________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अज्ञातसूरिविरचिता इय मोहविसं घायइ, निव्वुइकरणा रसायणं धम्मो । मंगलमसिवोपसमा, विणीउ गुरु-लहुअचिंताए ॥१४॥ जियअणुकूल पयाहिण, तिकोडिसुद्धो गुरू अडझो उ । कुमयग्गिणा चिरेण वि, नियफलदाणा तह अकुच्छो ॥१५॥ अविरुद्ध-सुकिरिय-उंतरसुद्धि-दृढत्ताइकरणा धम्मे ।
सुय-सील-तव-दयाई, कस-छेयण-ताव-ताडणया ॥१६॥ महवा
पावट्ठाणनिसेहो, झाणाइविहीय धम्मकसवट्टो । बाहिरणुढाणेण उ, सुद्धिअबाहाइ से छेओ ॥१७॥ जीवाइभाववाओ, बंधाइपसाहओ इहं तावो । धम्मदढत्तं दुहआवईसु इह धम्मताडणया ॥१८॥ बाला गहंति धम्म, अवियारिय साउ मोअगं पिव जे । तप्पंति कणगगाहि व्व, ते तओ सोउमिय कुमरो ॥१९॥ वेरागभावियमणो, पडिबुद्धो तस्स मूरिणो पासे । पडिवन्नो जइधम्मं, वज्जिय सव्वं पि सावज्ज ॥२०॥ सो गहियदुविहसिक्खो, धारे दुद्धरं पि वयभारं । समयम्मि वट्टमाणं, अहिज्जिओ आगमं सयलं ॥२१॥ संघस्साणुन्नाए, गुरुणा सो ठाविओ गणहरत्ते । भवियारविंदभाणू, जहाविहि विहरइ महीए ॥२२॥ देविंदनमियचलणो, जुगप्पहाणो कमेण संवुत्तो । पंचसएणं साहूण, परिवुडो सयलसंघवई ॥२३॥ तस्सेस लहुयभइणी, सरस्सई कन्नगा वि जइधम्म । पडिवन्ना संजाया, पवत्तिणी तस्स गच्छम्मि ॥२४॥ सो कुमयकरडिसीहो, पुरीमती कयाइ संपत्तो । तब्भइणी वि सरस्सइ, [सत्येव ?] मुसाहुणीसहिया ॥२५॥ तत्रयरसामिणा गद्दभिल्लरना अहन्नया दिहा । अह संकिलिट्ठचित्तोदएण सो चिंतए एवं ॥२६॥ नइ हंत ! इमा वि वयं, करेइ परिचित्तरइसृहा बाला । तो विहलपुरियारो, कह अज्ज वि वम्महो जियइ ? ॥२७॥ इन्चाइ चिंतयंतो, मणयानलदड्ढगुरुविवेयदुमो,। घेत्तुं हढेण अंतेउरम्मि तं साहुणिं खिवइ ॥२८॥ पोकरइ ददं च इमा, नयणंसुपवाइसित्तपरणियला । विसबह य हा सहोयर !, हा पवयणनाह ! मणिसीह ! ॥२९॥
For Private And Personal Use Only
