________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अज्ञातसूरिविरचितं कालिकाचार्यकथानकम् ॥
[ लेखनसंवत् १४९०]
THE
अत्थि [इह] जंबुद्दीवे, भारहवासम्मि मगहविसयम्मि । नामेण धरावासं, नयरं अमरावईसरिसं ॥१॥ सीहु ब्व वयरसीहो, वेरिमहाकरिघडाण दुप्पेच्छो । तं पालइ नरनाहो, देवी सुरसुंदरी तस्स ॥२॥ विसयमुहमणुहवंताण, ताण एगो सुओ समुप्पन्नो । जह अमियसिद्धिजोओ, बुहाऽणुराहाण संबंधो ॥३॥ कालो नामेण सुओ, तेसिं चालत्तओ वि सगुणेहिं । सियपक्खससहरो इच, कलाविसेसेहिं वित्थरिओ ॥४॥ वयणस्स पंकयं कुवलयाइणी लोयणाणं उवमाए । जुज्जीसु जीए कहमवि, समुदायसिरी पुणोऽणुवमा ॥५॥ किं बहुणा अमरीए(ओ), विलंघिउं जीइ रेहए रुवं । सा नामेण गुणेहि य, सरस्सई आसि से बहिणी ॥६॥ अह अन्नया कयाई, कुमार सामंत-मंतिपरियरिओ । नयरसमीवुज्जाणे, संपत्तो रायवाडीए ॥७॥ तत्य नवमेहगज्जियगंभीरो देसणाझुणी निसुओ। उक्कंठिओ सिहंडि ब्व, तक्षणं सोउमाढत्तो ॥८॥ एगेण मंतिपुत्तेण, पणिो देव ! समणसंघवई । विन्नइ सूरी तस्सेस, सुहयरो देसणासदो ॥९॥ जुज्जइ तुम्हाण वि, एयपायमूलम्मि धम्मसव्वस्सं । आयनिउं कुमारो वि, तक्खणं तत्य संपत्तो ॥१०॥ 'वंदामि मत्थाएणं', पभणित्ता नाइदूरमासने । उवविठ्ठो धम्मकई, सुणेइ पावग्गिजलवुढेि ॥११॥ वरकणगं व परिक्खिय, बहुलद्वगुणं कसाइचउमुद्धं ।
धम्मं सिवमुहकरणं, गिण्डह दोगचदुइदलणं ॥१२॥ तत्थ
विसघाइ-रसायण-मंगलत्य-विणिए पयाहिणावत्ते । गुरुअ-अडज्झ-अकुच्छे, कसाइचउमुदकणयगुणा ॥१३॥
For Private And Personal Use Only
