________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तत्व-समुच्चय
१६ रोग नचा उप्पइयं दुक्खं वेयणाए दुहट्ठिए । अदीणो भावए पन्नं पुट्ठो तत्थहियासए ॥ ३२ ।। तेइच्छं नाभिनन्देज्जा संचिक्खत्तगवेसए । एवं खु तस्स सामण्ण जं न कुज्जा न कारवे ।। ३३ ॥
१७ तृणस्पर्श अचेलगस्स लूहस्स संजयस्स तवस्सिणो । तणेसु सयमाणस्स हुन्जा गायविराहणा ॥ ३४ ॥ आयवस्स निवारण अउला हवइ वेयणा । एवं नच्चा न सेवन्ति तन्तुजं तण-तज्जिया ॥ ३५ ॥
१८ मल किलिन्नगाए मेहावी पंकेण व रएण वा । प्रिंसु वा परियावेण सायं नो परिदेवए ॥ ३६ ॥ वेएज्ज निज्जरापेही आरियं धम्मणुत्तरं । जाव सरीरभेउ त्ति जल्लं कारण धारए ॥ ३७॥
१९ सत्कार-पुरस्कार अभिवायणमब्भुट्ठाणं सामी कुज्जा निमन्तणं । जे ताई पडिसेवन्ति न तेसिं पीहए मुणी ॥ ३८ ॥ अणुक्कसाई अप्पिच्छे अन्नाएसी अलोलुए। रसेसु नाणुगिज्झेज्जा नाणुतप्पेज्ज पन्नवं ॥ ३९ ॥
२० प्रज्ञा से नूणं मए पुव्वं कम्माणाणफला कडा । जेणाहं नाभिजाणामि पुट्ठो केणइ कण्हुई ॥ १० ॥ अह पच्छा उइज्जन्ति कम्माणाणफला कडा ! एवमस्सासि अप्पाणं नच्चा कम्मवि गियं ॥ ४१ ॥
२१ अज्ञान निरङ्कगम्मि बिरओ मेहुणाओ सुसंवुडो । जो सक्खं नाभिजाणामि धम्म कल्लाण-पावगं ।। ४२ ।।
For Private And Personal Use Only
