित्थयरेहिं नमिओ, “तित्थस्स नमो" त्ति काऊण तुममऽणुगिहिउमिहई, समागओ वट्टए महाभागो । बहुभवपरंपरुब्भव-दुक्कियतमकंडमायंडो ता भत्तिनिब्भरमणो, एयं भयवंतमाऽऽयरेण तुमं । खामेसु पुव्वकालिय-आसायणनिवहचाएण। अह सो भत्तिभरोणय-सीसोवरि विरइयंऽजली सम्मं । इच्छामो अणुसर्द्वि, लट्ठ अणुसासिओ हं ति गुरुगिरमुव हेंतो, तिकरणसुद्धीए कयपणामो य । खामेइ सव्वसंघ, संवेगं संजणेमाणो । हे भंते ! भट्टारग!, गुणरयणसमुद्द ! सिरिसमणसंघ!। जं किंचि पडुच्च तुमं, पावं पावाऽणुबंधि मए सुहुमं व बायरं वा, एत्थ भवम्मि भवंतरे वा वि । मणसा विचितियं भासियं च वयसा कयं तणुणा अहवा मणवइकाएहिं, जं कयं कारियं अणुमयं वा । तं सव्वं तिविहेणं, संपइ सव्वं खमावेमि तुज्झ नमो तुज्झ नमो, भावेण पुणो वि तुज्झ चेव नमो। पायवडिओ च्चिय तुमं, भुज्जो भुज्जो खमावेमि खमउ य भयवं संघो वि, मज्झ दीणस्स काउमऽणुकंपं । होउ य आसीसपरो, निव्विग्घाऽऽराहणाए कए तुह खामणाए तं नत्थि, एत्थ भुवणे वि खामियं जं नो । जणणिजणगोवमाणो, तुम खु जं जीवलोयस्स आयरियउवज्झाए, सीसे साहम्मिए कुलगणे य । जे मे केई कसाया, सव्वे तिविहेण खामेमि मणवइकाएहिं पुरा, कए य तह कारिए अणुमए य । सव्वे तव्विसए वि हु, अहमऽवराहे खमावेमि समसत्तुमित्तचित्ता, जियाण करुणारसेक्कजलनिहिणो । भगवंतो ते वि महं, खमंतु अणुकंपणीयस्स इय खामंतो संघ, सबालवडू खमावए तत्तो । सम्मं संविग्गमणो. पव्वविरुद्ध विसेसेण जहाजं किंपि पमाएणं, न सुट्ठ भे वट्टियं मए पुब्विं । निस्सल्लनिक्कसाओ, सव्वं खामेमि तमियाणि इय समओयहिअमओ-वमाए संवेगरंगसालाए। संविग्गमणोमहुयर-कुसुमियवणराइतुल्लाए आराहणाए पडिदार-नवगमइए ममत्तवोच्छेए । तइए दारे खामण-पडिदारं भणिअमऽट्ठमयं नो खामणिज्जवग्गम्मि, खामिए वि हु सयं अखमणाए । वंछियसिद्धी होइ त्ति, खवणदारं इओ वोच्छं सब्भावगब्भमिच्छा-दुक्कडदाणाऽऽइणा कसायजओ। जो एत्थं परमत्थेण, सा परं भण्णइ खमणा एईए च्चिय जम्हा, तिव्वऽणुभागाण दीहठिइयाण । कम्माण निबिडबद्धाण, होज्ज विगमो पुरकयाणं एवं सोच्चा सम्मं, निज्जामगसूरिणो सयासाउ। संवेगमुव्वहंतो, पुणरवि खवगो भणेज्ज इमं सव्वे अवराहपए, खामेमि अहं खमेउ मह भयवं । अहमऽवि खमामि सुद्धो, गुणसंघायस्स संघस्स
॥ ५४६७॥ ॥ ५४६८॥ ॥ ५४६९॥ ॥ ५४७०॥ ॥५४७१॥ ॥५४७२॥ ॥ ५४७३ ॥ ।। ५४७४॥ ॥५४७५॥ ॥ ५४७६ ॥ ॥ ५४७७॥ ॥५४७८॥ ॥५४७९॥ ॥५४८०॥ ॥ ५४८१ ॥ ॥ ५४८२॥ ॥ ५४८३॥ ॥५४८४॥ ॥ ५४८५॥ ।। ५४८६॥ ॥ ५४८७॥ ॥ ५४८८॥ ॥५४८९॥ ॥५४९०॥
॥ ५४९२॥ ॥५४९३॥ ॥ ५४९४॥ ॥५४९५॥
॥५४९६॥ ॥५४९७॥ ॥ ५४९८॥ ॥५४९९ ॥ ॥५५००॥ ॥५५०१॥ ॥ ५५०२॥ ॥ ५५०३॥
૧૫૬
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |