________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अज्ञातसूरिविरचिता जइ न इणिज्जइ अप्पा, ता सयलकुलं पि नेइ खयमेसो । अप्पाणमेव हणिलं, तम्हा कुलरक्खणं जुत्तं ॥३५॥ रुट्ठो य पहू अम्हं, कायन्व मणं च (?) एयमम्हेहिं । सूरी वि भणइ तुम्हं, अन्नस्स व अहव सो रुटो ? ॥३६॥ सो भणइ जेण दीसइ, [इ]मीए छुरियाए छन्नबइ अंको । ता अन्नेसि वि मन्ने, पंचाणउईनरिंदाण ॥३७॥ सोऊण सूरिणा [२], भणियं मा मरह इह मिलेऊण । बच्चह हिंदुगदेसं तेणावि तह ति तं विहियं ॥३८॥ ते रायाणो याउ, जाणियं मिलेऊण संचलिया । हिंदूगदेस सव्वे, नियनियस(सि)न्नेहिं संजुत्ता ॥३९॥ सिंधुं समुत्तरित्ता, सुरदृदेसं समागयाण तओ । पत्तो पाउसकालो, इव विरहिजणाण [ संजलणों १] ॥४॥ दुग्गममग्गत्तणओ, सुरहविसयं तओ विहंजेउं । छन्नलईभाएहि, सव्वे वि ठिया तहिं हिट्ठा ॥११॥ अह नियकजुज्जयमाणसेण विलसंतसरयकालम्मि । भो! किं निरुज्जम चिय, चिट्ठह इह सूरिणा भणिया ॥४२॥ सव्वे वि साहिणो ते, भणंति आइसह किं पुण करेमो । जंपइ सूरी गिण्हह, उज्जेणिं तस्स पडिवट्ठो ॥४३॥ बहुओ मालवदेसो, निन्चाहे तुम्ह ते तओ बिति । नत्थीह संबलं सूरिणा वि तो जोगचुन्नेण ॥४४॥ इकं इट्टावायं, काउं नवजच्चकंचणमयं ति । मणियं गिण्हह एयं, संबलयं ते वि तं हिट्ठा ॥४५॥ भागीकाउं गिण्हित्तु, पत्थिया मालवम्मि साहिता । अंतरदेसे कमसो, पत्ता उज्जेणिविसयम्मि ॥४६॥ सोऊण गद्दभिल्लो, पत्तो सीमाए संमुहो जुडिओ । संगामे हयदप्पो, वलिउँ पविसित्तु नियनयरिं ॥४७॥ जाओ रोहगसज्जो, ते वि हु तं पुरवरिं समंतेण । वेढित्तु वलयबंघेण, निययसिन्नेण चिट्ठति ॥४८॥ कुव्वंति पइदिणं चिय, ढोयं अन्नम्मि वासरे मुन्न । पेक्खित्ता पागारं, सूरि पुच्छंति किं अज्ज ! ? ॥४९॥ दीसइ सुन्नं कोर्ट, तो नाऊणं पयंपए सूरी। जह अजमहमीए, साहइ सो गमि विजं ॥५०॥
For Private And Personal Use Only
