________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अज्ञातसूरिविरचिता
जह जह चोएइ गुरू, पमाइणो मूल-उत्तरगुणेनु । तह तह किरियाभट्ठा, धारति अप्पतिय मणसा ॥१०॥ सामेण भणइ एवं, भो देवाणुप्पिया! चयह तुम्भे । संसारवल्लिकंद, पमायमेयं जो भणियं ॥१०७॥ चउदसपुवी-मणनाणिणो [य] उवसंत-खीणमोहा य । हुंति पमायपरवसा, तयणंतरमेव चउगइया ॥१०॥ पडिबोहिया वि एवं, गुरूण आणं करिति न कयावि । नाणोवओगओ तो, जुत्ती बोहस्स विनाया ॥१०९॥ सिज्जायरस्स सिहस्स, मरिणा तं समत्थमक्खायं । निभच्छियासि [य ?] तुम, एए एवं ममम्मि गए ॥११॥ सागरचंदायरिओ, स[सीस ? ]सीसो जहिं तर्हि अहयं । गच्छामि एवमायक्खिऊण रयणीइ सेसम्मि ॥१११॥ एगागि चिय सूरी, निग्गंतूणं जहट्ठियं ठाणं । संपत्तो ताव तहिं, सो सूरी देसणं कुणइ ॥११२।। आवत्तदुवालसगेण, वंदिओ उद्दरेण सद्देणं । उपविठ्ठो निसुणइ धम्मदेसणं नियसीसस्स ॥११३॥ अह उढियाय सावयसहाइ मुरीहि मुणिवरो पुट्टो । कत्तो सि आगओ [भो ?], तेणुत्तं दूरदेसाओ ॥११४॥ मिक्खापोरसिसमए, साहूहिं निमंतिओ गणी एसो । मूरिहिं समं वत्ता, परुप्परं काउमाढत्तो ॥११५॥ पुढो सगव्वमेवं, कहापबंधंतरे ससूरी हिं। गणिवर ! महगुरुगुरुणो, कया वि तइ देसणा निसुया ? ॥११६॥ आमं ति तेण वुत्ते, अहं पि कि तारसी करेमि नवा ? । तो भणइ इमो तुम्भे, फुडवियर्ड देसणं कुणह ॥११७॥ एवं दो तिन्नि दिणा, सिद्धंतरहस्ससारजुत्तीओ। अनोनं आपुच्छताणं, खणमिव अइकंता ॥११८॥ इत्तो य उग्गए भाणुमंडले वि गयनिद्दवावारा । वसहीए ते मुणिणो, कालयमूरिं न पेच्छंति ॥११९।। खणमित्तं चिंतेउं, परोप्परं ते मुहं नियच्छति । सुन्नमणा तेणुत्ता, सिझायरसावएणेवं ॥१२०॥ । भो ! भो ! तुम्हाण गुरू, कहिं गओ तं वयं म याणामो । पभणंति कहस तं चेव, जत्थ पत्तो गुरू अम्हं ॥१२१॥
For Private And Personal Use Only
