Page Text
________________
एमाऽऽइ जंपमाणो, अविभावियनिययदेव्वपरिणामो । राया बंधुमईए, विण्णत्तो मंजुलगिराए
॥५१३५ ॥ देव ! पसीयसु संपइ, मुंचसु कोवं न एस पत्थावो । समओचियं हि सव्वं, कीरंतं बहुगुणं होइ
॥ ५१३६॥ तुममऽसहाओ पब्भट्ठ-लट्ठरज्जो विरत्तपयई य । कह नाह ! इण्हि सत्तूण, विप्पियं काउमुच्छहसि
॥ ५१३७ ॥ ता ऊसुगत्तमुज्झसु, वच्चामो तामलित्तिनयरीए। पेच्छामो दढपणयं, तत्थ य नरसंदरनरेंदं
॥ ५१३८॥ पडिवण्णमिमं रण्णा, कमेण गंतुंच संपयट्टाई। पत्ताणि य सामंते, नयरीए तामलित्तीए
॥ ५१३९ ॥ अह देवीए भणियं, नरवर ! तुममेत्थ ठाहि उज्जाणे। अहमऽवि कहेमि गंतूण, भाउणो तुज्झ आगमणं ॥ ५१४०॥ जेणं सो हरिकरिजोह-संदणुद्दामनिययरिद्धीए । आगंतूणाऽभिमुहो, तुमं पवेसेइ नयरीए
॥ ५१४१ ॥ एवं होउ त्ति निवेण, जंपिए सा गया नरेंदहरं। सीहासणे निसण्णो, दिवो नरसुंदरो य तहिं
॥ ५१४२ ॥ अवितक्कियमाऽऽगमणं, दटुं तेणाऽवि विम्हियमणेणं। उचियपडिवत्तिपुव्वं, पुट्ठा सव्वं पिवुत्तंतं
॥ ५१४३॥ सिट्ठो य तीए ता जाव, अमुगट्ठाणम्मि चिट्ठइ निवो त्ति । तो सो सव्विड्ढीए, तदऽभिमुहं पट्ठिओ झत्ति ।। ५१४४॥ सो पुण अवंतिनाहो, तव्वेलं दढछुहाए संतत्तो । वालुंकिकच्छयम्मि, चिब्भिडिगाभक्खणनिमित्तं
॥ ५१४५ ॥ चोरो व्व अवदारेण, पविसमाणो उ कच्छगनरेण । मम्मपएसे पहओ, जट्ठीए निरऽणुकंपेण
॥ ५१४६॥ अह घोरघायवसनट्ठ-चेयणो वत्तिणी विईणंऽतो। कट्ठघडिओ व्व पडिओ, निच्चेट्ठो धरणिवट्टम्मि
॥ ५१४७॥ एत्थंऽतरम्मि नरसुंदरो निवो विजयरहवराऽऽरूढो । तस्साऽवलोयणऽत्थं, पत्तो तम्मि पएसम्मि
॥ ५१४८॥ नवरं तरलतुरंगम-खुरप्पहारुक्खएहि रेणूहि । तिमिरभरक्कंतं पिव, तव्वेलं नहयलं जायं
॥५१४९॥ अवलोयणविरहेण य, निवरहतिक्खऽग्गचक्कधाराए। तह निवडियस्स कंठो, दुहाकओ अवंतिनाहस्स ॥ ५१५०॥ अह पुव्वुवदिढे ठाणगम्मि, भइणीवति अपेच्छंतो। राया बंधुमईए, वित्तंतमिमं कहावेइ
॥ ५१५१॥ हा हा दिव्व ! किमेयं? ति, संभमुब्भंततरलतारच्छी। बंधुगिरं बंधुमती, सुणिऊण समागया झत्ति
॥ ५१५२॥ तो अवलोयंतीए, सुनिउणदिट्ठीए नट्ठरयणं व । तमऽवत्थं संपत्तो, कहकहवि हु तीए सो दिट्ठो
॥ ५१५३॥ दटुं च नट्ठजीयं, तं मोग्गरचूरिय व्व दुक्खत्ता । मुच्छानिमीलियऽच्छी, झडत्ति धरणीयले पडिया
॥ ५१५४॥ पासपरिवत्तिपरियण-कयसिसिरुवयारविगयमुच्छा य। पम्मुक्कदीहपोक्कं, विलविउमेवं समारद्धा
॥ ५१५५॥ हा हा अवंतिनरवर!, निरुवमविक्कमनिहाण! पावेण । एवंविहं अवत्थं, केणाऽणज्जेण नीओ सि
॥ ५१५६॥ हा पाणनाह! तुमए, सग्गोवगयम्मि मह अपुण्णाए। अज्ज वि य जीवियव्वे, विज्जइ नाऽऽलंबणं किं पि ॥५१५७ ॥ हयदिव्व! किं न तुट्ठो, रज्जऽवहारेण देसचाएण । सुहिजणविओयणेण य, जमेयमऽवि ववसिओ पाव! ॥५१५८ ॥ हे हियय ! हीण ! निग्घिण !, अणज्ज ! वज्जेण किमऽसि निम्मवियं ? जं न विलिज्जसि अज्ज वि, पियविरहहुयासतवियं पि ॥५१५९ ॥ सा रायसिरी सो भय-नमंतसामंतमंडलो सामी। तमऽणण्णकामिणीजण-कमणीयं तस्स मइ पेम्म
॥५१६०॥ तं आणिस्सरियं सयल-लोयसाहारणं धणं धिद्धी! । नटुं एक्कपए च्चिय, सव्वं गंधव्वनयरं व
॥ ५१६१ ॥ आणंदसंदिसुंदर-मुहेंदुमऽबलोइउंच देवस्स । कहमिहिं पेच्छिस्सं, थुईंकियाइं खलु मुहाई
॥ ५१६२ ॥ कह वा देवपसाएण, विविहकीलाहिं कीलिऊणिण्डिं । रद्धपयारा रिउगेहिणि व्व वेसिहं परगिहम्मि
॥ ५१६३ ॥ एमाऽऽइ विलवमाणी, करताडणदलियपीणथणवट्ठा। विलुलियकुंतलभुयउत्त-रिज्जपरिगलियवलया य ॥५१६४॥ अप्पाणं सुचिरं झूरिऊणं, तं किं पि सोगसंभारं। हिययम्मि उव्वहंती, नरसुंदरराइणा बहुसो
॥ ५१६५ ॥ वारिज्जंती वि बहु-प्पयारवयणेहि भत्तुणा समगं । जालाऽऽउलम्मि जलणम्मि, निवडिया सा पयंगि व्व ॥५१६६॥ अह संवेगोवगओ, राया नरसुंदरो विचितेइ । अविचिंतणीयरूवा, धिद्धी एसा भवस्स ठिई
॥ ५१६७॥ जत्थ सुही विहु दुहिओ, निवो वि रोरो सुमित्तमऽवि सत्तू । संपत्ती वि विवत्ती, परिणमइ निमेसमित्ते वि ॥ ५१६८॥ कहमऽहुण च्चिय तीए, चिरकालाओ समागमो जाओ। कहमिहिं पि विओगो, धिरऽत्थु संसारवासस्स ॥५१६९॥ मण्णे करिकण्णसुरिंदचाव-तडिचावलेण निम्मवियं । वत्थु समत्थं एत्थं, तेणं खणदिट्ठनटुंतं
॥५१७० ॥ एवंविहे य कहमिह, खणमऽवि निवसंति मुणियपरमत्था । वीसत्था सगिहेसं, अहह ! महा घिट्ठिमा तेर्सि ॥ ५१७१ ॥ १. वसिहं = वत्स्यामि,
१४७
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |