________________
આપ્યો. ભાવાર્થ તૈયાર થયા બાદ મુદ્રણ માટે મહોદય પ્રેસમાં શરૂઆત થઈ.
પ્રસ્તુત સંસ્કરણની આવશ્યકતા – આ પ્રકરણ હજી સુધી અમુદ્રિત હોવાથી અને અનેક વિષયોનો એના દ્વારા સંક્ષેપમાં બોધ થઈ શકે તેમ હોવાથી તેનું મુદ્રણ કરાવવામાં આવ્યું છે. ઉપકારી મહર્ષિઓએ રચેલા આવા તો અનેક મહામૂલા પ્રકરણો હસ્તલિખિત ભંડારોમાં વિદ્યમાન છે.
સમ્પાદન સમ્બન્ધી – આ ગ્રન્થના સમ્પાદનમાં મેં બે તાડપત્રીય પ્રતિઓનો ઉપયોગ કર્યો છે. બન્ને પ્રતિસ્થપાઠમાં અર્થાનુસન્યાનની દૃષ્ટિએ જે પાઠ વધુ યોગ્ય લાગ્યો છે તેને મુખ્ય સ્થાન આપ્યું છે. અને જે પાઠ સર્વથા અશુદ્ધ નથી લાગ્યો તેને પાઠભેદ તરીકે નોંધ્યો છે. જે સ્થળોએ બન્ને પ્રતિઓનો પાઠ અશુદ્ધ લાગ્યો છે ત્યાં અર્થાનુસન્યાનનો વિચાર કરી સુધારેલો પાઠ ( ). આવા ગોળ કોષ્ટકમાં મૂક્યો છે.
પ્રકરણ પરિચય – પ્રસ્તુત પ્રકરણની પ્રાકૃત ૧૪૧ ગાથાઓ છે, અને તે આર્યાછન્દમાં રચેલું છે. એમાં લોકમાં રહેલા પદાર્થોનું ભેદ-પ્રભેદદ્વારા સંક્ષેપમાં વર્ણન કરવામાં આવેલું છે. જે અમોએ આપેલી વિષયસૂચિ વાંચી જવાથી જાણી શકાશે. મૂળ ગ્રન્થમાં જે જે સ્થળો સંક્ષેપમાં વર્ણવ્યા છે તે તે સ્થળોને પૂજ્ય પંન્યાસજી શ્રીમાનું માનવિજયજી મહારાજે તે તે વિષયના અન્યાન્યગ્રન્થોની સહાય લઈ વિસ્તૃત કરી પ્રકરણના હાર્દને સમજવામાં સરળતા કરી આપી છે.
પ્રકરણકારનો પરિચય – પ્રસ્તુત પ્રકરણના રચયિતા શ્રીમદ્ અમરચન્દ્રસૂરિવર છે એતો અન્તિમ આર્યા ઉપરથી સુજ્ઞાત છે, પરંતુ તેઓશ્રીએ આ પ્રકરણ ક્યારે રચ્યું? પોતે કયા ગચ્છના
