Page Text
________________
યોગસાર પ્રકરણ/પ્રથમ પ્રસ્તાવ/બ્લોક-૨૭ પ્રત્યે પ્રવર્તે છે. તેથી જે રાગ સંસારની વૃદ્ધિનું કારણ હતું તે જ રાગ સંસારના ઉચ્છેદનું કારણ બને છે. અને જેમ જેમ સંગ વગરની અવસ્થા પ્રત્યેનો રાગ વધે છે તેમ તેમ તે મહાત્માનો સંસારનો રાગ ક્ષીણક્ષીણતર થાય છે અને સંસારનો ઉચ્છેદનો રાગ રત્નત્રયીની વૃદ્ધિનું કારણ બને છે; વસ્તુતઃ અસંગભાવનું પારમાર્થિક જ્ઞાન એ જ સમ્યજ્ઞાન છે, અસંગભાવની પારમાર્થિક રુચિ એ સમ્યગ્દર્શન છે અને અસંગભાવને પ્રગટ કરવા માટેનો ઉદ્યમ તે પારમાર્થિક ચારિત્ર છે. તેથી જે મહાત્માઓ ભગવાનની આજ્ઞાના રાગથી સતત આજ્ઞામાં ઉદ્યમ કરે છે તેઓ સ્વભૂમિકાના અસંગભાવને પામીને ઉત્તરોત્તરના રત્નત્રયીની પરિણતિરૂપ મોક્ષમાર્ગને સેવનારા છે જેના ફળરૂપે તેઓ અવશ્ય મોક્ષને પામશે. તેથી ભગવાનની આજ્ઞા જ મોક્ષનો એક ઉપાય છે. (૩) આચરાયેલી ભગવાનની આજ્ઞા જ ચારિત્ર છે.
આજ્ઞાનું મહત્ત્વ બતાવતાં કહે છે કે સ્વભૂમિકા અનુસાર આચરાયેલી ભગવાનની આજ્ઞા જ ચારિત્ર છે, કેમ કે જે જીવો ભગવાનની આજ્ઞા અનુસાર ઉદ્યમ કરે છે તે ચારિત્રરૂપ છે અને ભગવાનની આજ્ઞા અનુસાર જે જીવો કષાયને હણવામાં ઉદ્યમ કરે છે તે પણ ચારિત્રરૂપ જ છે. આજ્ઞાને સેવનારા મહાત્માઓ આજ્ઞાના રાગથી રત્નત્રયીમાં ઉદ્યમ કરે છે અને કષાયોના વેષથી કષાયોને હણવામાં ઉદ્યમ કરે છે અને તે રાગ-દ્વેષ રત્નત્રયીમાં રાગરૂપે અને ભવના કારણ રૂપ કષાય પ્રત્યે દ્વેષ રૂપે વર્તે છે ત્યારે તે જીવોની આચરણા જીવના શુદ્ધ સ્વરૂપને પ્રગટ કરવાને અનુરૂપ વ્યાપારવાળી હોવાથી ચારિત્ર જ છે. (૪) ભગવાનની આજ્ઞા જ ભવનો ભંગ કરનારી છે.
ભવનાં કારણ મિથ્યાત્વ-અવિરતિ-પ્રમાદ-કષાય અને યોગો છે અને ભગવાનની આજ્ઞા યોગનિરોધને લક્ષ્ય કરી સ્વભૂમિકા અનુસાર ભવના કારણનો ઉચ્છેદ કરી યોગનિરોધને અનુકૂળ ઉદ્યમ કરવા રૂપ છે. તેથી જે મહાત્માઓ સ્વભૂમિકા અનુસાર ભગવાનની આજ્ઞા સેવે છે તેઓ આજ્ઞાના પ્રકર્ષથી જ યોગનિરોધને પ્રાપ્ત કરશે અને ભવનો નાશ કરશે. માટે ભગવાનની આજ્ઞા જ ભવનો ભંગ કરનારી છે. ગરબા
| SR No. | 022236 |
| Book Title | Yogsar Prakaran |
| Original Sutra Author | N/A |
| Author | Pravin K Mota |
| Publisher | Gitarth Ganga |
| Publication Year | 2012 |
| Total Pages | 266 |
| Language | Sanskrit, Gujarati |
| Classification | Book_Devnagari & Book_Gujarati |
| File Size | 15 MB |