Page Text
________________
देवेहि भेसिओ विहु, दिया व राओ व भीमरूवेहिं । तो सत्तभावणाए, धम्मधुरं निब्भरो वहइ
। ३८९५ ॥ एगत्तभावणाए, न कामभोगे मणे सरीरे वा। सज्जइ वेरग्गगतो,स फासेइ अणुत्तरं धम्म
। ३८९६॥ भगिणीए वि हम्मंतियाए, एगत्तभावणाए जहा। जिणकप्पियो न मूढो, खवगो वि न मुज्झइ तहेव
।। ३८९७॥ तहाहिपुप्फउरे नरवइपुप्फकेउणो पणइणीए उप्पण्णो । पुप्फवईए जमल-त्तणेण पुत्तो य धूया य
।। ३८९८॥ उचियसमयम्मि नामं, विहियं पुत्तस्स पुष्फचुलो त्ति । धूयाए पुप्फचूल त्ति, दो वि पत्ताई तारुण्णं
॥३८९९ ॥ अच्चंतपरोप्परनिबिड-पणयमऽवलोइऊण तेसिं च । रण्णा वियोगवज्जण-कएण अणुरूवपत्थावे
॥३९००॥ परिणाविऊण पडिरूव-पुरिसहत्थेण पुष्फचूला उ। धरिया नियभवणे च्चिय, पइणा सह सा गमइ कालं ॥ ३९०१॥ भुंजेइ पुष्फचूलो य, रज्जलच्छिं जहिच्छमऽच्छिण्णं । अविरहियं भइणीए, परमप्पणयम्मि वट्टन्तो ॥ ३९०२॥ एगम्मि य पत्थावे, स महप्पा जायपरमसंवेगो। पव्वइओ तण्णेहेण, पुष्फचूला वि पव्वइया
॥३९०३॥ सो अहिगयसुत्तऽत्थो, जिणकप्पवज्जणट्ठया धीरो । एगत्तभावणाए, परिकम्मइ बाढमऽप्पाणं
। ३९०४॥ अह तव्वीमंसट्ठा, एक्केण सुरेण पुष्फचूलाए। विडपुरिसहढाऽऽरंभिय-वयभंगाए दुहट्टाए
॥३९०५॥ जेट्ठज्ज! रक्ख रक्ख त्ति, जंपिरीए, विउव्वियं रूवं । तं दृटुं पि स धीमं, अगणेतो सुद्धपरिणामो
॥ ३९०६॥ एगो च्चिय जीव! तुम, किमिमेहिं बज्झसयणजोगेहिं । इय भावणाए चलितो, थेवं पि न धम्मझाणाओ ॥३९०७॥ कसिणा परीसहचमू, सहोवसग्गेहिं जइ वि उद्वेज्जा । दूरं दुस्सहवेगा, भयजणणी अप्पसत्ताणं
॥ ३९०८॥ धिइधणियबद्धकच्छो, हत्थं पीडिज्जमाणगत्तो वि । पडिपुण्णवंछियऽत्थो व्व-ऽणाउलो तमऽहियासेइ ॥ ३९०९॥ एयाए भावणाए, चिरकालं पविहरेज्ज सुद्धाए । काऊण अत्तसुद्धि, दंसणनाणे चरिते य
।। ३९१०॥ पडिवज्जंतो कप्पं, अप्पाणमिमाहिं तुलइ मुणिवसभो । एसो वि जहासत्ति, भावेइ इमाउ को दोसो
॥ ३९११॥ धण्णो सो च्चिय भयवं, सिरिअज्जमहागिरी गरुयसत्तो। तीए वि ह जिणकप्पे, तप्परिकम्मं कयं जेण ॥३९१२॥ तथाहिकुसुमपुरनगररण्णो, नंदस्स विसिट्ठबुद्धिमयरहरो । मंती सगडालो नाम, सावगो जिणमयविहण्णू
॥ ३९१३॥ नलकूबरो व्व रूवेण, तस्स पुत्तो पवित्तगुणकलितो । नामेण थूलभद्दो, परमविलासी य भोगी य
॥ ३९१४॥ सो सगडालेण विस-प्पओगओ साहियम्मि मरणढे। वररुइपवंचरुटुं, दुटुं नंदं महासत्तो
॥ ३९१५॥ भणिओ रण्णा पिउसं-तियं पयं भयसु पुव्वनाएण। रज्जभरमुद्धरं धरसु, धीर! मोत्तूण कुवियप्पं
॥ ३९१६॥ मुहमहुरं परिणइमंगुलं च, सो चिन्तिऊण घरवासं । निच्छिण्णविसयवंछो, पडिवण्णो संजमुज्जोगं
॥ ३९१७॥ संभूयविजयमुणिवइ-पर्यऽतिएऽहिगयसयलसुत्तऽत्थो। अणुयोगधरो जातो, तक्कालियमुणिवरवरिट्ठो ॥ ३९१८॥ जो पुव्वपरिचियाए, उवकोसविलासिणीए गेहम्मि। वुत्थो चाउम्मासं, मुसुमूरियमयणमाहप्पो
॥ ३९१९॥ अच्चंतविम्हयकरं, चरियं अज्जवि निसामिउं जस्स। के के न होंति आणंद-बहलपुलयंऽचियसरीरा ॥ ३९२०॥ धीरा ते च्चिय जेसि, संते वि मणवियारहेउम्मि। न वियारमेइ तग्गिह-गएण इति संसियं जेण
॥३९२१॥ सीहगुहामुहउस्सग्ग-कारिपमुहप्पहाणमुणिमज्झे । अइदुक्करदुक्करकारगो त्ति जो भासिओ गुरुणा
॥३९२२॥ निम्मलसीलाऽऽणंदिय-मणाए नरनाहदिण्णपइपुरओ। उवकोसाए वि सभत्ति-पुव्वमुववूहिओ जो य ॥३९२३॥ "न दुक्करं अम्बयलुंबितोडणं, न दुक्करं सिक्खिउ नच्चियाए। तं दुक्करंतंच महाऽणुभावं, जं सो मुणी पमयवणम्मि वुत्थो" ॥ ३९२४ ॥ इय कोमुइमयलंछण-सच्छहजसलच्छिमंडियजयस्स । जाया से दो सीसा, महागिरी तह सुहत्थी य
॥३९२५ ॥ ते वि तहाविहनिम्मल-गुणमणिनिहिणो विणिज्जियाऽणंगा। भव्वजणकुमुयबोहण-पयंडससिमंडलसमाणा ॥३९२६ ॥ चरणकरणाऽणुओग-प्पहाणसव्वाऽणुओगपरिहत्था । उच्छाइयबहलसमु-च्छलन्तमिच्छत्ततमपसरा
॥ ३९२७॥ उवलद्धसुद्धगुणमणि-खणिगणिपयपयडपसरियपयावा। भुवणजणपणयचरणा, चिरकालं विहरिया वसुहं ॥३९२८॥ अह सिस्सपसिस्साण वि, विहिपुव्वुवइट्ठसयलसुत्तऽत्थो। निययगणमऽप्पिउणं, महागिरी सिरिसुहत्थिस्स ॥३९२९ ।। वुच्छिण्णं जिणकप्पं, मुणिऊण वि तदऽणुरूवपरिकम्मं । कुणमाणो सो विहरिउ-माऽऽरद्धो गच्छनिस्साए ॥३९३० ॥
૧૧૩
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |