________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
तरेयव्यो, एस उण तित्थयराएसो जहा अपहियं काय जइ सक्का पहियं च पयरेजा। अत्तहियपरहियाणं अत्तहियं चेव कायव्वं ॥१२२॥ अन्नंच जइ एते तवसंजमकिरियं अणुपालिहिंति तओ एएसिं चेव सेयं होहिइ, जइ ॥ करेहिति तओ एएसिं चेव दुग्गइगमणमणुत्तरं हवेजा, नवरं तहावि मम गच्छो समप्पिओ गच्छाहिवई अहयं भणामि, अन्नंच जे तित्थयरेहि भगवंतेहिं छत्तीस आयरियगुणे समाइढे तेसिं तु अहयं एक्कमविणाइकमामि जइवि पाणोवरम भवेज्जा, जं चागमे इहपरलोगविरुद्धं तं शायराम ण कारयामि ॥ कज्जमाणं समणुजाणामि, ता मेरिसगुणजुत्तस्मावि जइ भणियं ण करेंति ताऽहमिमेसिं वेसग्गहणं उद्दालेमि, एवं च समए पन्नत्ती जहा जे केई साहू वा साहुणी वा वायाभित्तेणावि असंजममणुचेटेजा से णं सारेजा चोएज्जा पडिचोएज्जा, से णं सारेज्जते वा चोइजते वा पडिचोइजते वा जे णं तं वयणमवमनिय अलसायमाणे वा अभिनिविटे वा ण तहत्ति पडिवज्जिय इच्छं पउजित्ताणं तत्थ णो पडिक्कमेज्जा से णं तस्स वेसग्गहणं उद्दालेज्जा, एवं तु आगमुत्तणाएणं गोयमा! जाव तेणायरिएणं एगस्स सेहस्स वेसम्गहणं उद्दालियं ताव णं अवसेसे दिसोदिसं पणटे, ताहे गोयमा! सो य आयरिओ सणियं तेसिं पट्टीए जाउभारद्धो णो णं तुरियं २, से भयवं! किमटुं तुरियं २ णो पयाइ?, गोयमा! खाराए भूमीए जो महुरं संकरेजा महराए खारं किण्हाए पीयं पीयाओ किण्हं जलाओ थलं थलाओ जलं संकज्जा तेणं विहीए पाए पमजिय
२ संक्रमेयव्वं, गो पमज्जेजा तओ दुवालससंवच्छरियं पच्छित्तं भवेजा, एएणमटेण गोयमा! सो आयरिओ ण तुरियं २ In श्री महानिशीथसूत्रं ॥
पू. सागरजी म. संशोधित
For Private And Personal Use Only
