________________
૧૨૪
કુપક્ષકૌશિકસહસ્ત્રકિરણાનુવાદ
પૌર્ણનીય મત નિરસન નામનો ત્રીજો વિશ્રામ )
હવે પૂનમીયા મતને કહેવા માટે પૂનમીયો મત કાઢનારનું નામ શું? તે ક્યાં ગણમાંથી નીકલ્યો? તે કયા કારણે નીકલ્યો? અને તે કયા સંવત્સરમાં નીકલ્યો? તે જણાવવા માટે ગાથા કહે છે.
अह चंदप्पहसूरि-प्पभवं पुण्णिममयं वडगणाओ।
एगारइगुणसट्ठीवरिसे, गुरुबंधुऽमरिसेणं ॥१॥ હવે દિગંબરની વક્તવ્યતા કહ્યા બાદ ક્રમ પ્રાપ્ત એવો એટલે કે દિગંબરની ઉત્પત્તિ પછી ઘણા કાલ બાદ જેના સંતાનીયાઓ વિદ્યમાન છે એવા પ્રકારના ચંદ્રપ્રભાચાર્યથી પૂનમીયો મત ઉત્પન્ન થયેલ. આ વિશેષણ કહેવા વડે કરીને પૂનમીયા મતના આકર્ષક ચંદ્રપ્રભસૂરિ છે. એ પ્રમાણે જણાવ્યું. વડગચ્છથી એટલે બૃહદ્ ગચ્છથી. એટલે બૃહદ્ગચ્છમાંથી પૌર્ણમયક મત નીકલ્યો. કયા સંવત્સરમાં? તો કહે છે વિક્રમ સંવત ૧૧૫૯ વર્ષમાં ક્યાં કારણે નીકલ્યો? તે કહે છે. ગુરુબંધુ એવા મુનિચંદ્રસૂરિ ઉપરના અમર્ષના = ઈર્ષાના કારણે બૃહદ્ગચ્છમાંથી નીકલ્યો. એ અમર્ષનું કારણ શું? તે બતાવવા માટે બે ગાથા કહે છે.
गुरुभायामुणिचंदो, संविग्गो आसि सूरिपयपत्तो। कस्सइ तेण पइटुं, करिजमाणं सुणिअ रूसिओ॥२॥ तम्महविद्धंसमई, मणइ पइट्ठा न साहुणो किचं। दव्वत्थओ त्ति जुत्तिं, जंपंत महंत सद्देण॥३॥
ચંદ્રપ્રભાચાર્યના ગુરુભાઈ એવા, કષ્ટ કરીને કરી શકાય એવા આયંબીલ આદિ વ્રતમાં સ્થિર, સંવિગ્ન-બહુશ્રુત અને ગણનાયકની પદવીને પામેલા એવા મુનિચંદ્રસૂરિજી મહારાજ હતા. કોઈક મહર્ધિક શ્રાવકની દ્વારા મુનિચંદ્રસૂરિ વડે કરાવાતી પ્રભુપ્રતિષ્ઠાને સાંભળીને રોષાયમાન-ક્રોધાયમાન થયેલા તે ચંદ્રપ્રભાચાર્ય, તે પ્રતિષ્ઠાના મહોત્સવના નાશની મતિવાલા થયા થકા પ્રતિષ્ઠા એ સાધુનું કૃત્ય નથી, પણ શ્રાવકનું કૃત્ય છે.” એ પ્રમાણે બોલે છે. શું કરતાં બોલે છે? તે કહે છે. તે લોકો! “પ્રતિષ્ઠા એ દ્રવ્યસ્તવ છે.” (અને દ્રવ્યસ્તવ સાધુને ઉચિત નથી) એ પ્રમાણેના મોટા અવાજ વડે કરીને બોલતાં. ભાવાર્થ તો આ છે. તે કાલે કર્ણરાજાના રાજ્યમાં ચંદ્રપ્રભસૂરિ, મુનિચંદ્રસૂરિ, શ્રીમાન્ દેવસૂરિ, અને
શાંતિસૂરિ. આ ચારેય જણા એક જ ગુરુના શિષ્યો હતા અને ચારિત્રપાત્ર પણ હતા. આ ચારને વિષે . પણ જ્ઞાનાદિક ગુણો વડે કરીને અધિક સેવા અને સર્વ દેશોને વિષે વિખ્યાત એવા મુનિચંદ્રસૂરિ હતા.
એક વખત શ્રીધર નામના કોઈક મહર્ધિક શ્રાવકે મોટા ધનના વ્યય કરવાપૂર્વક અને મોટા
