________________
૧૦૪ જે
કુપક્ષકૌશિકસહસ્ત્રકિરણાનુવાદ ઉપદેશેલી એવી વસ્તુ રાખવાથી મોરપીંછી ઉપકરણ નથી પણ અધિકરણ છે.
વળી જો મોરપીંછી સાધુલિંગ થતું હોત તો બધાય દિગંબર માત્રને હોવું જોઈએ. જેવી રીતે શ્વેતાંબર નામ માત્રને રજોહરણ અને મુહપત્તિ હોય છે તેવી રીતે તમારા દિગંબર મતમાં નથી. કારણ કે દિગંબરના ચાર મત છે. એક કાષ્ઠા સંઘ, બીજો મૂલસંઘ, ત્રીજો ગોપ્યસંઘ અને ચોથો માથુરસંઘ.
તેમાં ભૂલસંઘને વિષે મોરપીંછી છે, કાષ્ઠાસંઘની અંદર ચમરી ગાયના વાળની પીંછી છે, ગોપ્યસંઘમાં પીંછી છે પણ તેને સંતાડીને રાખવાની છે, અને માથુર સંઘમા મૂળથી જ પીંછી સ્વીકારેલી નથી. અને એથી દિગંબરને મોરપીંછી-કમંડલુ-દેહાદિ પરિગ્રહ જ છે. | ગાથાર્થ ૩૩ /
હવે ‘વસ્ત્રથી ઢંકાયેલી સ્ત્રીઓને કેવળજ્ઞાન ન થાય.” એ પ્રમાણેની દિગંબરની શંકારૂપી જે કદલી = કેળ છે તેને કાપી નાંખવામાં કૃપાણ = કીરપાણ સરખી ગાથા કહે છે.
जइ चीवरवरिआणं, न केवलं तं हवे तयावरणं।
उप्पण्णपि कयाइ,-चीवर जोगे विलिइजा॥३४॥
જો વસ્ત્ર આચ્છાદિત શરીરવાળાને કેવળજ્ઞાન ન થતું હોય તો માનવું પડે કે પહેરેલું વસ્ત્ર કેવલજ્ઞાનનું આવરણ છે.–આચ્છાદનનું કારણ છે. અને એ કેવળજ્ઞાનનું આવરણ હોવાથી વસ્ત્ર કેવળજ્ઞાનાવરણીય કર્મ તરીકે પરિણમ્યું ગણાય! જે જેને આવતું અટકાવે છે તેનું આવરણ કહેવાય. જેમ શ્રુતજ્ઞાનને આવરણ કરતું કર્મ શ્રુતજ્ઞાનાવરણીય કર્મ પ્રકૃતિ કહેવાય. તેવી રીતે જે વિદ્યમાન હોય છતે જેની ઉત્પત્તિને પ્રતિબંધરૂપ થાય તે ઉત્પન્ન થયે છતે તેની ઉત્પત્તિનો નાશ કરે. એમ હોવાથી ક્યારેક વસ્ત્રના સંબંધે ઉત્પન્ન થયેલું કેવળજ્ઞાન પણ નાશ પામી જશે તેથી કરીને દિગંબરોએ કહેલી આ બધી વાતો આળ પંપાળો છે | ગાથાર્થ-૩૪ II
હવે કહેલી આ અનિષ્ટ આપત્તિને પણ ઉષ્ટ આપત્તિ તરીકે સ્વીકાર કરવાપૂર્વક દિગંબરને દૂષિત કરવા કહે છે.
एवं चिअ कप्पिजइ, चीवरवरिआण जइ न सुअणाणं। घोसिजंतं हुजा, लुपिज्जा अहव भणिअंपि॥३५॥
એ પ્રમાણે પહેરેલાં વસ્ત્રવાળાને ભણવા છતાં પણ શ્રુતજ્ઞાન ન હોય. અને અથવા ભણેલ હોય તો વસ્ત્રવાળાને તેનો લોપ થઈ જાય. શ્રુતજ્ઞાનનું પણ જ્ઞાનવડે કરીને કેવળજ્ઞાનની સમાનપણું છે. કેવળજ્ઞાનની જેમ શ્રુતજ્ઞાનનું પણ ઉત્પત્તિ અને વિનાશનું અવિશેષપણું હોવાથી.
હવે દિગંબર શંકા કરે છે કે “શ્રુતજ્ઞાન તો ક્ષાયોપથમિક ભાવનું છે. તેનો વસ્ત્રવાલાને વિષે પણ સંભવનો વિરોધ નથી, કેવળજ્ઞાન તો ક્ષાયિક છે. અને તે વસ્ત્રાદિને વિષે મમતાવાલાને કેવી રીતે થાય?' એમ જો કહેતો બોલીશ નહિ. કારણ કે શરીરને વિષે મમતાનો સંભવ હોવાથી બધા જ
