________________
त्रयस्त्रिंशद्विधा आशातनाः
आलवणाए अरिहं पुव्वं सेहस्स आलवेंतस्स । रायणियाओ एसा तेरसमाऽऽसायणा होई ॥१३५॥
असणाईयं लद्धुं पुवि सेहे तओ य रायणिए । आलोए चउदसमी एवं उवदंसणे नवरं ॥ १३६॥ एवं निमंतणेऽवि य लद्धुं रयणाहिगेण तह सद्धि । असणाइ अपुच्छाए खद्धंति बहुं दलंतस्स ॥१३७॥ संगहगाहाए जो न खद्धसद्दो निरूविओ वीसुं । तं खद्धाइयणपए खद्धत्ति विभज्ज जोएज्जा ॥१३८॥ एवं खद्धाइयणे खद्धं बहुयंति अयणमसणंति । आईसद्दा डायं होइ पुणो पत्तसागंतं ॥१३९॥
वन्नाइजुयं उसढं रसियं पुण दाडिमंबगाइयं । मट्ठे तु मणुण्णं मन्नइ मणसा मणामं तं ॥१४०॥ निद्धं नेहवगाढं रुक्खं पुण नेहवज्जियं जाण । एवं अप्पडिसुणणे नवरिमिणं दिवसविसयंमि ॥ १४१ ॥ खद्धंति बहु भणंते खरकक्कसगुरुसरेण रायणियं । आसायणा उ सेहे तत्थ गए होइमा चऽण्णा ॥१४२॥ सेहो गुरुणा भणिओ तत्थ गओ सुणइ देइ उल्लवं । एवं किंति च भणइ न मत्थएणं तु वंदामि ॥१४३॥ एवं तुमंत भइ कोऽसि तुमं मज्झ चोयणाए उ ? । एवं तज्जाएणं पडिभणणाऽऽसायणा सेहे ॥ १४४॥ अज्जो ! किं न गिलाणं पडिजग्गसि पडिभणाइ किं न तुमं ? । रायणिए य कहते कहं च एवं असुमणत्ते ॥ १४५ ॥
एवं नो सरसि तुमं एसो अत्थो न होइ एवंति । एवं कहमच्छिंदिय सयमेव कहेउमारभइ ॥१४६॥
१०३१
