________________
૫૭
આરાધના પંચક (૪)
ધર્મથી સદ્ગતિ થાય છે, દેહ તો મરણકાળે રગદોળાઈ જવાનો છે, છતાં કૃતઘ્ન જીવ શરીરના સુખનો વિચાર કરે છે.
૧૯૫
અંતે શરીર કાં તો રાખનો ઢગલો થશે, અથવા સળવળતા કીડાઓથી ખવાશે, અથવા સૂર્યકિરણોથી શોષાશે અથવા પુના પ્રવાહવાળું થશે. ૧૯૬
અથવા પક્ષીઓનું ભોજન થશે, અથવા શિયાળ વગેરેનું ભક્ષણ થશે, અથવા સુકાઈને પથ્થર જેવું કે લાકડા જેવું થશે.
૧૯૭
માટે જો આ અસાર દેહનું આ પ્રમાણે થવાનું જ હોય તો તપ કરીને તેની પાસેથી જે મેળવવા જેવું હોય તે મેળવી લેવું જોઈએ. પણ દેહમાં મૂર્છા ન રાખવી. ૧૯૮
વળી દેહથી ધર્મ કરો. અંતે તો તે દગો દેવાનું જ છે. ફાગણ મહિનાની હોળીની જેમ તેની પણ હોળી થવાની છે. ૧૯૯
હે જીવ ! બીજાઓ સળગતા લાકડાના અગ્નિથી આ પુદ્ગલ – દેહને તપાવવાનાં છે. માટે તું તપ કરીને દેહને
તપાવ. ૨૦૦
દેહથી ધર્મ કરવો, અંતે તે પાછો વળી જવાનો છે, ઊંટના ઉ૫૨ જેટલો ભાર વહન કરાવાય. તેટલો લાભ થવાનો છે.
૨૦૧
