Page Text
________________
१९८
१५-आलोचनाविधि-पञ्चाशकम् गाथा-२६-३० साम्प्रतं सामान्येन तपआचारभेदनिर्दिदिक्षया तत्स्वरूपमेवाभिधित्सुराह - बारसविहम्मि वि तवे, साभितरबाहिरे कुसलदिढे । अगिलाएँ अणाजीवी, णायव्वो सो तवायारो ॥७२०॥ १५/२६
द्वादशविधेऽपि तपसि साभ्यन्तर-बाह्ये प्रायश्चित्त-विनय-वैयावृत्त्य-स्वाध्याय-व्युत्सर्गध्याना-ऽनशनाऽवमौदर्य-वृत्तिसङ्ख्यान-रसपरित्याग-कायक्लेश-संलीनतालक्षणे, कुशलदृष्टे कुशलमतिकथिते, अग्लान्या तपसाऽपराजयेन, अनाजीव्यनाजीवको, न तदेव तप उपजीवति, ज्ञातव्यः स एवंविधस्तपाचारः तपस्तद्वतोरभेदोपचारात् ॥२६॥
वीर्याचारस्वरूपप्रतिपादनायाह - अणिगूहियबलविरिओ, परक्कमइ जो जहुत्तमाउत्तो । जुंजइ य जहत्थामं, णायव्वो वीरियायारो ॥७२१॥ १५/२७
बलं मांसशोणितोपचयसमुत्थम्, वीर्यं वीर्यान्तरायक्षयोपशमजनितं, बलं च वीर्यं च बलवीर्ये, अनिगूढऽप्रच्छादिते बल-वीर्ये येन स (अनिगूहितबल-वीर्यः) तथा, पराक्रमते समुत्सहते, यः पुरुषः, यथोक्तं यथाऽऽगमम्, आयुक्त उपयुक्तः । युङ्क्ते च प्रयुङ्क्ते च यथास्थामं यथाबलम्, धर्मव्यापारमिति गम्यते, ज्ञातव्या विज्ञेयो वीर्याचारः । आचारस्तद्वतोरभेदात् ॥२७॥ एयम्मि उ अइयारा, अकालपढणाइया णिरवसेसा । अपुणकरणुज्जएणं, संवेगाऽऽलोइयव्व त्ति ॥७२२॥ १५/२८
एतस्मिन् पञ्चविधाचारे, अतिचारा अपराधविशेषाः, अकाले पठनादिकाः, आदिग्रहणादविनया-ऽबहुमानादिपरिग्रहः । निरवशेषाः सर्वे अपुनःकरणोद्यतेन भावतोऽपुनःकरणपरिणामवता, अचिन्त्यकर्मसामर्थ्यात् त्वन्यथापि प्रवृत्तिः कदाचित् सम्भवति । संवेगात् संसारभयाद्, आलोचयितव्या इति प्रकाशनीयाः ॥२८॥
अहवा मूलगुणाणं, एते एवं तहुत्तरगुणाणं । एएसिमह सरूवं, पत्तेयं संपवक्खामि ॥७२३॥ १५/२९
अथवा मूलगुणानामेते अतिचारा एते एवं स्वरूपाः, तथोत्तरगुणानां एतेषां मूलोत्तरगुणानाम् अथ स्वरूपं स्वलक्षणं प्रत्येकं भेदेन, सम्प्रवक्ष्यामि विधास्यामि ॥२९॥ पाणातिपातविरमणमादी निसिभत्तविरइपज्जंता । समणाणं मूलगुणा, तिविहं तिविहेण णायव्वा ॥७२४॥ १५/३०
| SR No. | 022282 |
| Book Title | Panchashak Prakaranam |
| Original Sutra Author | N/A |
| Author | Dharmratnavijay |
| Publisher | Manav Kalyan Sansthanam |
| Publication Year | 2014 |
| Total Pages | 362 |
| Language | Sanskrit |
| Classification | Book_Devnagari |
| File Size | 28 MB |