________________
૨૬૨
उपहेश५६ : भाग-२ चेडीपेस अणिच्छे, मंतिग्गह मंतभेयकवडेण । पत्तियण मोक्ख तब्बंदिधरण कहणम्मि संवेगो ॥७०४॥ तन्निव्वत्तणचिंता, देसण निब्बंध तक्कहा चेव । नियविद्धरूवमयणासुचिभरियसमप्पणे सा हं ॥७०५॥ निवतोस एरिसच्चिय, छड्डिहिसि न जातु भंगखिवणाउ । साहुकयं निव हिरिया, पावयरा हंत संवेगो ॥७०६॥ देसण निवसंबोही, तुट्ठो परदारचागहरिसाओ । पसंस अकरणणियमो, मोयणा तह य सक्कारो ॥७०७॥ एत्थेव सेट्ठिधूया, एरिसिया रिद्धिसुंदरी नवरं । परिणीया सड्डेणं, धम्मेणं तामलित्तीए ॥७०८॥ परतीरवहणभंगे, अण्णागम दिट्ठ राग धम्मस्स । खेवो भंगे जीवण, मिलणा कहणम्मि संवेगो ॥७०९॥ अन्नत्थ गमणठाणं, इयरस्सवि मच्छभत्तओ वाही । देवा तत्थागमणं, दंसण पतिकहणमाणयणं ॥७१०॥ आसासण वेज्जाण य, पुच्छणा किरिय सम्म पडियरणं । इयरस्स हिरिय देसण, संवेगातो ततो बोही ॥११॥ पन्नवण किं करेमी, परदारच्चायमेव परमधिती । एत्तो अकरणणियमो, एयं सिवणागमागमणं ॥७१२॥ एत्थेव एरिसिच्चिय गुणसुंदरिसन्निया पुरोहसुया । तप्पुरबडुरागोढा, सावत्थिपुरोहियसुएण ॥७१३॥ बडु सबरासय तग्गयनिवेयणा धाडि गहिय कहणाओ । संवेगबोहणिच्छा, निब्बंधे वयकहक्खेवो ॥७१४॥ भाववियणा ण कित्तिमरोगकरण देसणा य अप्पगया । बडु निव्वेया परायण अभयद्दाणाणं परिओसो ॥७१५॥
