________________
२६१
गाथा-१०-२०
परिशिष्टम्-१ अह भूरिमयविरोहा, पमाणया नो महानिसीहस्स । लोइयसत्थाणं पि व, तहाहि तम्मी अणुचियाइं ॥२०/१०॥ सत्तमनरयगमाईणि इत्थियाणं पि वन्नियाई ति । तं न लिहणाइदोसा, संति विरोहा सुए वि जओ ॥२०/११॥ आभिणिबोहियनाणे, अट्ठावीसं हवंति पयडीओ। आवस्सयम्मि वुत्तं, इममन्नह कप्पभासम्मि ॥२०/१२॥ नाणमवाय-धीईओ, सणमिटुं च उग्गहेहाओ। एवं कह न विरोहो, विवरीयत्तेण भणणाओ ॥२०/१३॥ किंच गइ-इंदियाइसु, दारेसु न सम्म-सासणं इटुं । इगिंदीणं विगलाण, मइसुए तं चऽणुन्नायं ॥२०/१४॥ सयगे पुण विगलाणं, एगिंदीणं च सासणं इटुं । न पुणो मइसुयनाणे, तहेव आवस्सए वुत्तं ॥२०/१५॥ सीहो तिविट्ठजीवो, जाओ सत्तममहीउ उव्वट्टो । जीवाभिगममएणं, मीणत्तं चेव सो लहइ ॥२०/१६॥ नायासुं पुव्वण्हे, दिक्खा नाणं च भणियमवरण्हे । आवस्सयम्मि नाणं, बीयम्मि दिणम्मि मल्लिस्स ॥२०/१७॥ छउमत्थे परिआओ, सद्धछम्मास-बारससमाओ । मग्गसिरकिण्हदसमी, दिक्खाए वीरनाहस्स ॥२०/१८॥ वइसाइसुद्धदसमी, केवललामम्मि संभविज्ज कहं । इय सत्थेसुं बहवो, दीसंति परोप्परविरोहा ॥२०/१९॥ तस्संभवे वि आवस्सयाइ सत्थाइं जह पमाणं । तह किं महानिसीहं, घिप्पइ न पमाणबुद्धीए ॥२०/२०॥
