________________
હતા ? અને કોના શિષ્ય હતા ? એ બધું પ્રકરણના અન્ત અનલિખિત હોવાથી કહી શકાય તેમ નથી, તો પણ આ પ્રકરણ તાડપત્ર ઉપર મળતું હોવાથી એટલું કહી શકાય કે-૧૫મી સદી પહેલાની સદીમાં તેઓશ્રીની સત્તા હોવી જોઇએ, કારણકે તાડપત્રની પ્રતિઓ ૧૫ સદીના અન્ત સુધીની પ્રાય: મળે છે, પણ ત્યાર પછીની મળતી નથી. તેમાં પણ Aસંજ્ઞક પ્રતિની લીપી અને સ્થિતિ જોતાં એ પ્રતિ ૧૩ મી સદીની હોવાનું અનુમાન થઈ શકે છે. આથી પ્રસ્તુત-પ્રકરણના કર્તા ૧૩ મી સદીમાં થઈ ગયેલા આ નામના આચાર્યો પૈકી કોઇ હોવા જોઈએ. પરન્તુ એ બધું સાધન સામગ્રીના અભાવે કંઈ પણ નિર્મીત ન થઈ શકવાથી લખી શકાયું નથી.
પ્રતિપરિચય – પ્રસ્તુત સંસ્કરણમાં મેં બે તાડપત્રીય હાથપ્રતિઓનો ઉપયોગ કર્યો છે. ૧. પાટણ-સંઘવીના પાડાની છે, જેની Aસંજ્ઞા રાખી છે. ૨. જેસલમેરતાડપત્રીય ભંડારની છે, જેની Bસંજ્ઞા રાખી છે.
A સંજ્ઞક પ્રતિનો તત્રત્ય જુનો ડાવ નં. ૪૮ અને નવો ડા) નં. ૧પ૭/૧ છે. તેની પત્ર સંખ્યા ૧૫૪ છે. આ પ્રતિને અનેક સ્થળે ઉધઈએ જર્જરિત કરી ક્ષત-પ્રહત કરી નાખી છે અને પત્ર પ૩ થી પ૭ સુધીના પાંચ પત્રોમાં તો જમણી બાજુનો લગભગ એક ષષ્ઠાંશ જેટલો ભાગ તો અલગ થઈ ગયેલો હોવાથી ગુમ થઈ ગયેલો છે. એ ભાગ ગ્રન્થપાલની બિનકાળજીથી કે ઉપયોગ કરનારાઓની બિનકાળજીથી ગુમ થયેલો છે તે અમે કહી શકતા નથી, પરતુ આવું તો કેટલીય મહામૂલી પ્રતિઓ માટે બન્યું હશે તે તો જ્યારે ભંડારોની પ્રત્યેક પ્રતિઓ ઝીણવટથી તપાસવામાં આવે ત્યારે જ પ્રમાણિકપણે કહી શકાય.'
