________________
૪૨૦
64 श५६ : माग-१
गुरुपुच्छ गमण संपत्ति पवेसो वंदणादि उचियठिई । सति कालुग्गाहणमच्छणं खु अहमत्तलद्धी उ ॥२८९॥ ठवणकलादिनिदंसण, पडणीयगिहम्मि धम्मलाभो त्ति । अंतेउरियासन्नणमवहेरि कुमारगागमणं ॥२९०॥ पढम दुवारघट्टण, वंदण णच्चाहि तत्थ सो आह । कह गीयवाइएणं, भणंति अम्हे इमं कुणिमो ॥२९१॥ आरंभविसमतालं, अकोवकोवे ण एवं णच्चामि । कड्डण जयण निउद्धं, चित्तालिहियव्व साहुगमो ॥२९२॥ पीडंतराय न अडण, पइरिक्के चिंत सोहणनिमित्तं । होहिति चरणंति धितीजोगो सज्झायकरणं तु ॥२९३॥ रायकुमारावेयण, गुरुमूलागमण खमसु अवराहं । आह गुरू नवि जाणे, साहूहिं थंभिया कुमरा ॥२९४॥ पुच्छा ण केणइ ततो, रायाह न एयमन्नहा भंते! । आगंतुगम्मि संका, साहण रायागमण जाणं ॥२९५॥ विलितो रायणुसासण, मिच्छादुक्कड कुमारविनवणं । जोएह ते गुणेहिं, इच्छामो पुच्छह ततेत्ति ॥२९६ ॥ न चएंति तत्थ गमणं, मुहुजोयण कहण पुच्छ संवेगो । तहबीजब्भासाओ, संजोयण चरिय निक्खमणं ॥२९७॥ रायकुमारे चिंता, उवगारी सुट्ट अम्ह भगवंति । इयरस्स वि एस च्चिय, मणागमविहिम्मि उपओसो ॥२९८॥ अपडिक्कमणं कालो, देवोववाओ उदार मो भोगा । चवणनिमित्ते पुच्छा, बोही ते दुल्लहा भयवं! ॥२९९॥ किंतु निमित्तं थेवं, न महाविसयं कता णु लाभत्ति । एत्थाणंतरजम्मे, कत्तो नियभाति जीवाओ ॥३०॥
