Page Text
________________
सिद्धाऽऽययणाई वंदिऊण, सगिहं पडुच्च वच्चंतो। मुणिमऽणसणट्ठियं जाणि-ऊण भूमितलमोइण्णो तो गंगदत्तमऽइभूरि-भत्तिभरनिस्सरंतरोमंचो । सुचिरं थुणिऊण गतो, रामाजणपरिखुडो सपुरं साहू वि तस्स सोहग्ग-मुग्गमऽबलामणोहरणदक्खं । पडिभग्गमणो, चिंतिउमेवं समाढत्तो एस महप्पा एवं, विलासिणीसत्थपरिगओ ललइ । अहयं तु पावकम्मो, तह तइया ताहि परिभूओ ता धी! निरत्थयं मज्झ, जीवियं दुट्ठ माणुसं जम्मं । निरुवहयंऽगो वि तहा, विडंबणं जोऽणुपत्तो म्हि इय कुवियप्पवसगतो, सो जंपइ जइ इमस्स फलमऽत्थि। सामण्णस्स तया हं, इमो व्व होज्जामि परजम्मे एवं नियाणबंध, काऊण मओ महिंदकप्पम्मि । उववण्णो पवरसुरो, तत्थ य विसए निसेवित्ता आउगविगमम्मि चुओ, उववण्णो भूमितिलयभूयाए । उज्जेणीए पुरीए, रण्णो सिरिसमरसीहस्स भज्जाए सोमनामाए पुत्तभावेण पवरसुमिणेहिं । कयसूओ नीरोओ, समुचियसमए पसूओ य विहियं बद्धावणयं पत्थावे ठावियं च से नामं । रणसूरो त्ति कमेणं, तारुण्णं पवरमऽणुपत्तो अह पुव्वऽज्जियनिरवग्ग-हुग्गसोहग्गसंगतो जत्थ । सो भमइ तत्थ जुवईण, तम्मि निक्खित्तचक्खूण.. मयणवसविहियबहुहाव-भावविब्भमविलासलीलाण । अवहत्थियलज्जाणं, अवरे विरमंति वावारा राईसरसेणावइ-महिब्भसामंतमंतिधूयाहि । एसोऽम्ह पई अहवा वि, हुयवहो इइ वयंतीहिं-- -- उब्बूढो गाढपरूढ-पणयसाराहिं ताहि समगं च । पंचविहविसयसोक्खं, अणुभुंजइ दीहरं कालं मरिउं च भवुत्थसुतिक्ख-दुक्खलक्खाण भायणं भूओ। नियदुव्विलसियवसओ, चिरकालं गंगदत्तो त्ति एएण कारणेणं, वुच्चइ संलेहणं दुविहरूवं । काउं पुव्वं पच्छा, भत्तपरिणं अणुटेज्जा एवं कयपरिकम्मस्स, पायसो नो विसोत्तिया होइ । आराहिज्जइ सम्मं, एवं चिय जिणवराऽऽणा वि इय सिरिजिणचन्दमुणिन्द-रइयसंवेगरंगसालाए। परिकम्मविहीपामोक्ख-चउमहामूलदाराए आराहणाए पणरस-पडिदारमयस्स पढमदारस्स। परिकम्मविहीनामस्स, दंसियं चरमपडिदारं तइंसणाओ पणरस-पडिदारमयं पदंसियं सम्मं । परिकम्मविहीनामग-मेयं पढम महादारं संवेगरंगसालाऽऽराहणाए, पणरसपडिदारपडिबद्धं । परिकम्मविहीनामगं, पढमदारं समत्तं ति अणहं अरयं अरुयं, अजरं अमरं अरागमऽपओसं । अभयमऽकम्ममऽजम्मं, सम्मं पणमह महावीर अह कयपरिकम्मविहिस्स, तस्स गणसंकमं करेंतस्स। विहिमऽवितहं भणिस्सं, तत्थ य दाराणिमाणि दस दिस खामण अणुसट्ठी, परगण सुट्ठियगवेसणा चेव । उवसंपया परिच्छा, पडिलेहा पुच्छण पडिच्छा तत्थ य दिस त्ति गच्छो, जं तीए दिसिज्जए जइसमूहो । तीए दिसाए अणुण्णं, वण्णेमि जहाविहिं एत्तो इह पुण पुव्वपवंचिय-कमाऽणुसारेण गहियपव्वज्जो। सड्ढो व सुचिरपालिय-पव्वज्जो कोई साहू वा अहवा निम्मलगुणगण-वसपावियपूयणिज्जसूरिपओ। साहु च्चिय आराहण-विहिमणहं काउमिच्छेज्जा एत्थ य जो सूरिपयं, पवयणविहिणाऽणुपालिउंसुचिरं। निप्फाइउंच सिस्से, सुत्तऽत्थेहिं समत्थेहिं इड्ढिरससायगारव-रहियं आगमठिईए विहरित्ता । बोहित्ता भव्वजणं, वंछिज्जाऽऽराहणविहाणं वड्ढन्तउत्तरोत्तर-पसत्थपरिणामपरमसंवेगो । सो अणुसरेज्ज पढम, बहुजइजोग्गं महाखेत्तं तो वाहरिऊण गणं, निययं पुरखेडकब्बडाऽऽइगयं । तप्पुरओ पयडेई, तहाविहं अप्पऽभिप्पायं आभोइऊण य तओ, अपक्खवाएण सम्मबुद्धीए । पढम खु सगच्छे च्चिय, परगच्छे वा पुरिसरयणं आरियदेसुप्पण्णं, जाईकुलरूवसंपयाकलियं । कुसलं कलाकलावे, लोयट्ठिइसुट्ठपत्तटुं पयइसुविसिट्ठचेटुं, पयइगुणऽब्भासनिच्चतल्लिच्छं। पयईए थिमियरूवं, पयईए जणाऽणुरागपयं पयइसुपसण्णचित्तं, पयईए पियपयंपणपहाणं । पयइसुपसंतमुत्ति, एत्तो च्चिय पयइगंभीरं पयइसुविसालसीलं, पयइमहापुरिसचरियचित्तरई। पयइनिरश्वज्जविज्जा-समज्जणुज्जुत्तचित्तं च कल्लाणमित्तमेत्ती-पहाणमऽविकत्थणं अमाइल्लं । दढसंघयणं धीबलिय-मऽणुमयं धम्मियजणाण आहिंडियबहुदेसं, अवधारियसयलदेसभासंच। परिचियबहुववहारं, आयण्णियविविहवुत्तंतं
॥४१४८॥ ॥ ४१४९॥ ॥ ४१५०॥ ॥ ४१५१॥ ॥ ४१५२॥ ॥ ४१५३॥ ॥ ४१५४॥ ॥ ४१५५॥ ॥ ४१५६॥ ॥ ४१५७॥ ॥ ४१५८॥ ॥ ४१५९॥ ॥ ४१६०॥ ॥ ४१६१ ॥ ॥ ४१६२॥ ॥ ४१६३॥ ॥ ४१६४॥ ॥ ४१६५ ॥ ॥ ४१६६॥ ॥ ४१६७॥ ॥ ४१६८॥ ॥ ४१६९ ॥ ॥ ४१७०॥ ॥ ४१७१॥ ॥ ४१७२॥ ॥ ४१७३॥ ॥ ४१७४॥ ॥ ४१७५ ॥ ॥ ४१७६ ॥ ॥ ४१७७॥ ॥४१७८॥ ॥ ४१७९॥ ॥ ४१८०॥ । ४१८१॥ ॥ ४१८२॥ ॥ ४१८३॥ ॥४१८४॥ ॥ ४१८५ ॥
૧૦.
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |