Page Text
________________
सावज्जजोगविरओ, संजमसारो तिगुत्तिगुत्तो य । समियऽप्पा भावजई, आय च्चिय होइ संथारो निम्ममनिरहंकारो, समतणमणिलेट्ठकंचणो धणियं । मुणियपरमऽत्थसारो, आय च्चिय होइ संथा जस्स परे सय वा, मित्ते सत्तुम्मि अप्पपरविसए । परमसमया हु सो च्चिय, आया संथारओ नेओ जस्स पियविप्पियपरे, परे समुक्करिसमऽहव अवकरिसं । न मणो मणयं पि हु भयइ, तस्स आया हु संथारो दव्वे खेत्ते काले, भावे पडिबंधवज्जणुज्जुत्तो । सत्तेसु मेत्तिसारो, आय च्चिय होइ संथारो सम्मत्तनाणचारित्त - लक्खणा मोक्खसाहगगुणा जे । एत्थं खु संथरिज्जंति, तेण आया हु संथारो अनिरुद्धाऽऽसवदारो, अप्पाणं न य धरेइ सारम्मि। आरुहइ य संथारं, अविसुद्धो तस्स संथारो जो गारवेहिं मत्तो, नेच्छ आलोयणं गुरुसगासे । आरुहइ य संथारं, अविसुद्धो तस्स संथारो जो पुण पत्तभूओ, करे आलोयणं गुरुसगासे । आरुहइ य संथारं, सुविसुद्धो तस्स संथारो सव्वविगहाविमुक्को, सत्तभयद्वाणविरहिओ धीमं । आरुहइ य संथारं, सुविसुद्धो तस्स संथारो नवबंभचेरगुत्तो, जुत्तो जो दसविहे समणधम्मे। आरुहइ य संथारं, सुविसुद्धो तस्स संथारो अट्ठमयट्ठाणविसंठुलस्स, निद्धंधसस्स लुद्धस्स । उवसमविउत्तचित्तस्स, काहिइ किमिह संथारो रागी दोसी मोही, कोही माणी य मायवं लोभी। जो सो संथारत्थो वि, नेय संथारफलभागी अनिरुद्ध जोगपसरो, सव्वंऽगं जो असंवुडऽप्पा य । परमत्थसाररहिओ, कह सो संथारफलभागी जता गुणरहिओ विहु, संथारत्थो समीहए मोक्खं । तो पहियदमगसेवग जणाण पढमं हवउ मोक्खो बज्झं तरगुणहीणों, बज्झं तरदोसदूसियऽप्पा य । संथारत्थो न वि थेव - मऽवि फलं लहइ स वराओ बज्झं तरगुणकलिओ, बज्झं तरदोसदूरवत्ती य । संथारगऽणुवविट्ठो वि, इट्ठफलभायणं हो गारवतिगेण रहिओ, तिदंडपरिमोडणे पहियकित्ती । जो य निराऽऽसंसमणो, सफलो खलु तस्स संथारो छक्कायरक्खणऽट्ठा, निविट्ठचेट्ठो पणट्ठअट्ठमओ । विसयसुहनिप्पिवासो, जो सो संथारफलभागी समणो समाहियमणो, संजमतवनियमजोगजुत्तमणो । सपरकसायपसमणो, जो सो संथारफलभागी सुविहियगुणवित्थारं, संथारं जे लहंति सप्पुरिसा । तेहिं जियलोगसारं, रयणाऽऽहरणं कयं होइ सव्वंसहत्तसण्णाह-विहियसव्वंऽगरक्खणो खिप्पं । सम्मण्णाणाऽऽइगुणो, मोहमहापहरणवमालो अइयारमलविवज्जिय-पंचमहव्वयगइंदमाऽऽरूढो । पत्थुयसंथाररणंऽ-गणाऽऽवलीविलसमाणे य उवसग्गपरीसहसुहड- उब्भडं पबलकम्मरिउसेण्णं । निज्जिणिऊणं गेण्हइ, वीरो आराहणपडागं सम्मत्तभूमिगाए, विसुद्धसद्धम्मगुणतणेसुं च । पसमफलगे व सुविसुज्झ-माणलेसासिलाए वा संथा अप्पाणं, काउं संलेहणं परं आया। जम्हा तिगुत्तिगुत्तो, ता सो च्चिय होइ संथारो किंच
न वि कारणं तणमओ, संथारो न वि य फासुया भूमी । अप्पा खलु संथारो, भवति विसुद्धं मरंतस्स अग्गिम्मि वि उदगम्मि वि, पाणेसु य तह य बीयहरिएसु । तस्स भवे संथारो, तिविहेण वि जो असंभंतो अग्गिदगपाणाऽऽइसु, जहाकमेणं भवंति आहरणा। गयसकुमालऽण्णियसुय- चिलाइपुत्ताऽऽइणो धीरा तहाहि
बारवईए नयरीए, अहेसि कण्हो ति पच्छिमो विण्हू । जायवकुलेक्ककेऊ, भरहऽद्धवसुंधरानाहो गयसुकुमालो नामेण तस्स, आसी कणीयसो भाया। सो य अणिच्छंतो वि हु, जणणिजणद्दणपमोक्खेहिं यहिं सोमसम्माऽभिहाणविप्पस्स संतियं धूयं । परिणाविओ वि सोडं, धम्मं जिणनेमिपासम्मि नवजोव्वणो वि कामोवमो वि, खणनस्सरं जयं नाउं । पव्वज्जं पडिवण्णो, चरिमसरीरो महासत्तो विहरइ पुराऽऽगऽऽइसु, जिणेण सद्धि पणट्टभयमोहो । चिरकालाओ पुणरवि, नयरिं बारवइमऽणुपत्तो रेवयगिरिम्मि य जिणो, समोसढो तियसविरइओसरणो । गयसुकुमालमुणी पुण, पडिमाए ठिओ मसाणम्मि अह कहवि तं पएसं, पत्तेणं तेण सोमसम्मेण । सो एस मज्झ धूया, परिणित्ता उज्झिया जेणं
૧૫૧
।। ५२८५ ।। ॥ ५२८६ ॥
।। ५२८७ ।। ।। ५२८८ ।। ।। ५२८९ ।।
।। ५२९० ॥
॥ ५२९१ ॥
॥ ५२९२ ॥
।। ५२९३ ॥
।। ५२९४ ।।
।। ५२९५ ।।
॥ ५२९६ ॥ ।। ५२९७ ।।
।। ५२९८ ।। ।। ५२९९ ।।
॥ ५३०० ॥
॥ ५३०१ ॥ ॥ ५३०२ ॥ ॥ ५३०३ ॥ ॥ ५३०४ ॥
।। ५३०५ ।।
॥ ५३०६ ॥ ॥ ५३०७ ॥
॥ ५३०८ ॥
॥ ५३०९ ॥
॥ ५३१० ॥
॥ ५३११ ॥
।। ५३१२ ॥
॥ ५३१३ ॥
॥ ५३१४ ॥
।। ५३१५ ।।
॥ ५३१६ ॥
॥ ५३१७ ॥
।। ५३१८ ।।
॥ ५३१९ ॥ ॥ ५३२० ॥
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |