________________
१६
जा काओ रिद्धीओ, हवंति सीसाण एत्थ संसारे । गुरुभत्ति पायवाओ, पुप्फसमाओ फुडं ताओ ॥९॥
जलपाणदायगस्स वि, उवयारो नेव तीरए काउं । किं पुण भवन्नवाओ, जो तारइ तस्स सुहगुरुणो ? ॥१०॥ एस च्चिय परमकला, एसो धम्मो इमं परं तत्तं । गुरुमाणसमणुकूलं, जं किज्जइ सीसवग्गेणं ॥१३॥ जुत्तं चि गुरुवणं, अहव अजुत्तं च होज्ज दइवाओ । तह वि हु एयं तित्थं, जं हुज्जा तं पि कल्लाणं ॥ १४ ॥ किं ताए रिद्धीए, चोरस्स व वज्झमंडणसमाए ? | गुरुयणमणं विराहिय, जं सीसा कह वि वंछंति ॥१५॥ कंडूयणनिट्ठीवण - ऊसासपमोक्खमइलहुयकज्जं । बहुवेलाए पुच्छिय, अन्नं पुच्छेज्ज पत्तेयं ॥१६॥ मा पुण एगं पुच्छिय, कुज्जा दो तिन्नि अवरकिच्चाई । लहुए वि कज्जेसुं, एसा मेरा सुसाहूणं ॥ १७॥
काउं गुरुं पि कज्जं न कहंति य पुच्छिया वि गोविंति । जे उण एरिसचरिया, गुरुकुलवासेण किं ताणं ? ॥१८॥
जग्गाजोग्गसरूवं, नाउं केणावि कारणवसेणं । सम्माणाइविसेसं, गुरुणो दं(दि) संति सीसाणं ॥१९॥ एसो सया व मग्गो, एगसहावा न हुंति जं सीसा । इय जाणिय परमत्थं, गुरुम्मि खेओ न कायव्वो ॥२०॥ माचित पुण एवं, किं पि विसेसं न पेच्छिमो अम्हे । रत्ता मूढा गुरुणो, असमत्था एत्थ किं कुणिमो ? ॥२१॥
रयणपरिक्खगमेगं, मुत्तुं समकंतिवन्नरयणाणं । किं जाणंति विसेसं, मिलिया सव्वे वि गामिल्ला ? ॥२२॥
एयं चिय जाणमाणा, ते सीसा साहयंति परलोयं । अवरे उयरं भरिडं, कालं वोलिंति महिवलए ॥२३॥
गुरोर्माहात्म्यम्
