________________
११४८
दसभेयाइ रुईए, दुवालसंगेसु बारुवंगेसु । दुविहसिक्खाइ निउणो, छत्तीसगुणो गुरू जयउ ॥१४॥
गार सडडिमा, बारसवय तेरकिरियठाणे य । सम्मं उवएसंतो, छत्तीसगुणो गुरू जयउ ॥ १५ ॥ बारसउवओगविऊ, दसविहपच्छित्तदाणनिउणमई । चउदसउवगरणधरो, छत्तीसगुणो गुरू जयउ ॥१६॥ बारसभेयंमि तवे, भिक्खूपडिमासु भावणासुं च । निच्वं च उज्जमंतो, छत्तीसगुणो गुरू जयउ ॥१७॥ चउदगुणठाणनिउणो, चउदसपडिरूवपमुहगुणकलिओ । अट्ठसमोवएसी, छत्तीसगुणो गुरू जयउ ॥१८॥ पंचदसजोगसन्ना- कहणेण तिगारवाण चाएण । सल्लतिगवज्जणेणं, छत्तीसगुणो गुरू जयउ ॥१९॥ सोलससोलसउग्गम-उप्पायणदोसविरहियाहारो । चडविहभिग्गहनिरओ, छत्तीसगुणो गुरू जयउ ॥२०॥ सोलसवयणविहिन्नू, सत्तरसविहसंजमंमि उज्जुत्तो । तिविराहणाविरहिओ, छत्तीसगुणो गुरू जयउ ॥२१॥ नरदिक्खदोस अट्ठा-रसेव अट्ठार पावठाणाई | दूरेण परिहरंतो, छत्तीसगुणो गुरू जयउ ॥२२॥ सीलंगसहस्साणं, धारंतो तह य बंभभेयाणं । अट्ठारसगमुयारं, छत्तीसगुणो गुरू जयउ ॥२३॥ उस्सग्गदो सगुणवी - सवज्जओ सत्तरभेयमरणविहिं । भवियजणे पडतो, छत्तीसगुणो गुरू जयउ ॥२४॥ वीसमसमाहिठाणे, दसेसणा-पंचगासदोसे य । मिच्छत्तं च चयंतो, छत्तीसगुणो गुरू जयउ ॥२५॥ इगवीससबलचाया, सिक्खासीलस्स पनरठाणाणं । अंगीकरणेण सया, छत्तीसगुणो गुरू जयउ ॥२६॥ बावीसपरीसहहियासणेण, चाएण चउदसण्हं च । अभितरगंथाणं, छत्तीसगुणो गुरू जयउ ॥२७॥
