________________
સમ્પાક્કીય-વક્તવ્ય
પ્રારમ્ભ ઇતિહાસ—વિક્રમ સંવત ૨૦૦૬ના શેષકાલમાં પાટણ સ્થિરતા દરમ્યાન કેટલીક તાડપત્રીય હસ્તલિખિત પ્રતિઓની પ્રેસકોપી કરાવી. તેમાં પ્રસ્તુત ‘વિભક્તિવિચાર' પ્રકરણની પણ પ્રેસકોપી કરાવી લીધી. પ્રેસકોપી તૈયાર થયા બાદ પ્રતિ સાથે મેળવી લીધી, પરન્તુ અર્થાનુસન્માનની દૃષ્ટિએ વિચાર કરતાં તેમાં કેટલેક સ્થળે અશુદ્ધિઓ જણાવાથી એના પરિમાર્જન માટે પ્રત્યન્તરની શોધ કરતાં જેસલમેરના તાડપત્રીય સંગ્રહમાં તેની પ્રતિ હોવાનું જણાયું. તે વખતે સાહિત્યરસિક ઉદારચેતા પૂજ્ય મુનિરાજ શ્રી પુણ્યવિજયજી મહારાજની જેસલમેરમાં સંશોધનના કાર્ય માટે સ્થિરતા હતી. એટલે તેઓશ્રી ઉપર આ પ્રેસકોપી મોકલી આપી અને ત્યાંની પ્રતિ સાથે સંશોધિત કરીને પાઠભેદોની નોંધ કરી આપવા મેં તેઓશ્રીને વિનંતિ કરી. તેમણે પણ સંશોધનના પોતાના અનેકવિધ કાર્યોમાંથી સમય મેળવી મારી તે વિનંતિનો સહર્ષ સ્વીકાર કરી એ પ્રેસકોપીને મુદ્રણ યોગ્ય શણગારી મને મોકલી આપી. આટલું કાર્ય થયા બાદ મૂળ ગ્રન્થ તો લગભગ શુદ્ધપ્રાયઃ થઇ ગયો એમ મને લાગ્યું. ત્યારબાદ ગ્રન્થમાં અર્થબાહુલ્ય હોવા છતાં શબ્દસંક્ષેપ હોવાના કારણે સહુ કોઈ એનો લાભ નહિ લઇ શકે એમ માની ભાવાર્થ સાથે એનું મુદ્રણ કરાવવું ઉચિત લાગવાથી મેં મારા વિંડલ ગુરુભ્રાતા પૂજ્ય પંન્યાસજી શ્રીમાન્ માનવિજયજી મહારાજને તેના ઉપર એક નાનકડો ભાવાર્થ લખી આપવા વિજ્ઞપ્તિ કરી. તેઓશ્રીએ પણ મારી તે વિજ્ઞપ્તિને માન આપી પોતાના પઠન-પાઠનના કાર્યમાંથી સમય કાઢી તે તે વિષયના અન્યાન્યગ્રન્થોનું બારીકાઇથી અવલોકન કરી એક સુંદર ભાવાર્થ લખી
